محاوله تثبيت انبارح والناس اتمسكت .... ايه الحل ننتازل ولا نمشى فى الاجرائات

السلام عليكم


انبارح اخت المدام عندى خطفوا منها الشنطه وستر ربنا ان فى ناس ولاد حلال مسكوهم واخدوا ضرب محترم وراحوا على القسم واتحبسوا 4 ايام وانهاردا العرض على النيابه المشكله ان اهل الناس انبارح اتصلوا وقعدوا مع والد البنت وعايزين البنت تقوةل لوكيل النيابه انها متعرفهمش علشان يخرجوا من القضيه طبعا والد البنت خايف على البنت ومرعوب عليها



الصح ايه نتنازل عن المحضر علشان الناس متعملش حاجه فى البنت بس هيخرجوا ذى الكلاب السعرانه ممكن يعملوا كدا فى بنات الناس تانى


او نتمسك اننا نكمل المحضر ونستنى ايه ال ممكن يحصل للبنت والعائله لانهم معاهم العنوان بالتفصيل من المحضر

لا تنازل
توكل على الله ولا تخف ، واعلم انه ما اصابك لم يكن ليخطئك
وما اخطأك لم يكن ليصيبك

تتنازل ايه ؟؟؟ لأ طبعا ، سعادتك تبلغ عن عيلته ، وانهم بيهددوك في التليفون كمان ... دول عالم حلال فيهم الضرب بالنار.

باشا
فى محضر إسمه عدم تعرض
البنت تعمله لأهل المتهمين إللى بيحاولوا يهددوها

و لا تنازل حفاظاً عليها و على بنات الناس لأنهم زى محضرتك قولت بقوا كلاب مسعورة
خلى البلد تنضف شوية لأنها بجد إتملت من الأشكال دى

و ربنا يحفظها و يحفظنا

باشا
فى محضر إسمه عدم تعرض
البنت تعمله لأهل المتهمين إللى بيحاولوا يهددوها

و لا تنازل حفاظاً عليها و على بنات الناس لأنهم زى محضرتك قولت بقوا كلاب مسعورة
خلى البلد تنضف شوية لأنها بجد إتملت من الأشكال دى

و ربنا يحفظها و يحفظنا

اعرف انه لما يخرج هايعمل كدة في كل عزيز لديك
زميلة لينا في الشغل عملو معاها كدة مسكت في الشنطة شوية سحلوها علي وشها 3 متر اتصابت اصابات مرعبه وبرضه خطفو الشنطة مسابوهاش

من أخطأ فليتحمل خطأه
لا تنازل فى الحق

شاكر ليكم كلكم يا شباب بس تعالى نفكر بصوت عالى لو حاليا كلمنا الموضوع وعملنا محضر عمل التعرض برضوا والناس ال ذى كدا مش هتفرق معاها محضر ولا خلافه ممكن يعملوا اى حاجه فى البنت وساعدها مش هينفعنا محضر ولا شرطه وانتم عارفين الشرطه عامله ايه مش بتشتغل اساسا

دا راى والد البنت



انا شخصيا مش موافق على التنازل بس فى نفس الوقت خايف على البنت

اسمحولى اصدمكم بقى برأى سلبى
انا متفق تماما مع ارائكم لو كان فعلا فيه شرطه تضمن ان مافيش حد يتعرضلها
لكن طبعا الشرطه ايدك منها و الارض
و كده كده المتهمين لما يتحبسو (ده لو اتحبسو اصلا) ده مش حيردعهم او يردع غيرهم عن ارتكاب الجرائم دى فى المستقبل

لو اهل البنت يقدرو يحموها بنفسهم يبقى خلى البنت تكمل فى المحضر - لكن لو اولاد ناس و مايقدروش يحموها بنفسهم و معتمدين على حمايه الشرطه فيبقى بلاش احسن لأنك كده بتقدم البنت شهيده لغيرها

هوه طبعاً المفروض ميتنازلوش بس الكلام ده لو فى بلد تانيه

انما فى بلدنا يتنازلوا لكذا سبب
أولاً المفروض لما حد يروح يعمل بلاغ فى حد يبقى فيه ضمان قوى جداً ان عنوان الشخص ده يبقى سرى وجميع بياناته انما للاسف لو حد ادى لامين الشرطه 50 جنيه واقل هيديله كل بيانات الشخص
ودول عالم اجرام ممكن بعد فتره يكون اهل البنت نسيوا الموضوع يلاقوا لا قدر الله حصل حاجه للبنت وابقى اثبت بقى ان اللى عمل كده هما هيجيلك شهود انه كان فى المنطقه الفلانيه فى نفس وقوع الحادثه

