واحد خبطنى وطلع عنده ضمير فى وقت قل فيه الضمير

**esam_refaat** · 19-02-2014 08:21 PM

امس شاءت ارداة الله ان واحد بيرجع لورا راح خبطنى كسر الشبكة الامامية وعوج الكبوت :019f3b~14:

لغاية كده عادى وبيحصل كل يوم

الجديد انه طلع بيخاف ربنا نزل واعتذرلى وقاللى تعالى لى بكرة فى المركز وانا هاصلحلك الخبطة واغير لك الشبكة باخرى اصلية

الجديد جدا انه وفى بوعده وطلع عنده مركز صيانة وتجديد شامل فى منطقة كفر طهرمس وفعلا غير الشبكة بواحدة اصلى سليمة وسمكر الكبوت مع تجديد الاعتذار
واتضح ان لسه فيه ناس محترمة وبتخاف من حساب ربنا عن حقوق العباد
لو حد عاوز يعمل شغل سمكرة ودوكو وتجديدات يراسلنى على الخاص واديله عنوانه
هما شغلهم حلو ومش غاليين لانى اتفرجت على عربيات معمولة عندهم وسالته عن تجديد عربيتى وكان متهاود

" الخير فى وفى امتى الى يوم الدين " صدق رسول الله

**m7nsh** · 19-02-2014 08:36 PM

على الرغم من زعلى ان حضرتك اتخبطت على اد ما انا مبسوط ان لسه فى ناس بالاخلاق العاليه دى ..
شكرا ليك على نقل التجربه .. وشكر واجب للشخص المحترم اللى عرف ان الاعتذار عند الغلط بيزودك مش بينقصك

النهرده مثلا واقف فى زحمه (واقف تماما سرعتى 0) والاقى تاكسى جاى خابطنى من ورا اينعم خبطه بسيطه بس خبطه .. فضلت باصصله فى المرايه ولفيتله انى يعتذر او يشاور او اى حاجه .. ولا تلاقى ,, باصص بصه بلاهه بضحكه صفرا مصطنعه و خلاص ! بعدها شاور كده اى كلام كنت انا مشيت ,, !!
لنا الله