تأجيل الدراسة أسبوعين تانيين !!!

**أبو آسر** · 19-02-2014 08:22 PM

قرر مجلس الوزراء، الأربعاء، تأجيل الدراسة في المدارس والجامعات، لمدة أسبوعين، على أن تبدأ يوم 8 مارس 2014، لحين استكمال المنظومة الأمنية المدنية، واستكمال رفع كفاءة المنشآت والمدن الجامعية التي أصابها الكثير من التلفيات من جراء أعمال الشغب التي وقعت مؤخرا.

وناشد المجلس الطلاب والطالبات وأسرهم احترام التقاليد والقواعد الجامعية، حرصا على استكمال الدراسة واستقرار العملية التعليمية.

طب ما يلغوا الدراسة خالص أحسن لحين استكمال عافية البلد ولحد ما البهوات يفكروا هيشتغلوا تاني ولا مترددين أو بمعنى أصح يلغوا الدراسة إلى حين إشعار آخر بعد 200 سنة كده ولا حاجة !
البلد أصبحت لا تطاق وحسبنا الله ونعم الوكيل

**hugan** · 19-02-2014 08:36 PM

حاجه قرف
والعيال اللي في شهادات يعملوا ايه
خراب من كل ناحيه
ولا في شغل ولازفت
والحال واقف
ومصاريف اندفعت بدون فايده
انا مش فاهم في ايه
يعني لما ياجلوا اسبوعين كمان فاضل ايه تاني
كده حلو المشكله

**J A G U A R** · 19-02-2014 10:55 PM

هما بيأجلو علشان ام المظاهرات اللى بتحصل فى الجامعات

**hossam_elwani** · 20-02-2014 12:41 AM

مصـــــــــــــــــــــــ ــــــــــــر والنظام ===== الفشل

**Music DJ** · 20-02-2014 02:54 AM

طيب والثانوية العامة يعملو اية هنلغى حاجات من المنهج وفى الاخر يطلع الامتحان زى الزفت مهم لغو حاجات من المنهج ويجيبو الامتحان سهل ازاى متحصلش

**ابوزياد** · 20-02-2014 04:02 AM

وبكرة تشوفوا مصر

**Gamal.Eid** · 20-02-2014 10:17 AM

وانا كمان واقع فى مشكلة منهم لله انا شغال برة مصر واولادى بيدرسوا فى مصر وبيجوا ليا فى الاجازة ومعاهم تاشيرة حتى 15-5 دلوقتى اكيد هياجلوا امتحانات الابتدائى يعنى هضطر اكسر التاشيرة او اتكلف مصاريف سفرهم يومين بس يجوا يجددوا التاشيرة ويرجعو الامتحانات وبعدين بعد الامتحانات اجيبهم تانى يعنى مصاريف فوق طاقتى او اكسر التاشيرة بتاعتهم واعملهم تمديد ودى مش مضمونة وحسبى الله ونعم الوكيل