الموضوع: مشكلة حصلتلي ف محطة البنزين تحولت لخناقة

المشاركة الأصلية كتبت بواسطة eng.salama93

انا كنت بحط بنزين من شويه ( بنزين 80 ) المهم انا كل مره بدفع 40 جنيه ف 40 لتر
و دي فرده مع ان سعرهم عند الحكومة 36 جنيه بما فيهم مكسب للبنزينه
المره دي بقي ضربت ف دماغي اني اخد 42 لتر ب ال 40 جنيه
يعني كمان سايبلة 2 جنيه بقشيش و هو مرضيش بقي و فضل يزعق و بتاع
المهم قولتله دي عربية فلان الفلاني ( أبويا اللي هو مدير ادارة التموين ف المنطقة )
قعد يقولي مليش دعوه و معرفش ايه و هاته و بتاع قولتله طب والله لأبعت اجيبه
فا جالي ناس تانيه من البنزينه و بيتكلمو بإحترام و بتاع قولتلهم خلاص عشان خاطركم انتو ادفع 1000 جنيه مش 2 جنيه
و جيت احاسبه ع اللي هو عاوزه لقيته برضو بيقل ادبه
دلوقتي انا حكيت الكلام دا لأبويا و اتصل علي مكتب التموين كله و نزلو حمله ع البنزينة دلوقتي و مظبطينهم محاضر ( محاضر تزويد سعر و كدا مش بنتبلي عليهم )
انا حاسس بذنب مش عارف ليه
هو انا كدا غلطان ؟ :l_bhuhhh[1]:

حضرتك بتسأل انت غلطان ولا لأ؟
الاجابة وماتزعلش منى حضرتك فعلا غلطان للاسباب الاتيه
1-عامل البنزينة هو اللى كان عايز ياخد الزيادة وطبعا الزيادة دى بيعتبرها بقشيش وبيضربها فى جيبه.
2- لاعلاقة لصاحب البنزينة بما حدث يعنى انت كدا ضريت صاحب البنزينة اللى الله اعلم كان موجود ساعة الخناقة ولا لأ وحتى لو كان موجود ويعرف ان العامل بيعمل كدا بيعتبر ان ده بقشيش للعامل ومابيدخلش جيب صاحب البنزينة لانه بيحاسب العامل على عدد اللترات المباعة حسب قراءة الطرمبة.
3- حضرتك لو رايح اى مكان فى مصرنا العزيزة وعايز تركن عربيتك بتلاقى جايلك واحد بلطجى عامل نفسه سايس المنطقة ولا تجروء انك تمشى بالعربية الا لما تدفعله على الاقل 2 او 3 جنيه والا هاتتهان ومش هاتلاقى حد يقف معاك لو حاولت تعمل مشكلة. وعلى فكرة لو تكرر وقوفك فى عدة اماكن فى اليوم بيتكرر دفعك للفلوس دى.السايس ده بيعتبر ان ده حقه وحضرتك بتعتبر ان ده بقشيش. مالفرق بين هذا السايس البلطجى وعامل البنزينة؟
4- مثال السايس ده موجود فى اى مكان فى مصرنا العزيزة يعنى بيتكرر فى المصالح الحكومية والمرور واى اى مكان حتى لو دخلت كافيه وطلبت اى مشروب وجاتلك الفاتورة مثلا ب 12 جنيه هل بتدفع 12 جنيه وتمشى ولا لازم بتدفع تبس؟
تحياتى لحضرتك وارجوا انك ماتاخدش كلامى بحساسية

يا فندم اللى عملته عين الحق ولو تسمحلى ابلغ حضرتك بمحطات لو تقدر توصل لادارة التموين فى القاهره عموما ومدينة نصر ومصر الجديده خصوصا الناس دى حلال خراب بيوتها

عاش يا بطل و يا ريت مصر كلها عندها اب زي باباك
بس من غير زعل ابوك المفروض يجازي المفتش المرتشي اللي يبمر علي المحطه قبل صاحب المحطه

المشاركة الأصلية كتبت بواسطة 2code

لأ هو الفكره في ان والدك حب يطبق القانون امتى ؟؟؟؟

معلش انا هشوف الموضوع من ناحية تانية !!!!!!!!!

والدك حب يطبق القانون وقت ما حد ضايقك بس !!!! يعني لو كانوا مظبطينك هناك وحصلت معاهم مشكلة كان والدك راح وظبطلهم المحاضر ..... الخ وده اللي بيحصل في مصر بلاش حد يقولي مبيحصلش !!!!!!!!!

في فرق بين التقاعس عن العمل وده اللي بيعمله والدك قولي ليه ؟؟؟
لان في تسيب واهمال وهو مش بيراقب وسايب الدنيا على البحري الا لما حصلت معاك مشكلة

معلش كلامي هيضايقك اكيد بس دي الحقيقة وده الصح

صدقني لو كان والدك هو وكل واحد مسؤل في التموين او اي جهاز رقابي مكنش حصلت معاك المشكلة دي النهادرة

لانه هيكون عارف كويس ان فيه عقاب قوي ورادع

والله المستعان !!!!!!

برافو عليك .. انا كنت هدخل اقول ان والدك هو اللى المفروض يتعاقب


الله يكرمه ويحفظه ويخرجه من المعتقل: باسم عودة

انا عاوز اصاحب يا استاز سلامه وتعاله يا بيه افرجك علي العيش والبنزين وطريقه رصف الطرق والشوارع الي بيجددوها علشان يكسروها علشان يسرقو من وراها وتعالي افرجك علي البلطجيه الي واخدين الارصفه وانت خارج بالعربيه بعد الركنه ويؤلك 5 جنيه يا بييييييييييييه طبعا بقلت ادب واولهم واخارهم البنزينات والبلاعات المفتوحه وغيره كتير يكفاينا قله الادب واللماضه والمقاوحه والصوت العالي وعدم الاعتراف بالخطأ كل بيرمي علي كل بصراحه حاجه تزعل ربنا يسترها يا استاز سلامه (الله يسامحه كان بيؤل انا عايز اقف في الصف معاكو وهو خاربها وبيودي البنزي غزه او علي الاقل كان بعلمه مش بجهله)