متخليش حد يتتبعك على الإنترنت بضغطة زر !
السلام عليكم
بظروفها كده وقع تحت إيدي الإضافة الرائعة دي فقلت أنشرها للفائدة
طبعا كلنا عارفين إن من خلال الـ IP الخاص بالإنترنت بتاعك ممكن حد يتتبعك ويحدد مكانك أو يؤذيك بشكل عام
لكن عن طريق الإضافة البسيطة دي في جوجل كروم تقدر تغير الـ IP بشكل أوتوماتيكي لدولة تانية (أمريكا أو سويسرا أو إنجلترا أو ألمانيا أو هونج كونج) وبالتالي تحمي نفسك وتضيف بعض الخصوصية على شغلك على الإنترنت
كل ما عليك تعمله هو إنك تعمل setup للـ plugin ده بضغطة زر
https://zenmate.io/home/
وبعدين تضيف إيميلك على Gmail في الخانة اللي هتظهر
وبس !
طبعا لازم يكون عندك جوجل كروم والإضافة مش بتشتغل غير عليه بس يعني مش هتغير الـ IP لو هتشتغل على متصفح تاني وأنا أنصح بجوجل كروم بشدة واللي لسة بيستعمل إنترنت إكسبلورر أقوله حرام عليك يا راجل احنا في 2014 ! وبالنسبة للفايرفوكس فهو وإن كان أكبر منافس لكروم ولكنه بطيء وتقيل عن كروم الرائع
والسلام ختام
