الموضوع: مشكله بعد رش الانوس

السلام عليكم
انا دلوقتي رشيت العربية وبعد لما استلمتها اكتشفت من عند الشنته بالظبط حوالين
العلامة البوية القديمة باينه من حواف العلامات
وكمان في معجون في الباب باين كان البوية خفيفه
دلوقت العلامات الي علي الشنطه لو اتشاله سهل تتشال وتتلزق
وهوا هيدخلها تاني الفرش هيرش الباب والشنطة
هل هدفع فلوس تاني ولا مليش دعوه

صديقي المواطن
قولا واحدا حاسس بيك وبألمك خصوصا الواحد بيبقه صابر على تجديد عربيته وفي اﻵخر حبة حاجات في الفنش بيخليك تكره نفسك وده حال كتير في عالم اﻷسطوات المصريين نادري وقليلي اﻹتقان
وياما نادينا وياما قلنا أي بوهيجي يرتضي يدخل أي عربية للفرن بدون إزالة علامات وكتابات وأكر وزجاج وفوانيس العربية فده يا إما فاشل يا إما ضعيف يا إما تجاري يا إما كفته يا إما أي كلام يا إما إستسهالي وربنا يتوب عليك منهم والصح يتم اﻹتفاق مع بتاع كوالين محترم يفور العربية بنواكلها وحبشتكناتها وتروح البوهيجي تترش ويرجع يركب على نظافة
ولكن بما إنه خلاص الفاس وقعت في الراس
فأولا بالنسبة لخوفك من دفع أموال إضافية ﻷنه سيعيد مكان العلامات فلا دفع عليك ﻷنه عيب فنش
ثانيا بالنسبة للخربوش فصدقني خليه يصنفره ويمعجنه ثم يصنفره ويترش تاني وهي داخلة الفرن تترش مع عيب الظهر وخدها مني مصدر ثقة الخامات مش حتكلفه 15 جنيه بتاعت الخربوش إنته بقه إديله 60 جنيه جدعنه منك
بالنسبة ﻹستفسارك عن تشوهات المطاط والجلود بالوهية فقولا واحدا ألف باء عالم الرش التجاري كل ورشة فيها صبي أو نص أسطة مسؤول عن الفنش والنظافة ويبقه ماسك كتر وقطنه بعد الفرن بكام ساعة بيبتدي ينظف ويلمع ويسلمهالك جاهزة وطبعا لو كان شريف وده مش حاصل معاك كان قال لك تعال بعد أسبوع أسحقلك العربية بصنفرة 2000 وأديها كمباوند مياه بالصاروخ ثم تلميع بولش
وربنا يعوض عليك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال