السلام عليكم...
انا عضو بقالي فتره في المنتدي واشتريت ايميجراند من شهر 5 2013 والحمد لله تمام معايا والمشاكل اللي بتقابلني بتتحل في الصيانه وراضي عنا...بس النهارده الصبح عملت حادثه بيها بسبب الشبوره ومكنتش مركز فخبط فصندوق زباله علي يميني بعديها ركنت لقيت الرفرف اليمين مخبوط وداخل لجوه والاصدام مخدوش من ناحيه اليمين... وانا مامن عليها من مصر للتامين فناس نصحوني اروح اعملها عند سمكري ويردهالي علي البارد ومش هتكلفني كتير بس هتسيب اثر للخبطه وانا مستحرم اروح وانا مامن عليها... انا بقي عني كذا سؤال ياريت حضرتكم تفدوني بخبرتكم..
1- لو روحت عملتها عند التوكيل او مركز صيانه معتمد لجيلي هيغير رفرف ولا هيعدله بس ويعمل شغل زي السمكري
2- لو غيرت الرفرف هيجيبه مرشوش فابريكه من التوكيل ولا هيجيبه ويرشه عنده ويبقي كده العربيه مرشوشه وبكده ينزل سعرها اما ابيعها
3- اعمل ايه ؟؟ امشي في حوار التامين وممكن يكون مقرف وحوارات وهسيب العربيه مده عند التوكيل ولا اعمل عند سمكري واستعوض ربنا ..
ياريت تفدوني....