المساعد يبدو سليم لكن تم تغييره !
السلام عليكم
سيارتي صني 2014 كنت ماشي بيها بسرعة على طريق برج العرب فجأة لقيت مطب بعده حفرة او نقره كده بس كانت كبيره مكنتش شايفها لأنها كانت في اليمين وكنت بحاول اتفاداها واتفادى سيارة في الشمال
المهم العربية اتهبدت هبده جامده كده بعدها حسيت ان الدركسيون فيه ميل خفيف ناحية اليمين والسيارة بتحدف شمال قليلا، (يعني لما الدركسيون يكون معدول السيارة تحدف شمال ، لو لفه حاجه بسيطه يمين العربية تمشي في حارتها عادي)
روحت التوكيل في ساعتها (احمد مرعي) علشان ضبط زوايا لأني لاحظت ميل خفيف في العجلة اليمين ادام، قالو لي عملنا ضبط زوايا ولكن المساعد لازم يتغير لأنه اتعوج وهو اللي عامل ميل الدركسيون والعجله.
قلت لهم اوكي غيروه ودفعت الفلوس، بس بعد ما غيروه واستلمت المساعد القديم، حاسس ان المساعد شكله سليم ولا الاحظ فيه اي ميول او اعوجاج بس هما قالو ان اي ميل بسيط غير ملحوظ ممكن يأثر برده ! ، لكن المساعد بيطلع وينزل وشكله مستقيم مفيش اي حاجه !!
بس العربية تمام دلوأتي رجعت زي الأول مفيش حاجه
انا مستغرب ان نقرة زي دي ممكن تعمل كل ده و السياره لم تتجاوز 1100 كم!
هل المساعد كان يجب تغييره فعلاً ولا العيب كان من حاجه تانيه وهما غيروا المساعد كده وخلاص من باب النصب على العميل !!
وهل ارمي المساعد اللي عندي ولا احتفظ بيه؟
ارجو الافادة من الخبراء