الموضوع: byd موديل 2008

جربت تروح لحد بتاع ميتسوبيشى متخصص ؟؟, ربنا معاك

عم حمدى الكهربائى ... متخصص فى البى واى دى ... وبيقولو انة كهربائى شاطر وفاهم العربية كويس .... واعرف ان ورشتة فى غمرة ... الشارع الل بعد مستشفى غمرة العسكرى ...
دى التفاصيل اللى اعرفها ... والاستاذ / بيتر هو اللى ممكن يفيدك اكتر ... كلمة فى التليفون او ابعتلة رسالة على الخاص ...
وربنا يوفقك

المشاركة الأصلية كتبت بواسطة mohammed adel

انا معايا byd موديل 2008 وبسبب كاتيتنة الموتور المكنة كلها باظت المهم اشتريت موتور موتسيبشي استيراد وركب وكله تمام بس المشكلة الى الان الكهربا مش مظبوطة من ضعف فى السحب الى لمبات بتنور فى التابلوه الى صوت عالى جداااااااااااا الخ !!!!!!!!!!!!!! اخر مرة روحت لكهربائي وظبطللى موضوع السحب ده لكن لسه باقى مشاكل !!!!!!!!!!!!!

نفسي فى عنوان كهربائي متخصص يعرف يظبطلى الحوار ده كله ويكون عن تجارب عالشان انا اتجرب فيا كتيرررررررررررر و زهقت من اللف على الكهربائية فى الحرفين وفى المريوطية وكل واحد بيشتغل شوية وبعد كدة بيهرب ما عندوش حل ياريت لاقى عند خبراء المنتدى حل

عاجز عن الشكررررررررررررررررررررر رررررررررررررررر

السلام عليكم استاذ محمد
متهيالى احنا اتقابلنا من اسبوعين فى ورشة م / ايميل وحضرتك كنت بتظبط الضفيرة هناك ( لو لم تخوننى الذاكرة ) .
انا كنت هناك جبن عربيتك بالظبط وكنت بكشف ساعتها على العربية بالجهاز .( عربيتى 2007 اسود).
هو نبيل معرفش يظبطهالك كويس ولا ايه ؟
شوف الاسطى حمدى الكهربائى كان شغال فى التوكيل ودلوقتى فاتح ورشة لوحده وهو حد فاهم كويس جدا فى العربية وعن تجربة .
عنوانه - غمرة - عند المستشفى العسكرى - الناصية اللى بعدها على اولها بتاع عصير قصب هتدخل من عنده واخر الشارع هتاخد شمال 3 شارع شمال هتدخل فيه هتلاقى الورشة ثالت محل تقريبا هى ورشة صغيرة كده .
ت / عم حمدى الكهربائى 01142067404
ابقى قوله انك جاى من طرف احمد صاحب البى واى السودابتاع حساس الحرارة ( هو هيفهم )
واى استفسار انا فى الخدمة .

المشاركة الأصلية كتبت بواسطة عمرو توفيق

ربنا يوفقك ياأستاذ محمد.

اسمح لي بسؤال، هل واجهت مشاكل عامة مع السيارة موديل 2008 منذ شرائها وحتى الآن؟
أنا بسأل لأن أمامي سيارة مثلها وقلقان من شراء موديل قديم خاصة أني سمعت إن بعض قطع الغيار الخاصة بها مختلفة عن قطع غيار الموديلات الأحدث.
لذلك أسألك إن كنت واجهت أي مشاكل أو صعوبات في أداء السيارة أو صيانتها.

هو السؤال مش موجه ليه لكن اسمحلى ان ارد عليك باعتبار ان موديل 2007 و 2008 هو هو بدون اى تغيير ( التقفيل الصينى ) .
المشكلة العامة اللى واجهتنى انا فى عربيتى هى مشكلة الفتيس انه بيون ( صوت رخم كده زى بقية الموديلات التانية ).
انما موضوع قطع الغيار فى حاجات لازم تاخد بالك منها ووانت بتشترى لازم تقول للتاجر انك موديل 2008 الصينى بس حاجتها موجودة .
اللى قابلنى انا حساس الحرارة الصينى غير المصرى وموجود فى التوكيل عادى وبرة وكمان ماستر الفرامل بس ده بقى مش هتلاقيه فى اى حتة حتى فى التوكيل لكن الموضوع بيتظبط بالرجلاش وبيبقى كله تمام .
يعنى متقلقش من موضوع قطع الغيار ده كل حاجة موجودة والصيانة عادية .
واى استفسار انا فى الخدمة .

المشاركة الأصلية كتبت بواسطة عمرو توفيق

الأخ mody112
ألف شكر على المعلومات القيمة.
بارك الله فيك.

لا شكر على واجب يا باشا
كلنا هنا عشان نفيد ونستفيد