الينترا كوبيه جميله وفيها امكانيات حلوه abs وايرباج بس عيبها انها باب واحد هل عيب جامد
ستروين سي اليزيه مش نفس جمال الينترا ولا البيجوا بفكر في v5 بس خايف علشان صيني ممكن ازود لحد 150 الف تنصحوني بايه
الينترا كوبيه جميله وفيها امكانيات حلوه abs وايرباج بس عيبها انها باب واحد هل عيب جامد
ستروين سي اليزيه مش نفس جمال الينترا ولا البيجوا بفكر في v5 بس خايف علشان صيني ممكن ازود لحد 150 الف تنصحوني بايه
انت بتقارن بين كوبيه و سيدان و suv
ده على حسب استخدامك و احتياجاتك هى اللى هتحسم المقارنة
لو هتوصل لـرنج الـ 150 يبقى فلونس اول فئة و الغى التلاتة
بص ياباشا
اولا استبعد الصيني
هي عربية جميله لكن يبعها التوكيل ومراكز الصيانة وعدم توافر قطع الغيار
وده كلام أصدقاء ليا شغالين في إدارة المجموعه البافارية
الباقي النترا وسي إليزيه
الالنترا جميله لكن انا بستخسر اللي يدفع المبلغ ده فعربية هيونداي
السي إليزيه في منتهى الجمال
لكن السعر ده تزود عليه شويه يجيبلك فلوانس اول فئة أوتوماتيك وهتبقا جميله جداا وهتحس بالفلوس اللي دفعتها
وياه لو اتصرفت وجبت الفئة الثالثة
يبقا انت عديت وإنسى إنك تغير العربية قبل 5 سنين
ممكن برضو تزود 5000 وتجيب شارك فئه تانيه
زود شويه وحاول تجبب كورولا لان فيها esp وده ضرورى فى اى عربيه دلوقتى وحتى الفلوينس مفهاش ثبات الكترونى
Sent from my GT-S5282 using Forum Runner
بصراحه انا اشكركم علي الاهتمام والرد بس انا كده احتارت اكتر
انا هاقسط مش عاوز ازود عن 140 او 150بالعافيه
المهم عندي عربيه شيك وتعيش وقطع غيارها متوفره ومش بفكر ابيع قبل 10 سنوات
نصيحة لو هتجيب بالتقسيط يبقى متزنقش نفسك زيادة عن اللزوم عشان محدش ضامن الظروف و نصيحة طالما مش ناوى تبيع قبل 10 سنين يبقى اركب ليك مش للسوق , اركب حاجة تبقى حاببها و مبسوط بيها و تعيش معاك
العربيات اللى تعجبك انزل اتفرج عليها و شوفها بنفسك هيفرق معاك كتير و شوف اكتر عربية بتلبى اولوياتك تبقى هى دى المناسبة ليك
انا معايا الـ C-Elysee لو حضرتك عايز تسال على اى حاجة انا تخت امرك
تحياتى و بالتوفيق فى الاختيار ان شاء الله
السلام عليكم شكرا لاهتمام
انا عجباني الينترا جداا بس لاقيتها غاليه اللي معقوله وفيها امكانيات لاقيت اي بي اس وايرباج وجنوط بس عيبها انها كوبيه
بصراحه مجربتش العربيه اللي باب واحد كويسه ولا مش عمليه وانا عندي اسره
ستروين جميله بس مش مقتنع بيها بدور علي اكبر وزي ماحضرتك قولت قسط ومش ضامن الظروف ومش عاوز ازود عن 140 الف
وشكراا واسف علي الاطاله
بالنسبة للاليزيه انا مش عارف حضرتك تقصد ايه بحاجة اكبر . الاليزيه واسعة من الداخل سواء فى الامام او الخلف او الشنطة و فيها الجنوط و الايرباج و الـ abs
بس لو مش مقتنع بيها بلاش
لو بتدور على الاتساع عشان اسرة يبقى الالنترا كوبيه مش هتبقى الاختيار المناسب
بالتوفيق فى الاختيار
الكلام دة مش في الالماني اقسم باللة انا باخد غرز بعربيتي علي 160 وملفات اكتر واللة العربية مابتتهزش من الارض ولا فيها esp ولا اي حاجة الحمد للةاقتباس:
المشاركة الأصلية كتبت بواسطة amgomaa
سكودا معاك صح ؟ مين قالك لك الماني ياريت تقولي بس :shyy:
السكودا تشيكي قامت شركة فولكس اشتريتها وفولكس الماني واقل فئة الماني ممكن تشتريها سعادتك هي الفولكس فهل يبقى كده السكودا الماني ؟؟؟؟؟؟؟؟؟
تعالا اديك مثال بسيط جداً !!!!!!!!!!
