عرض للطباعة
يا جماعة انا اشتريت عربية شهر 7 اللي فات كان فيها توكيل من المالك للشخص اللي باعلي العربية وطبعا هو عملي توكيل هو اسمه عمر المهم ان لموظف كاتبه عمرو يعني مزود (و) بس الاسم صح وكل البيانات التانية صح والرقم القومي مظبوط وحتى الراجل اللي عاملي التوكيل ماضي بأسمه الصح على التوكيل يعني ماضي بأسم عمر من غير ال(و) فأنا قلقان بصراحة لو روحت نقلت ملكية يحصل مشكلة.
يا ريت تطمنوني يا جماعة الله يباركلكوا.
ارجع الشهر العقاري
لائنك لازم هاتبيع لنفسك الاول
اولا شكرا يا باشا على اهتمامك وسرعة الرد, تقصد اني اروح الشهر العقاري اللي اتعمل فيه التوكيل ؟ اقوله ايه ولا اعمل ايه؟ يا ريت تفيدني لاني اول مره اشتري عربية
ايوه الشهر اللي اتعمل فيه التوكيلاقتباس:
المشاركة الأصلية كتبت بواسطة q_pidmusic
وتفههم الغلطه
والافضل لو تعمل عقد بيع لنفسك وترتاح
طيب انا لو عملت عقد بيع لنفسي اكيد لازم التوكيلين صح ولا بتمشي ازاي ومعلش انا بتعبك معايا
يا باشا ماتقلقش
حصلت معايا قبل كده وروحت نفس الشهر العقارى اللى اتعمل فيه التوكيل وصلحوا الغلطه (كانت فى رقم الموتور) وختمهالى بختم النسر واستعملت التوكيل فى شهر عقارى تانى بعد كده لما بعت العربيه