رأيي المتواضع الان ان تتصالح وتسقط المحضر ((وتتصاحب على الناس دي (بيكونوا عارفين بعضهم) ولو موقف اتعرضت له بعد كده او حد من اقربائك يكون لك حد تسأله على الحاجه اللي ضاعت منك))
لانه وصل للشرطه ولو تمسكت بحقك وحتى لو عملت محضر عدم تعرض الشرطه نايمه ومفيش امن واخر المحضر هتبله وتشرب ميته اللي بيقول لك في امن وامان خليه عايش في ملكوته ( حاليا بنتعاقد مع شركه امن لتولي امن الشارع عندنا )

كان الحل انهم قبل ما يتسلموا للشرطه كان يتعلقوا وتعمل لهم عاهه او على اقله يتوضبوا توضيبه كويسه تقعدهم على كرسي مده مش تقل عن 6 اشهر ( تكسر الركب )

مرحبا بكم في بلد شريعه الغاب

كل الناس اللى قالت يتنازل خوفا من التعرض للفتاه
وبرر رأيه بأن الشرطه لا تقوم بعملها
عندى سؤالين لحضراتكم
1- ليه ظباط الشرطه بيعرضوا حياتهم وحياه أسرهم للمخاطر بسبب قيامهم بالقبض والتعامل مع المجرمين ؟
ما يكبروا دماغهم ويعيشوا عيشه فل
2- كيف سيتم تطبيق القانون فى حاله عدم معاقبه كل من يخطئ بسبب تنازل المجنى عليه خوفا وكرها ؟

هأو ال متتنازلش ال! اوعى اوعى متتنازلش...

ياعم لازم تتنازل طبعاً عن المحضر دول حرامية واخرهم عشان تبقى عارف سنة حبس بالكتير...وهيطلعوا سعرانين والمرة دي الله اعلم ينتقموا منكم ولالا...

انا اقدر جدا الأراء الشجاعة اللي فوق...لكن بصراحة طالما الموضوع فيه واحدة ست انا هعتبرها من اهلي وهخاف عليها، لكن لو المحضر راجل اللي عامله وقاعد بعيد عن اهله كان يبقى مفيش مشكلة...اللي يطولوه فيا يطولوه...لكن مع الظروف الامنية ليس من الذكاء انك تخلق لنفسك عداوة..

اقتباس:

---

المشاركة الأصلية كتبت بواسطة horeen

كل الناس اللى قالت يتنازل خوفا من التعرض للفتاه
وبرر رأيه بأن الشرطه لا تقوم بعملها
عندى سؤالين لحضراتكم
1- ليه ظباط الشرطه بيعرضوا حياتهم وحياه أسرهم للمخاطر بسبب قيامهم بالقبض والتعامل مع المجرمين ؟
ما يكبروا دماغهم ويعيشوا عيشه فل
لان ضابط الشرطه داخل الكليه بمزاجه ودافع 100 الف جنيه وعارف انه ممكن يموت فى اى لحظه
يا افندم ده الناس اللى اتسرقت عربياتها لما راحوا يستلموها من الحراميه مقابل دفع الاتاوه بيقولوا انهم بيلاقوا هناك فوق المئات من السيارات المسروقه وبيبلغوا الشرطه بالاماكن ديه رغم ان الشرطه عارفاها ومع ذلك مفيش اى تحرك من الشرطه
2- كيف سيتم تطبيق القانون فى حاله عدم معاقبه كل من يخطئ بسبب تنازل المجنى عليه خوفا وكرها ؟
يتم تطبيق القانون لما يبقى فيه تأمين كامل لكل واحد بيعمل بلاغ ان لا اسمه ولا عنوانه يبقى معروض سداح مداح ولما يكون كل اللى فى الشرطه مش علشان 50 جنيه يدى كل بياناتك لاى حد
ولما يكون المواطن لما يتصل بالشرطه تبقى عنده فى وقت قياسى
ده فيه احد العضوات هنا قالت ان اختها شافت حرامى فى الجنينه عندها وبلغت الشرطه كان الرد ان طالما مطلعش عندك الشقه خلاص
فردت عليه قالتله لما يموتنى بقى ابقى اتصل بيكم

