السى دى بلاير بيستعبط

**dooody_2007** · 29-09-2008 03:31 AM

السلام عليكم ورحمة الله وبركاته
كنت عاوز اخد استشارتكم كده لو المشكله بسيطه ولا كبيره
كاسيت تويوتا كورولا راديو وكاسيت وسيديهات اوديو
الكاسيت شغال زى الفل بقاله اربع سنين مقالش اه يا عينى
بس من اسبوع كده عملت سيديهايه جديده مرضاش يشغلها
كل لما ادخلها تطلع تانى عملت واحده تانيه نفس النظام
جربت اغير البرنامج اللى بعمل بيه بيرن للسي دى مفيش فايده
اللى محيرنى بقى ان اى سيديهات من القديمه اللى عندى بتشتغل عادى
اشمعنى الجديده مش عاااااااارف
مع العلم انى جربت السيديهات الحجديده دى على كاسيت تانى اشتغلت

**MEDO_AHMED2** · 29-09-2008 03:38 AM

عادى بتحصل فى اكبر العائلات :) السى دى فمصر مظلوم عشان المطبات بتاثر على عمرة او عمر العدسة يعنى ممكن تاخد مليون مطب وميبوظش وممكن من مطب واحد يطير عادى يا باشا وممكن تكون العيب فى السى دى عيب فى خامة انت عارف برضو خامات مصر والصين الاتنين اجمل من بعض او النيرو بوظها حاجات كتير بس لو الجهاز شغال معك ارمى السى دى واعمل واحدة نظيفة

**amir** · 29-09-2008 03:53 AM

بص من خلال متابعتي للموضوع ده في المنتدي و من واقع كلام اعضاء ليهم تقلهم في الصوتيات احب اقولك النصيحه اللي ممكن هما يقولوهالك
متحاولش نهائي تصلحه لان ده هيكلفك كتير بالمقارنه بسعر جهاز جديد, و نتيجه الاصلاح ذات نفسها ضعيفه
الحل الاول شراء كاسيت جديد
الحل التاني اشتري اف ام موديوليتور و استخدمه بدل السيديهات, والله انا شايفه ميزه جامده و لو اشتريت كاسيت سي دي حتي مش ناوي استعمل السي دي في حاجه,لان فعلا المطبات و الحفر بتاعتنا بتبوظ اجدعها كاسيت بعد فتره و الموضوع كله هيكلفك بتاع 80 جنيه و كارت ميموري ب 40 جنيه او فلاشايه و دي اسعارها في الارض و هتسمتع بنفس جوده الصوت بتاعت الاغاني اللي بتحطها علي السيديهات

**Abdo_Eldesokey** · 29-09-2008 06:36 AM

الراجل بيقول إن السيديهات القديمة شغالة

يعني السي دي بلاير سليم

ممكن يا باشا يكون الـ CD-Writer هوا الي فيه مشكلة وعفا عليه الزمن

أو يكون علبة الاسطوانات الي انت شغال منها مضروبة

أنا لسه جايب علبة 50 ، لغاية دلوقتي مطلع منها سبعة بايظين ولسه معدتش النص

منهم لله المستوردين

جرب احرق اسطوانة عند حد صاحبك ، وجرب غير نوع السيديهات

**hazem_khidr** · 29-09-2008 08:06 AM

ممكن يكون نوع السديهات مش متوافق مع نوع الكاسيت بتاعك
غير نوع السيديهات و المشكله حتتحل ان شاء الله

**abdelaziz-waleed** · 29-09-2008 08:24 AM

طالما الاسطوانات القديمة شغالة يبقى نستبعد احتمال ان الكاسيت يكون بايظ

اول حاجة : حضرتك كنت بتحرق الاسطوانات على سرعة كام اكس. ممكن تكون بتحرق على سرعات عالية ما يقدرشي الكاسيت يقراها لأنك بتقول بقاله اكتر من 4 سنين. حاول تحرق على نفس السرعة بتاعة زمان او على سرعات قليلة 16 او 24 اكس بالكتير

تاني حاجة زي ما الاخوة قالو. ممكن تجرب انواع تانة من الاسطوانات
وممكن يكون الرايتر عندك ضعف. حاول تنسخ على رايتر تاني وربنا يوفقك ان شاء الله