-
توكيل تويوتا بالأسكندريه
انا دلوقتي موجود في توكيل تويوتا باﻻسكندريه للكشف على عدم سحب السياره و مشكلة تعشيقة الدبرياج و أخيرا صوت - تزيقه - في العجله الخلفيه
بعد لما جيت و الانسة بتاعة الاستقبال قابلتني و قالتلي اتفضل استريح في الاستراحه قعدت ساعه إﻻ ربع و كان فاضلي بالظبط خمس دقايق و اخد العربيه و امشي لحد ما ربنا كرم و ندهو على اسمي
مهندس الاستقبال كان راجل جنتل و سمع مني المشاكل كلها و قالي العربيه هتقعد 3 ساعات و جه معايا و إستلم العربيه و الحمد لله
و لمده نص ساعه تانيه العربيه شايفها مركونه قدامي و محدش حن عليها
و فجأه العربيه دخلت الورشه ...
مفيش خمس دقايق لقتهم بيندهو على اسمي اتاري في مهندس عاوز يجرب العربيه معايا .. و الحق لله كان راجل جنتل زي الفل ميتخيرش عن مهندس الإستقبال شرحلي و وضحلي حاجات في العربيه و بما أني اول مره اركب تويوتا شرحلى ان ال ار بي ام في العربيه دي واطي طبيعي لﻹستهﻻك البنزين . و العضه بتاعه المارشدير دي لﻷمان ... ما علينا
يظهر الواحد بيظلم الناس ...
المهم بعد كام مطب ظهرت أخيرا التزيقه اللي في المساعدين قالي احنا هنكشف على المساعدين
و من ساعتها وﻻ حس وﻻ خبر و أديني قاعد مستني فرج الله يمكن حد يحن عليا و يقولي العربيه خلصت
و اعدكم أول لما العربيه تخلص هقلكوم ايه اللي حصل
-
ربنا معاك يا حبيبى يارب ويجيب العواقب سليمة بامر الله
اللافت فى الموضوع ان دايما
مهندسين الصيانه فى التوكيل بتبقى ناس محترمه اوى وفاهمة اوى اوى وتحس من كلامهم انهم ناس فاهمة كل مسمار فى العربية
على عكس موظفة الاستقبال خصوصا لو كانت واحدة ست تحس انه ملهاش فى البطيخ وبتقول اى كلام وتحس انه عايز تقولها انت فاهمة الى بتقوليه دة ولا حافظة وترددى الكلام وخلاص امشى ناديلى حد كبير اكلمه هههههه
ربنا معاك يا حبى دة كان على سبيل الفكاهة واضحكك كدة لان عارف انت فى تنشن دلوقتى بس ان شاء الله خير ولو فيها مشكلة هيعملوها ان شاء الله
مستنين منك اية الى حصل
-
-
-
السلام عليكم
و أخيراً العربيه خلصت بعد ثلاث ساعات و نصف من الانتظار
و للمره التانيه ندهو على اسمي
طبعا كنت في قمة السعاده ان اسمي اتنده
روحت بكل شياكه لمهندس الاستقبال - الجنتل - قالي العيب كان في مسمار استبليزر كان بايظ نتيجه خبطه في العربيه من تحت
انا استغربت
مسمار استبليزر في 3:30 ساعه و قبليهم ساعتين انتظار ليه يعني
ما علينا قالي العربيه هتتكلف 139 جـ !!!
أنا استغربت
قولتله هي العربيه مش في الضمان دي عامله 2700 كم
قالي بكل جنتله لا علشان دي خبطه يبقى على حسابك
قولتلو ما علينا ادفع
و دفعت الفلوس ورحت استلم العربيه لقيتها عليها تراب و متوسخه و الكرتون اللي بيحطوه جواها لسه فيها
أنا استغربت
رجعت للمهنس تاني قولتلو هوه حضرتكم مغسلتوش العربيه ولا نظفتوها ليه ؟
قالي بكل جنتله معلش اصل الميه قاطعه
انا استغربت
قومت قايلو ماشي و اخدت العربيه و روحت
و فجأة - في عند البيت عندي مطب رخم - سمعت صوت التزيقه تاني
أنا استغربت
و لسه مندهش لحد دلوقتي
حد يقولي اعمل ايه ؟؟؟؟؟
و أخيرا حسبي الله و نعم الوكيل في كل توكيل مبيراعيش حق ربنا :17:
-
:angry27::angry27::angry27::angry27::angry27::angr y27::angry27::angry27::angry27::angry27::angry27:: angry27::angry27::angry27:
-
هوه ده رأي في توكيل تويوتا محرم بك الاسكندريه
سئ بس تعامل الناس كويس تقولش بيدوك بنج علشان متحسش بالـ...........
-
طب مين أحسن من محرم بك في اسكندرية؟؟؟؟
-
Content Relevant URLs by
vBSEO 3.6.0 PL2