صيانة 30 الف كيلو لتويوتا كورولا 2009 وانطباعات ايجابية
كنت بعمل صيانة 30 الف كيلو لتويوتا كورولا 2009 MMT فى فرع القاهرة الجديدة
كنت عامل حسابى أن تيل الفرامل هيتغير عشان التيل اللى راكب هو الأصلى اللى جاى مع العربية
مهندسة الاستقبال عملت معاينة مبدئية 2000 جنية شامل تغيير تيل أمامى وتيل خلفى وسير المجموعة وتربيط عفشة وكشف على الزيوت
الانطباع الايجابى ان التوكيل عامل شاشة تلفزيون عشان تشوف العربية اثناء الصيانة وكمان عامل تليفون جنب التلفزيون عشان تتصل بالورشة لو فية اى ملاحظات اثناء الصيانة ....
ولما العربية دخلت الصيانة شوفت العامل فى شاشة التلفزيوني شال فلتر التكييف و بينظف فلتر التكييف بمسدس الهواء ولاحظت ان الفلتر لونة غامق فكلمت الورشة فى التليفون وقلتلة لو كان الفلتر حالتة وحشة يغيرة وفعلا لقيته شال الفلتر تانى وبص فية وبلغنى ان الفلتر كويس مش محتاج يتغير ....
فى النهاية قالولى ان التيل ممكن يشتغل كمان خمس الا ف كيلو يعنى اروح الغيرة عند 35 الف كيلو
التكلفة النهائية 780 جنية شاملة تغيير سير المجموعة وتربيط عفشة وكشف على الزيوت وتزويد مية التبريد
حركة التلفزيون جميلة جداً وفعلا التوكيل بيطور نفسة كل شوية
http://nileup.com/up/uploads/nilemotors_13927293221.jpg