---

اقتباس:

---

المشاركة الأصلية كتبت بواسطة khaled_sabry

لو اهل البنت يقدرو يحموها بنفسهم يبقى خلى البنت تكمل فى المحضر - لكن لو اولاد ناس و مايقدروش يحموها بنفسهم و معتمدين على حمايه الشرطه فيبقى بلاش احسن لأنك كده بتقدم البنت شهيده لغيرها

---

رأي سديد جدا

انا ليا رأي مش عارف مخالف للدين ولا لا

وبما ان الشرطة مرفوعة مؤقتاً من الخدمة يبقي حضرتك تتنازل وتأجر بلطجية يخلصوا عالعيال دي وبكدة انت ضربت عصفورين بحجر واحد انك خلصت منهم وفي نفس الوقت فاديت البنت اللي لاحول لها ولا قوة في البلد دي

وحسبي الله ونعم الوكيل

ايه الالش اللي بقولو ده؟؟!!

بص يا باشا الكلام الفاضي التنازل ومدام بنتك بخير ومش عارف ايه وحصل خير والعك دا ملوش لزمه

انتو تاخدو منهم فلوس و تتنازلو متخلوش التنازل بالساهل لمجرد الخوف عشان يحسو ان الموضوع بخساره برضه

اقتباس:

---

المشاركة الأصلية كتبت بواسطة mohamed_selim

انتو تاخدو منهم فلوس و تتنازلو متخلوش التنازل بالساهل لمجرد الخوف عشان يحسو ان الموضوع بخساره برضه

---

الرأي دا منطقي لو في حد جامد يصدرلهم وش خشب ويعرف يتكلم في كدا...لكن لو مفيش الشخص دا بلاش...

من اامن العقاب اساء الادب

لو فى داخليه محترمه وناس ماسكه البلد بتفهم والله من وجهه نظرى فى مده اقصاها شهر ترجع الحياه الطبيعيه

كل الحكايه اعلان الاحكام العرفيه لكل قاطع طريق او سرقه بالاكراه او اغتصاب وتحرش

ومحاكمات مستعجله مش اكتر من 3 ايام والحكم لكل اللى فوق دول ضرب عنقه بالسيف فى مجمع التحرير

ابقى قابلنى لو لاقيت واحد ماشى فى جيبه قصافه بعد كده فى الشارع

ربنا يرحم البلد

متتنازلش عن اي حاجه وكمل وربنا هيسترها معاك لانك مش بتفتري علي حد ده حقك ومش عايزين نبقي سالبيين لان لو مشيت بمبدأ ان ممكن يعملولها حاجه فده وارد برضه لو خرجوه لقدر الله يعملولها حاجه او يعملوا لغيرها فمش ده المبدأ انت كمل في المحضر وبلغ القسم انهم ممكن يتعرضولك عشان لو كده يعملولك محضر برضه وسيبها علي الله

اقتباس:

---

المشاركة الأصلية كتبت بواسطة mohamed_selim

انتو تاخدو منهم فلوس و تتنازلو متخلوش التنازل بالساهل لمجرد الخوف عشان يحسو ان الموضوع بخساره برضه

---

انا مع الراي ده

اقتباس:

---

المشاركة الأصلية كتبت بواسطة hilal

لا تنازل
توكل على الله ولا تخف ، واعلم انه ما اصابك لم يكن ليخطئك
وما اخطأك لم يكن ليصيبك

---

توكل على الله وكمل

مش عارف اقول تتنازل ولا لا
بس ياريت تتطمنا

هوا محدش واخد باله ان النيابة وهيا بتسأل البنت هتبقى بكده بتطلب شهادة البنت ولو البنت كدبت يبقى كده شهدت زور ومحدش واخد باله ان الرسول قال فيما روى عنه الا وقول الزور وكررها عدة مرات. القصة مش حق بنت ولها الحق فى التنازل عنه لا دى جريمة والبنت دلوقتى شاهدة عليها ولو انتوا خايفين على البنت من اهل المجرمين فالاولى انكوا تخافوا عليها من رب العالمين لو شهدت زور

