الموضوع: مقارنه بسيطه بين الياريس ولانسر كرستاله

السلام عليكم
جديد معاكم فى القسم جاى لكوا من قسم متسوبيشى الحمد لله اشتريت تويوتا يارس 2008 اوتو
الحمد لله العربيه زى الفل
قولت مخشش القسم الا وانا عامل مقارنه بسيطه بيتها وبين لانسر كرستاله
هتكلم عن اهم النقاط

الشكل الخارجى
اولا الشكل
دى ازواق وراحات والاتنين شكلهم عاجبنى
والاتنين لما يتظبطوا بيبقى شكلهم رائع
الوسع الداخلى
فى الامام مفيش فرق يلاحظ
فى الخلف الياريس بتاخد 3 مزنوقين الكرستاله بتاخدهم مستريحين
بس فى اليارس رجليهم بتبقى مرتاحه فى الكرستاله رجليهم بتبقى مزنوقين(( الفرق ما بين الكرسى الامامى والخلفى ))
العلو عن الارض الياريس عاليه والانسر كنت معاليها برده بسوسوت وعليات بس اليارس اعلى

الثبات
الياريس طول ما هى فاضيه فى الخلف يعنى لو انت لوحدك او معاك راكب امامى ثابته لحد 160كم
طبعا فيها كوتش 16
الكرستاله كانت ثابته لحد 150 او اكتر ومعايا ناس ورا يعنى العربيه محلمه وده فرق كبير للكرستاله
التسارع
الياريس
توب سبيد يعتبر زى بعض 1300 بقى
العزم الياريس اقوى فى السرعات البيطيئه
الهدوؤ وصوت الطريق الياريس تكسب بمراحل
الراحه الداخليه للسائق الكرستاله الكرسى بتاعها ممتع فى السواقه لمسافات طويله
اليارس رخم علشان عالى بيتحس ان ظهرك بيوجعك لما تنزل منها بعد مسافه طويله
العفشه الياريس ناعمه فى المطبات
الاءضائه الياريس اقوى فى انارة الطريق مع العلم كنت مظبط الاضائه فى الكرستاله
الكرستاله بتتطبع عليها بسرعه
الياريس بتاخد وقت عمال ما تعرف ابعادها
التكييف لصالح الياريس
استهلاك البنزين
عملت معايا 300كم على الصفيحه ومشيت شويه فى زحمه يعنى كانت ممكن تعمل اكتر من كدا
الكرستاله 330 كم على الصفيحه
يعنى يعتبر زى بعض استهلاك ممتاز
مع العلم ان الكرستاله منول والياريس اوتو
الباور انعم فى الياريس
ولو افتكرت حاجه تانى هكتبها