هل فيه مشاكل أمنية في سيراتو 2014؟ ومقال "نصائح لحماية سيارتك" ؟!

السلام عليكم،

هل فيه مشاكل أمنية في سيراتو 2014 تخلّي سرقتها أسهل من سرقة بقية السيارات؟ أنا شايف إن أغلب تبليغات السرقة على النترا وسيراتو كانت من سنة 2011 إلى 2013؟ هل فيه حالات تم الإبلاغ عنها لموديلات 2013 و 2014 بعد مانع السرقة؟

أنا عارف إنهم بينزلوا بمانع سرقة حاليا (بالمناسبة فيه فئات خليجي مش بتنزل بمانع سرقة) لكن بعدما قرأت المقال المنشور هنا "نصائح لحماية سيارتك من السرقة خصوصًا أثناء فترة الانفلات الأمني" لقيته يخص سيراتو 2014 بالاسم "ظهرت عصابات متخصصة فى سرقة موديلات بعينها مثل تويوتا كورولا موديلات 2000عام حتى 2007 وكذلك هيونداى الانترا موديلات 2007 حتى 2014 وكيا سيراتو موديل هذا العام" !

متاااااابع

متابع
طيب ايه رايكم فى تركيب شفره ضد السرقه زى الاوميبلايزر كده ويمكن افضل وانا زميل لى مركبه بياخد وقت 3 ساعات ويكون جاهز وتكلفته 250 ج بس

وهيديلك المفتاح ومعاه قطعه صغيره كده لما تيجى تركب العربيه قبل ماتدور لازم تحط القطعه دى فى مكان ما بالعربيه هيديك صوت معين كده بعدها تدور العربيه فى خلال 30 ث لو مدورتش الشفره تشتغل تانى اتوماتيك للحمايه لكن لو دورت خلاص تفضل متوقفه لغايه لما تشيل المفتاح تشتغل تانى وهكذا

على فكره بكده الحرامى مايقدرش يسرق العربيه حتى لو كسر الكونتاكت ودور بسلكين

فى وسائل امان كتير وطبعا كل وسائل الامان دى بعد ستر ربنا اولا واخيرا وهيا مجرد وشيله علشان نعمل ال علينا فقط لا غير

وربنا يسترها ان شاء الله

طيب ممكن تدينا نمرة المركز الي بيركب جهاز شبه اليموبلايزر دا ابو 250 جنيه علشان نكلمه ونفهم منه

هو فى المحله لو عايز رقمه اجيبهولك من صاحبى

ايه تانى عنده

طب ايه الميزة فى ده عن الايموبليزر الى بيجى مع العربيه ..ما هو برده لو فك الكونتاك والعربيه فيها اموبلايزر ودور بالسلكيم كش هتشتغل

اقتباس:

---

المشاركة الأصلية كتبت بواسطة البراء بن مالك

طب ايه الميزة فى ده عن الايموبليزر الى بيجى مع العربيه ..ما هو برده لو فك الكونتاك والعربيه فيها اموبلايزر ودور بالسلكيم كش هتشتغل

---

ميزه ده عن الاموبلايزر ان الاموبلايزر بيعتمد على شفره او كود موجود فى المفتاح والكنترول يتم مطابقتهم معا لو طلعت صح هتدور العربيه

لكن دلوقت فيه شفرات بتتسرب لبتوع المفاتيح وبيعرفوا يشفروا المفتاح دلوقت

ميزه ده انه بالضبط زى الاموبلايزر لكن بيزيد عنه انك معاك الجزء اللى فيه الشفره اللى بتطابق ودى بتتحط او بتقربها لمكان الشفره اللى فى العربيه بيتم التطابق وتديك اشاره مطابقه وتسمع صوت بعدها تدور العربيه

لو الجزء ده مش معاك او محطتوش عمر العربيه ماهتدور

وطبعا عمر الحرامى ماهيكون معاه ده الا لو انت اللى اديتهوله بنفسك وعرفته يحطه فين فى العربيه لان لو حتى خده مش هيعرف مكان المطابقه

هي فكرة الجهاز تقريبا شبه المفتاح اللي بيقفل البنزين، عموما أنا كنت باسأل عن عيوب في العربية نفسها تجعل سرقتها أسهل من العربيات التانيه، عموما مازال الناس مقلقين منها ولذلك بعدت عنها علشان أشتري دماغي مع إني عزمت على شرائها أكثر من مره لكن كل مره ألائي خبر بعدها بيومين أو حاجه عن حد اتسرقت منه سيراتو أو مسكوا عصابه متخصصة في سرقتها هي أو الالنترا أو مسكوا حرامي سيارات راكب النترا أو سيراتو أو مسكوا حد في المرور رايح يرخص سيراتو أو النترا ورقها مضروب والخ! اكتب على جوجل سيراتو واضغط على تاب الأخبار وتابع يوميا هتلائي دائما أخبار متعلقة بسرقتها! حاجه تقرف الحقيقة السوق كله إما عربيات بتتسرق أو عربيات فتيسها بيخرب أو عربيات مالهاش قطع غيار أو أو أو!