فولفو اشتريتها شركة جيلي الصيني :36_7_4[1]:
هل معني كده تقول لي ان شركة فولفو بقيت صيني ههههههههههههههه
ولا جيلي بقيت سويدي !!!!!!!!!!!!!
معلش اللي قال لك كده غلطان او كان عايز يبيع لك العربية وخلاص !!!!!!!!!!!!!!
الالماني يتلخص في (BMW - Mercedes) غير كده متجبليش سيره الماني خالص ولا تقولي فولكس (بتكلم عن عربيات حاملة علامة فولكس مش اي شركة اشتريتها فولكس) خليهم الاول يصلحوا فتيسهم !!!!!!!!!
اولا عربيتي تشيكي بس اغلب مكونتها الماني اودي و فولكس تشيكي ولا اية الماتور متركب في اودي وفولكس جولف 4 وابسط مثال لشركة mg اوربي لما اشترتها شركة صيني كلو قالك صيني وانا محدش ضحك عاليا وقالي عربيتك الماني يا صحبي بس اوربي والوربي معروف بثباتةاقتباس:
المشاركة الأصلية كتبت بواسطة 2CODE
الالماني يتلخص في (BMW - Mercedes) غير كده متجبليش سيره الماني خالص ولا تقولي فولكس (بتكلم عن عربيات حاملة علامة فولكس مش اي شركة اشتريتها فولكس) خليهم الاول يصلحوا فتيسهم !!!!!!!!![/QUOTE]
معاك في حتة الماني مافبش غير bmw و مرسيدس بس لما فولكس تصلح الفتيس الي مابيبوزش غير في مصر بسم اللة ماشاء اللة مش معني كدة ان ال bmw والمرسيدس مافيهومش مشاكل
وشكرا علي كلمة اي شركة تشترتها فولكس
مين برضه قال لك ان الفتيس مش بيبوظ غير في مصر ؟؟؟؟؟؟؟؟؟
لما نشوف هل الـDSG تمام دلوقتي ولا لأ ؟؟؟؟
تعالا نشوف من 3 ايام بالظبط في استدعاء لـ2 مليون و 600 الف سيارة بسبب دورة البنزين والفتيس ومشاكل في الكهربا !!!!!!!!!!!!!!!!!!
رابط الاستدعاء والتفاصيل : Global Recall by Volkswagen due to Gearbox, Fuse, Fuel-Line Problems
تعالا نشوف طيب مش بيبوظ غير في مصر ولا لأ ؟؟؟؟؟؟؟؟
شوف في الصين تم استدعاء 400 الف سيارة بسبب الـDSG و 26.000 في استراليا ده انا جبت لك دولتين بس غير باقي الدول لاني مش هبحث كتير في جوجل يعني هو كام رابط كده
رابط الاستدعاء والتفاصيل : RecallUK - Volkswagen DSG Gearbox Recall
معلش .... الفتيس بايظ شئنا ام ابينا والمشكلة مش من مصر لأ المشكلة من مهندسين الفتيس والشركة الجشعة اللي مصممة تنزل الفتيس في العربيات وهو لسه مخلصش تطوير
اما بقى نجيب سيرة bmw و mercedes - عندك مشاكل معروفة ومشهورة فيهم ؟؟؟؟؟ :shyy:
يا فندم الشركتين دول وبالاخص BMW اساس شركات السيارات في العالم محدش ياريت يتكلم عنهم في العربيات دول على جنب خالص خالص خالص !!!!!!!!!!!
