بتشتغل فى عربيتك بإيدك - اتفضل قول لنا بتعمل ايه

**msobhy** · 20-02-2014 11:29 AM

بصراحه انا محبط جدا جدا جدا من القسم بتاعنا
اكبر عدد مواضيع
أكبر عدد مشاهدات
تفاعل فى الضيااااااااااااااااااااا اااااع
طيب
فى الفتره اللى فاتت على استحياء لاقيت ان فيه كذا واحد بيشتغلوا بإيدهم فى العربيه
فيه ناس بتشتغل بالخبره
وناس بتشتغل من ال Service manual بتاع العربيه (انا من النوع بتاع العلم فى الكراس مش فى الراس ده)
المهم
اللى فكرت فيه اى عضو بيعمل اى حاجه فى عربيته يدخل ويقول لنا بيعمل ايه
لو بتفك مسمار وتركبه ادخل قول لنا بتعملها ازاى - او حتى قولنا انك بتعملها وبس ولو حد تفاعل معاك ادخل رد عليه
حاول تصور كل حاجه بتعملها
مهما كان الكلام مكرر - من فضلك ادخل قول بتعمل ايه

انا عن نفسى باشتغل لأسباب كتيره - على رأسها انها فعلا هوايه عندى
البوست اللى جاى هاقول انا باعرف اعمل ايه وعملت ايه
ويا ريت الناس كلها تتفاعل معانا

**msobhy** · 20-02-2014 11:36 AM

عربيتى النترا 2010
باعرف اعمل التالى
تغيير وتنظيف فلتر هواء
تغيير وتنظيف فلتر تكييف
تغيير فلتر البنزين
تغيير موتور طلمبة البنزين
الكشف على الفيوزات واغيرها
تغيير تيل فرامل
ضبط ضغط زيت الفرامل
تغيير زيت الفرامل (لسه مجربتهاش)
تركيب اغلب فوانيس العربيه واللمبات المحترقه
تركيب وفك المرايات الخارجيه
تركيب الاجزاء الفيبر الخاصه بالعربيه زى كارتيرة الكاوتش - الكارتيرات اللى تحت الموتور وما شابه
تشغيل الاضافات البسيطه الموجود بالسياره ولا تعمل - زى لمبة التشيك - لمبة الشبوره - حاجات من هذا القبيل

**rotanamasoud** · 20-02-2014 12:19 PM

انا بعمل حجات كتير بايدى اهمها الكهرباء بالكامل

**mummy_47** · 20-02-2014 12:35 PM

المشاركة الأصلية كتبت بواسطة rotanamasoud

انا بعمل حجات كتير بايدى اهمها الكهرباء بالكامل

بكرر نفس الرجاء....حد يطوع ويدينا كورس في الصيانة.والعدة المستخدمة ...ويكون في اي مكان تختاروه ..ونعمل بيها كتيب ....وانا اول واحد هحضر..لاني شعرت بمدى جهلي المتقع...لاني مش بعرف اعمل اي حاجة من دول.....
انا حاسس اني عبيط اوووووووووووووووووووي

**amr011111** · 20-02-2014 12:39 PM

المشاركة الأصلية كتبت بواسطة rotanamasoud

انا بعمل حجات كتير بايدى اهمها الكهرباء بالكامل

ياريت تدينا فكره عن الفكره فى شغل الكهرباء
لانى بشوف الكهربائى معاه لمبة بيان وبيعرف من خلالها ان السلك ده خاص بانه جزء فى العربيه

**msobhy** · 20-02-2014 01:48 PM

المشاركة الأصلية كتبت بواسطة amr011111

ياريت تدينا فكره عن الفكره فى شغل الكهرباء
لانى بشوف الكهربائى معاه لمبة بيان وبيعرف من خلالها ان السلك ده خاص بانه جزء فى العربيه

ديه اسمها التجربه البلدى
بمنتهى البساطه الكهرباء اللى مبنيه على بطاريه عباره عن سالب وموجب
جسم العربيه كله سالب (أو زى ما بيقولوا أرضى وان كان المسمى غلط)
كل الفيش اللى فى العربيه لازم تكون واخده من السالب بتاع العربيه بالاضافه للموجب
اللى بيعمله انه بيوصل اللمبه للطرف السالب اللى فى الاغلب لونه بيبقى أسود ويبدأ يجرب
لما بيكون بيركب حاجه جديده بيدور على مصدر للكهرباء
لما تكون حاجه فاصله (على سبيل المثال لمبه مش شغاله) بياخد كهرباء من اى مكان قريب منه لو اللمبه نورت يبقى المشكله فى التوصيلات - بيمشى وراها لغاية لما يوصل للسبب
وهكذا
انا عمرى ما اشتغلت بالطريقه ديه
انا باشتغل بال أفوميتر - ممكن تشترى واحد تعبان ب 30 جنيه وهايقضى الغرض - وعن طريقه باعرف اقيس الفولت والكابلات اذا كانت سليمه ولا لأ
ارجو انى اكون قدرت افيدك

**msobhy** · 20-02-2014 01:51 PM

المشاركة الأصلية كتبت بواسطة mummy_47

بكرر نفس الرجاء....حد يطوع ويدينا كورس في الصيانة.والعدة المستخدمة ...ويكون في اي مكان تختاروه ..ونعمل بيها كتيب ....وانا اول واحد هحضر..لاني شعرت بمدى جهلي المتقع...لاني مش بعرف اعمل اي حاجة من دول.....
انا حاسس اني عبيط اوووووووووووووووووووي

باشا فكرة حضرتك جميله جدا لكن صعبة التنفيذ
انت علشان تعمل كده محتاج مركز متكامل ومحتاج منهج تمشى عليه
الاوقع ان لو حد هايشتغل فى عربيته انه يصور لك كل حاجه حصلت وحضرتك تبدأ تجرب بنفسك وطبعا على مسئوليتك - وطبعا مطلوب من حضرتك انك تشتغل بأيدك كتير وتقرأ كتير وتتعلم ازاى تجيب المعلومه من على الانترنت
اعتقد انك علشان توصل للمرحله ديه - محتاج على الاقل سنه متواصل شغل

**Mohamed.Hany** · 20-02-2014 01:56 PM

انا عليت صوت كلاكس عربيتي بنفسي , و شارح الموضوع بالتفصيل و ينفع لاي عربية:

http://www.nilemotors.net/Nile/401728-2014.html

-

الموضوع: بتشتغل فى عربيتك بإيدك - اتفضل قول لنا بتعمل ايه

LinkBack

أدوات الموضوع

عرض

بتشتغل فى عربيتك بإيدك - اتفضل قول لنا بتعمل ايه - انشر الموضوع فى :

-

-

-

-

-

-

المواضيع المتشابهه

حصري لنايل موتورز-اشحن تكييف عربيتك بإيدك...بالصور

عايز تركب مفتاح بصمة smart key في عربيتك؟ اتفضل هنا

عربيتك ماروتي ؟؟؟؟ اتفضل هنا شوية

بخصوص الموضوع المثبت ( حصري لنايل موتورز-اشحن تكييف عربيتك بإيدك...بالصور )

ياباشا اتفضل واعتبرها عربيتك . رأئيك يهمني أوي بجد

الكلمات الدلالية لهذا الموضوع

المفضلات

المفضلات

ضوابط المشاركة