الموضوع: هتتصرف ازاى لما تعرف كده

[justify]السلام عليكم ورحمه الله وبركاته

النهارده هقولكم على مصيبة جاية وربنا يستر فيها ومحتاج من كل واحد يحط نفسه مكانى ويقول هيتصرف ازاى
انا شغال فى بورصة العملات والناس كلها عارفه الكلام ده وعارفين انى معايا فلوس كتير وعندى ارض ومبسوط يعنى


اخويا الصغير محمد فى تجار انجلش فى واحد يعرفه واعتقد انه ابوه صاحبه وهو شغال فى جهه مش عارف اذا كانت مخابرات ولا امن دولة هو ماردش يقولى لانه اصلا عايز يحافظ على العلاقة اللى بينه وبين الراجل ده وبينه وبين الراجل ده امور كتير بس عارف ان اخويا مش بيطلع كلام بره


المهم الراجل من حوالى شهر قاله خلى بالك فى ناس حاطه عينهم عليكم محمد اخويا خد الكلام عادى لان دى حاجة احنا عارفنها كويس وحاسنها فمحمد اخويا ما اهتمش بالكلام


من حوالى 5 ايام ابويا طلع على المعاش ابويا شغال مدير فى الضرائب العامة المهم امبارح الراجل اتصل بمحمد وقاله خلى بالك الناس مراقبه تحركاتكم وفى اخر مكالمة قالوا لما نحب نصطاد هنصطاد وهبندا ب وائل اللى هو انا

انا قولت الراجل ده شغال تجسس لان الكلام ده كله سمعه من مكالمات بينهم وبين بعضهم وهو يظهر شغال تجسس عليهم


الناس دى عبارة عن جماعة عايشة على انهم يخطفوا ناس ويطلبوا فلوس بس شكلهم مش بيخطفوا اى حد بيدور على الناس التقيلة اللى معاها فلوس


اعتقد ان الراجل ده شغال تجسس عليهم وحب ينبه اخويا واننا ناخد بالنا طبعا لما محمد قال الكلام ده لينا الكل بيقى بياخد باله اللى كانت بتروح حضانة هتعقد مش رايحه اختى مهندسة شغلها فى اسكندرية طبعا ماشية تلف حواليها لانها مقلقة محمد واحمد اخواتى كل واحد قلل خروجاته وطبعا بعد ما عرفت ان البداية هتكون انا ناوى امشى بسلاح فى كل مكان ولو حصل حاجة قسما بالله لاقتل مفيهاش كلام يا قاتل يا مقتول الناس دى الالى بالنسبة عادى يعنى المصيبة مش هيجوا يخطفونى بسلاح ابيض كان ارحم لاء ده اقل واحد هيقول شايل خرطوش


الكلام ده بدايته كانت امبارح بليل ولسه مش عارف هتصرف ازاى


والحمد لله ان ربنا باعتلنا الشخص ده اللى ادانا تنبيه قبلها وعلى الاقل شال عنك عنصر المفاجاه يعنى بيقول استعدد لاى حاجة


احنا عندنا طبنجة مش مترخصة وشايف انى امشى بيها اليومين دول لان البداية هتكون انا وطبعا عارف ان فى ناس الوسواس هيشتغل فى دماغها ويقولولى يا سلام لو اتمسكت بيها عايز اقوله احنا فى كفر الدوار اصلا والكلام ده مش موجود نهائى وبسم الله ما شاء الله على الامن وحلاوته


المشكلة انى ما ينفعش ابلغ لان هيقولى جبت الكلام ده منين وما ينفعش ابوظ العلاقة اللى بين اخويا والراجل ده وحتى لو بلغت تفتكر يعنى الشرطة هتيجى تحميك اذا كان اللى بتسرق عربيه واللى سرقها بيطلب مبلغ وصاحب العربية بيروح يبلغ يقولوه ادفعله


انا مش عارف اتصرف ازاى وكل اللى فى دماغى امشى بالطبنجة ولو حسيت بحاجة يا قاتل يا مقتول علما بان خروجى كله للصلاة وبتمشى فى منطقة معينة شارع الشجر عبارة عن شارع طويل كله شجر ودايما بيكون ملتقى الاحباب لانه هادى ومدارى شوية بحب امشى فيه كل يوم اقول اذكارى وانا متاكد ان الشارع ده هيكون النقطة اللى فكروا فيها بالنسبة ليا


مش هقول غير ربنا يستر وفى انتظار ردودكم بس ياريت كل واحد يحط نفسه مكانى ويرد رد منطقى

متابع
[/justify][justify][/justify][justify]
[/justify]