متشي يا باشا الفتيس بيبوز في كل حتة :dاقتباس:
المشاركة الأصلية كتبت بواسطة 2code
مش معنى ان ربنا كارمك بعربيه بى ام يا باشا انك تخبط وتعيب فى كل الساده الباقيين المحترمين اللى معاهم عربيات المانى تانيه غير الموديلات اللى قولتها واللى لا ترتقى انها تكون عربيه المانى محترمه ده من وجهه نظرك يعنى !!!
لو معلوماتك مش قويه فى الالمانى ومتعرفش باقى الموديلات ايه،،ابقى ادخل على جوجل واعمل سيرش على ماركه اوبل مثلاً واعرف دى تصنيفها ايه وترتيبها ايه،،،ويكفى انى اقولك ان الانسيجنيا واخده عربيه السنه متفوقه على الماركتين التانين اللى حضرتك منبهر اوى بيهم،،،،للاسف هى ثقافه شعب اللى بتخلينا نقول اركب بى ام موديل ٨٠ ولا انى اركب حاجه تانيه موديل السنه،،،محدش فى الدنيا بيفكر فى الماركه وبس ومبيبصش على التكنولوجيا اللى بتطور سنه بعد التانيه غير المصريين
مع احترامى لحضرتك نظرتك للبى ام والمرسيدس نظره عنصريه لانى مبكلمكش على عربيه صينى تتقارن بيهم،،انا بكلمك على ماركات متقلش احترام عن الماركتين التانيين،،،لولا بس ان عقليات المصريين اللى بيدورا على الصيت ولا الغنى
سبحان الله اللي يشوف ردودكم لما تيجي سيرة الـBMW او Mercedes ميشوفش ردودكم لما تلاقوا مقارنة مثلاً بين صيني وكوري واوربي وياباني !!!!!!!!!!!!!! :wound09:
الفتيس الـDSG حتى الان لايعمل بشكل سليم وادخل شوف انت بنفسك في قسم فولكس وراجع كلامك كويس - والفولكس بالفعل اقل فئة الماني موجودة حتى الان !!!!!!!!
و اوبل مين اللي كسبت المرسيدس والبي ام دي :shyy:
انت عارف انا مش هتكلم على اي حاجة في تكنولوجيا الـBMW هقولك بس نظام التعليق :36_7_4[1]:
عارف يعني ايه
5Link Rear Suspension !!!!!!!!!!!!!!!!
الاوبل في اعلى واغلي عربية عندهم اللي حضرتك بتقول انها تكسب BMW و مرسيدس مش عارف ازاي قولت كده بتستعمل ايه نظام تعليق ورا ؟؟؟؟؟
Multi Link
يعني BMW بتستعمل 5 link وانت بتستعمل multi link
معلش في حتة الـStability و الـSuspension والسرعة والرفاهية .... خليهم لـBMW و مرسيدس مش عارف اقول لك ايه بالظبط نخليه للشركات التانية !!!!!!!
راجع الموضوع ده تقنية الـ5link موجوده في نظام تعليق BMW من سنة 2005 وده تقرير من احد الملاك عنه اول ما نزل
5-link rear suspension. Is this why it feels so good?