محضر عدم تعرض
وطبعا هما خايفين على اولادهم يتحبسوا وبيجروا وراكم علشان كده واكيد هما هيخافوا من الحبس
ولو كل الناس اتنازلت يبقى الموضوع بقى سهل اسرق واضرب واغتصب وهدد اهل الضحيه

هو ليه مفيش سيستم يمنع تسريب بينات. الشاهدة
يعني عن اي دولة قانون نتحدث. .... والمواطن البسيط. يخاف. يعمل محضر في اي بلطجي. لانوا بمنتهى البساطة البلطجي هيجيب عنوان بيتوا بسهولة وبيناتوا يبقى القانون هنا بيساعد البلطجي مش بيساعد الضحية .... دي نقطة

النقطة التانية انتو ناسيين الطفلة زينة الي قتلوها طلعو حدث. يعني اقل من ١٨ سنة فخدوا حكم ١٥ سنة بس وهيطلعوا بعد تالت تربع المدة او نص المدة. وعلى كده شكراً ... فمش بعيد كمان. الحرامي يطلع شاب صغير ١٨ سنة وياخد شهرين تلاته ويطلع برائة ويترصد البنت واهلها باعتبار انها ضيعت مستقبلوا ابن المشمومه ههههه. ... لذلك انا من رأيي الشخصي. البنت قبل ما تطلع على النيابة تتنازل تعدي على لابوم او لابوار تجيب علبة دستتين جاتوه لوكس + علبة شيكولاته شمعدان او حتى. علبة ملبس (( ملوكي )) او حتى طبق مشكل حلويات. وتاخدهم معاها. لاهل الواد الحرامي. وتبوس على راسوا. قدام وكيل النيابه. وتقولوا احنا متأسفيين ياريس فالقانون لايحمي. المغفلين امثالي الي مش قادرين يتسرقوا من سكات ... ضروري. يعني البت تصوت وتلم الناس مكانت اتسرقت من سكات ... سامحني. أيها الحرامي فالعدالة خارج نطاق الخدمة ... وشكراً

اوعى تتنازل عن حقك ,,,, انا عندي اموت واهو سعتها الواحد يموت شهيد ولا انه يتنازل عن الحق

الساكت

عن

الحق

شيطان

اخرس

يا سيدى الفاضل هوا سوال واحد وصريح وواضح اجباتك عليه هتلاقى فيها الاجابه انت لو وقعت فايد الناس دى لو حد قطع عليك الطريق ومعاه رشاش الى هيرحمك ؟؟؟؟؟؟؟؟؟؟؟؟؟؟؟؟؟؟؟؟

لو أهلها يعرفوا أي حد يخلوه يتصدرلهم
يعني مستشار أو ضابط أو سكرتير محافظ أو أي مواطن درجة أولى
أو ليهم حد مقاول بيتعامل مع المجرمين و البلطجية أو أي مواطن درجة تالتة
لو أهل المجرمين عرفوا إنهم مسنودين من مواطنين درجة أولى مش هيقربوا لهم و هيخافوا يتشدوا و يتروقوا في القسم
و لو ليهم علاقة بمواطنين درجة تانية هيخافوا منهم برضه لأنهم ممكن يأذوهم

لكن لو كل معارفهم مواطنين درجة تالتة يبقى خليهم جنب الحيط و يقبلوا بشريعة الغاب
ده الكلام اللي كنت هعمله

لكن شرعاً ايه الصح ...مقدرش أفتي
تحياتي

الطبيعي والصح انها تكمل في الاجراءات...
لكن الدولة اللي شرطتها تدي بيانات وعنوان الضحية للمجرم.
مينفعش نعمل فيها الطبيعي والصح.

بوص ياباشا هيا كلمة سيبها علي اللة والي مكتوب مكتوب وماتتنازلش وخلي البنت تقول الحق ومتاخغش ولو اتنازلتوا اجروا بلطجية يظبطوا العيال دي

الحمد لله الموضوع خلص بس بكل اسف تنازلنا علشان نخلص انا عارف ان كدا غلط بس ال ايده فى النار وان شاء الله الشرطه تشتغل ذى الطبيعى بتاع اى شعب ونحس بالامان

المشكله انها لو ماتنازلتش هما برضو هيخرجو وممكن يضايقوهم بعد كده

لا تنازل القانون يفعل طبعا