مطلوب نصيحة بخصوص شراء الاكسنت الار بي المانوال

**الحجـــاج** · 20-02-2014 01:00 PM

السلام عليكم

اخي يرغب في شراء اكسنت مانوال ار بي فارجو من سياتكم نصيحتي هل يقوم بشرائها ولا لأ؟؟

واية اهم عيوبها واية اخبارها في البنزين وقطع الغيار ؟

وكمان اية اخبار الارتفاع عن الارض والمطبات؟
والتكيف؟ والسحب ؟

وشكرا جزيلاً وعذرا علي الاطالة

**kokowasfy** · 20-02-2014 01:35 PM

طب متخلية يفكر فى اول فئة اتوماتك اصل المنول بقا متعب اوى فى بلدك و مينفعش فى الزاحمة و هتكرة نفسك

**omaranes77** · 20-02-2014 01:37 PM

عريية محترمة سحبها حلو اهم عيوببها ان العربية بتحك في المطبات واطية يعني وعدم توافر الأيرباج الا في الهاي لاين ومش عارف فيها abs ولا ﻷ وانتظر باقي العضاء ملاكها يفيدوك عني

**mobyatak** · 20-02-2014 02:18 PM

العربيه معايا ممتازه جداااااااااااا وسحبها بجد طيارههههههههه

**mhmd_farouq** · 20-02-2014 02:28 PM

الاكسنت نوعا ما كويسه بس منعدمه وسائل الامان .. السحب طبعا معروف عن هيونداي بالذات الار بي طياره .. الثبات نوعا ما مقبول .. التكييف كويس .. الصيانه كويسه والاسعار مقبوله موضوع الحك فى المطبات ده انا ما لاحظتوش الا لو معايا ناس كتير ورا ... سعر اعاده البيع مش وحش لان هيونداي معروفه للشعب مش هتقرفك .. بس بصيحه خليك فى الاوتوماتيك

**الحجـــاج** · 20-02-2014 02:28 PM

شكرا جدا علي الردود
بس بالنسبة لموضوع واطية يعني الموضوع ده بيتحس لما حد يركب ورا ولا علي طووول ؟

وبعدين انا معايا لانوس لما بيركب حد ورا غير انها بتوطي بحس كمان ان العربية سبها ضعف وفرملها ضعفت الكلام ده موجود في الاكسنت ولا مجرد انها واطية شوية واكيد مش هتكون واطية زي الانوس والفيرنا ولا اية ؟؟؟؟؟

طب واستهلاك البنزين والتكيف؟؟

**EngAhmedSakr** · 20-02-2014 02:48 PM

المميزات:
- تكييف جميل .. وسحب وتسارع ممتاز (نفس موتور الإلنترا الشكل قبل الحالي)
-إقتصاديه ومصاريف التشغيل معقولة .. وإعتماديه يعني مالهاش اعطال.
- شكلها جميل وجذاب عند معظم الناس.

العيوب:
-فئه المانيوال ليس بها اي عوامل امان تقريبا .
- تهبط شويه من الخلف عند تحميل 3 أفراد (مش ازمه كبيره زيها زي معظم العربيات)
- كان فيها كلام عن مشاكل المساعدين الخلفيين اول ما نزلت وكان بيتم تبديلهم ضمان - ولكني اعتقد بانها مشكله وانتهت.
- ثبات أقل من السيارات الأوروبيه او مثيلاتها الأسيويه المزوده بأنظم إتزان .. خصوصا علي السرعات العاليه وفي الملفات.

إجمـــالا .. سياره جميله وصفقه رابحه كسعر مقابل كقيمه .. بس محتاجه حد يسوق بعقل وحكمه وما يتغرش بقوه وتسارع العربيه.

بالتوفيق

**msobhy** · 20-02-2014 02:50 PM

المشاركة الأصلية كتبت بواسطة الحجـــاج

شكرا جدا علي الردود
بس بالنسبة لموضوع واطية يعني الموضوع ده بيتحس لما حد يركب ورا ولا علي طووول ؟

وبعدين انا معايا لانوس لما بيركب حد ورا غير انها بتوطي بحس كمان ان العربية سبها ضعف وفرملها ضعفت الكلام ده موجود في الاكسنت ولا مجرد انها واطية شوية واكيد مش هتكون واطية زي الانوس والفيرنا ولا اية ؟؟؟؟؟

طب واستهلاك البنزين والتكيف؟؟

حضرتك انا كنت من ملاك اللانوس
انا معايا النترا اللى تقريبا شبه ال ار بى جدا - ونفس الموتور بالظبط
مينفعش حضرتك تقارن اداء اللانوس بال rb
بمنتهى البساطه سحب اقوى بكتير
التكيف تأثيره على السحب يكاد يكون منعدم
استهلاك البنزين احسن من اللانوس طبعا
لما العربيه تكون محمله جامد السحب مش بيتأثر بالدرجه البشعه بتاعت اللانوس
موضوع الارتفاع عن الارض مش هاقدر افيدك فيه لكن اللى اعرفه ان الالنترا اعلى من اللانوس شويه