تنظيف فرش العربيه الجلد

**amr123** · 12-10-2008 06:26 PM

انا شوفت حاجة يمكن تساعدك ..بس الحقيقة مجربتهاش لان الفرش عندي مش جلد

في عبوات بتتباع عبارة عن فوط تنظيف حاجة كده عاملة زى المناديل المعطرة و بتكون مخصوص للجلد
في بردة بتتباع سنفجة لتنظيف الجلد بيكن فيها ملمع و منظف

انا شوفتهم في سبينيس من فترة اعتقد ممكن تلاقيهم في هايبر او كارفور

**Ahmed Selim** · 12-10-2008 06:34 PM

سبحان الله......من يوم ما شفت الموضوع ده كنت صورتلك منتج من اللى بينضفو الجلد ونسيت أرفعها لحد لما شفت الموضوع دلوقتى

**tayson54** · 17-10-2008 06:09 PM

الف شكر يا شباب علي نصايحكم والف شكر يا استاذ Ahmed A.Maksoud علي مجهودك واول مره فعلا ان ارمواول فيها منتج للجلد هجيبه ان شاء الله .

**hrammah** · 20-10-2008 09:31 PM

I had scratch in my new car (1500km) very tiny any kind of polish to protect it from erusion and getting rusty.It is 1mm and 5cm

**دموع الثلج** · 22-10-2008 02:49 AM

الفرش عندى جلد بيج فاتح (( كريمى ))

انا بستخدم شاور جل اى نوع شاور جل مضروب الرخيص يعنى

بحط شويه صغيره على الفرش الجلد وبفوطه مبلوله بدعكه كويس وبنشششششششششفه بفوطه نظيفه مبلوله

بيبقى انظف من اول ما ركبته كمان وريحته حلوه من الشاور جل

**MoToRiZeR** · 22-10-2008 02:57 AM

المشاركة الأصلية كتبت بواسطة دموع الثلج

الفرش عندى جلد بيج فاتح (( كريمى ))

انا بستخدم شاور جل اى نوع شاور جل مضروب الرخيص يعنى

بحط شويه صغيره على الفرش الجلد وبفوطه مبلوله بدعكه كويس وبنشششششششششفه بفوطه نظيفه مبلوله

بيبقى انظف من اول ما ركبته كمان وريحته حلوه من الشاور جل

طب من فضلك يا دموع أصل انا كنت بفكر أركب فرش بيج فا كنت عايز اسألك كام سؤال

هل بيحتفظ برونقه بعد كدة من الإستهلاك ولا بيظهر فيه كرمشة و تجعيدات و كدة و بتبان عليه ؟
بيتوسخ بسرعة أوي فعلا ؟ حتي لو قافل إزاز العربية علي طول مثلا ؟
هل بيسخن جامد في الشمس و يبقي لا يحتمل زي الجلد الأسود ؟

و شكرا ليكي مقدماَ :)

**دموع الثلج** · 22-10-2008 03:57 AM

بص يا موتريزر

انا مركبه الفرش من 6 شهور وبسم الله ماشاء الله ولا كانى استخدمته اصلا

ذى ماهو مشدود ولا كرمش ولا حاجه

لا مش بيتوسخ بسرعه ولا حاجه انا بغسله هقولك ليه لما بلبس اسود مثلا وفيه ملابس الصبغه اللى فيها سيئه اللون بيطلع مثلا
فى الصيف مع الحر ممكن تلاقى لون الظهر اغمق من اللبس الاسود بروح ذى ما قولت لك بشويه شاور جل وفوطه يرجع لونه الاصلى حتى لو غسلته بعد شهر

بعدين اشتريت عراقه لونها بيج برضوا على الكرسى واتحلت كل المشاكل السخونيه وتغير اللون
بالنسبه للسخونه فى الصيف هو بيسخن طبعا بش مش ذى الاسود نهااااااااااااااااااااااا اائيا هقولك ليه 10% من الاسود
لما بركن فى الشمس وبجى اركب العربيه عادى بقدر اقعد على الكرسى لكن مقدرش المس الدريكسيون الا بفوطه مبلوله والله او ناشفه من كثر حرارته

**Moh.Fahmy** · 22-10-2008 04:13 AM

افضل حاجة يا جماعة اسبراي و فوم مخصص للجلد امريكي اسمه Stp و فيه منع ملمع كاوتش رهيب جدا
الامريكان هما عمد الكار كير و الحاجات دي بتخضع لتجارب و اختبارات عديدة قبل ما يعتمدوها لان فيه حاجات صناعية اخري تكون ضارة بصحة الانسان خصوصا و انك بتكون قافل العربية دايما و مشغل التكييف
مع احترامي لكل الافكار السابقة

محمد فهمي

**AhmedSarhan** · 24-10-2008 04:38 PM

ArmorAll Leather Care بيتباع فين وبكام يا شباب ؟

-

الموضوع: تنظيف فرش العربيه الجلد

LinkBack

أدوات الموضوع

عرض

-

-

-

-

-

-

-

المواضيع المتشابهه

كيفية تنظيف الفرش الجلد للسيارة والتابلوه

مش عايز اجلد العربيه انا عايز احطلها الجراب الجلد بتاع الكبوت

تنظيف الجلد؟

تنظيف الفرش الجلد

تنظيف فرش الجلد

الكلمات الدلالية لهذا الموضوع

المفضلات

المفضلات

ضوابط المشاركة