دي حقائق شئت ام ابيت يا فندم مش مستنيه اني اقولها لحد :welcome1:
والله يا باشا كوون انك مش متابع او مش عاوز تتابع الاخبار بره،،،فدى مشكله سيادتك،،،،اكتب كده car of the year لسنه ٢٠٠٨ و ٢٠٠٩ ومتتصدمش لما تعرف النتيجه،،،ده مش كلامى،،،ده كلام اكبر مواقع تقييم العربيات بره،،،اكيد مش حيكونوا بيجاملوا للاوبل،،او لا سمح الله معلوماتهم عن البى ام اقل من معلومات سيادتك
الحاجه التانيه اللى مش فاهمها،،،هى العربيه عندك تنحصر بس فى نظام التعليق الخلفى !!!! هو ده مقياس نجاح العربيه عندك،،هههههههه :mmm:
كلمنى عن فئه ال ٣١٨ او الفئه اللى انت راكبها مثلاً وكلمنى عن موتورها،،،،وكام الهورس باور،،،وكام معدل استهلاكها للبنزين،،،،وبعد متكلمنى عن دول،،،كلمنى عن وسائل الترفيه اللى فيها والتكنولوجيا المهوله الجباره اللى مش موجوده فى اى عربيه تانيه على كوكب الارض وموجوده بس فى البى ام
للتوضيح والتصحيح بس لانى حاسك واخد الموضوع على اعصابك كأنى بتكلم عن حد يخصك ولا انى قولت ان البى ام والمرسيدس عربيات بلاستيك،،،
طبعاً مفيش اختلاف ان الماركتين دول من اكثر الماركات احتراما واهتماماً بخطوط انتاجهاًًًانما ده ما يمنعش ابداً ان فيه ماركات تانيه عندها انواع عربيات تتفوق كتيير اوى على موديلات فى البى ام والمرسيدس،،،ادخل على قسم المقارنات وشوف الانسيجنيا بتتقارن بايه ومتفوقه على مين وانت تفهم كلامى،،،،وفى النهايه ربنا يباركلك فى عربيتك وعربيه صاحب الموضوع اللى تاه وسط النقاش ده
ياااااااااااااه ياراجل ده انت قديم اوي اوي 2008 :chatting:
مسمعتش يا فندم عن الـTwinTurbo !!!!!! وباقي العربيات لسه بتفرح بعربيات Turbo !!!!!!!
معلش باين على حضرتك اللي مش متابع !!!!!! :mmm:
ولما انت شايف ان نظام التعليق ده مش موضع مقارنة امال هتقارن ايه ههههههههههههه
لما اهم حاجة في العربية مش عايز تناقشها طبعاً لانهم اهم نقطة قوة وضعف في العربيات اللي هو ثبات العربية ونظام التعليق !!!!!!!!!!!!
مش كلكم بتتكلموا في المنتدى هنا عن الثبات الثبات الثبات !!!!!! حسستوني ان الواحد نازل في سبق وان بسم الله ما شاء الله الشوارع في مصر زي الفل وتخليك تجري
خلاص يا سيدي هعمل زييكم وهنتكلم عن الثبات وبصراحة لو عايز ثبات هتشتري ايه ؟؟؟؟
Multi link
ولا 5link ؟؟؟؟؟؟؟؟؟؟؟؟؟؟؟؟؟؟؟؟
يعني بصراحة الواحد مش عارف يقولكم ايه لما تكون معاك عربية احسن من اللي قدامك تلاقي الناس كلها هجوووووووووم وانا شوفت الكلام ده قبل ما اشتري الـBMW كان الكل بيشتم على كيا بس علشان معاه حاجة احسن شويه صح ولا انا غلطان ؟؟؟؟؟؟؟ معلش انا قديم هنا في المنتدى :Ob_mak1[1]:
دلوقتي بقى بعد سيبت الكيا واشتريت الـBMW خلاص الكل بقى عامل نفسه مش عايز يقارن وبلاش انت ركبت عربية غالية فهتقول كذا وكذا وكذا !!!!!!!!!!!!
وادخل قسم مقارنة ايه ده فيه فضيحة لاوبل !!!!!!!
بتقارن اعلى عربية في اوبل اللي هي الانسجينيا بأقل فئة في BMW اللي هي 316 وحتى مع اقل عربية مش ساده :shyy:
شوف ردي هنا
http://www.nilemotors.net/Nile/3875409570-post8.html
المفروض اعلى عربية في اوبل تتقارن مع نفس فئتها في BMW مش هجيب سيره الـ7 Series هقول لك تعالا نقارن بـ5 Series !!!!!!!!!!!!!!!!! بس بلاش :36_7_4[1]:
بس علشان صاحب الموضوع احنا كده دخلنا بهدلناله الموضوع بمناقشة هو ملهوش ذنب فيها