حساس الكيلومتر و زيت الفتيس

**HanyManssy** · 20-02-2014 09:32 PM

من اسبوعين تقريبا الجمعه قبل الماضى الدبرياج قفش و الميكانيكى حل الفتيس و كلن فيه رايش المارش اللى اتكسر و المهم نضف الفتيس و قالى طقم الدبرياج سليم و انا اشتريت طقم و رجعته و الميكانيكى ده فى التجمع اخد 250 جنيه مصنعيه
من ساعتها عداد السرعه شويه يشتغل و شويه يبطل و الزيت مغرق الفتيس
رجعتله قالى ده فيشه ايه فى الفتيس باظت و مش موجوده جديده و نادره استيراد
بصراحه حاسيت انه بينفضلى
ذهبت شبرا للميكانيكى قالى ده فيشه حساس الكيلو متر اللى ركبه فى الفتيس بايظه
اشتريتها من البنا قطعه بلاستيك سوداء حجم الصباع ب 70 جنيه
ركبها و الحمد لله العداد اشتغل
بس زيت الفتيس بينقط على الارض كل ما اركن الاقى بقعه زيت
رجعتله قالى اويل سيل العقربه عاوز يتغير و بليه الفتيس و بليه الدبرياج
قالى هنفك الفتيس و نغير كل الجوانات و الاويل سيهات اللى فيه
قلت له ان شاء الله اجيلك يوم الجمعه
ايه رايكم فى الكلام ده و ايه الاويل سيهات ديه مع العلم ان الفتيس اتفك مرتين تقريبا الشهر ده
انا خلاص تعبت من العربيه و الفك و عك الصنايعيه
و شكرا لتعب حضراتكم

**HanyManssy** · 21-02-2014 10:03 AM

اغير اويل سيل العقربه و نحط سيلكون حرارى على الجوان و خﻻص و ﻻ نغير اويل سيل الكرنك الخلفى كمان

**HanyManssy** · 22-02-2014 03:03 AM

اليوم رحت للميكانيكى فى شبرا قالى هنروح لبتاع فتيس فى الامام
الراجل بص على العربيه قال حط دوبل فيس على ممكان الفايظ
و كان فيه صوت ناحيه اليمين غيرت بليه العجله و كوبايه و بطاحه المساعد اليمين
وفور برشام المقص اليمين ووضع 3 مسامير 17 بصامولتين و قالى
العربيات بمسامير عدا اللانوس برشام
و غيرت قاعده الفتيس و وجد لحام على كارتيره الفتيس و انا لا اعرف شئ عن هذا اللحام
قالى يمكن صنايعى خبطها و لحمها بس مش تمام
الحمد لله
الكارتيره ده بتتباع جديده و ﻻ نلحم الموجوده و خﻻص

**moe gawad** · 22-02-2014 03:54 AM

بص انا ماعرفش الميكانيكى ده . بس انا من خلال حكايتك ديه حاسس بحاجه غريبه
يا اما عربيتك فتحه بقها اوى زى مابيقولوا
او الناس ديه بتفتح شغل لمجرد انهم عاوزين مصنعيات كتير
و اعتقد انها الثانيه. علشان ده بقا حال بلدنا . والله العظيم انا معظم الميكانيكيه اللى حوالين المركز عندى بقا عندهم الشكله ديه. ماتعرفش ده بسبب قلة الشغل فالما بيصدقوا انهم يمسكو عميل بينفاضو كل الفلوس اللى معاه . وده نوع من انواع عدم الضمير
ربنا يسترها علينا. ويكفيك شر عربيتك
و نصيحه اخويه خد العربيه واطلع على واحد ثالث خالص خليه يكشفلك بس

**hany essa** · 22-02-2014 05:25 AM

اولا ضرورى تحدد الزيت جاى منين يبقى هتغسل الحوض بالموتور والفتيس كويس اوى وتركن وتدور العربيه شويه كتير لانه وارد ان يكون زيت الفتيس كتير فبيخرج من الفايص فبالتالى بينزل على الفتيس ويغرق الدنيا كلها علشان كده مش هتقدر تحدد الزيت جاى منين
اما بالنسبه للكرتيره هتدور عليها شويه لانها بتيجى مع الفتيس ده بالنسبه للاستيراد فانت هتبقى عايز فتيس بايظ علشان الراجل يرضى يفك الكرتيره اما بالنسبه للجديد فانا معتدقتش انها بتتباع جديده
اما لو خلاص مش لاقيها فيبقى تلحم اللى معاك لحام محترم ويكون حد بيفهم هو اللى يلحمها وبما انك هتفكها فكده الزيت كله هينزل لما تيجى تحط زيت للفتيس تانى هتحط كليو و800 جرام بالظبط موبيل 90

**koki5033176** · 22-02-2014 01:46 PM

بص يا باشا الفتيس طالما اتفك يبقى من الاولى اغير كل الجوانات و الاولسيهات و اولسيل الكرنك الخلفى لانى مش كل يوم هفك الفتيس و الجوانات طالما اتفكيت عمرها ما هترجع زى الاول فلازم يتغيروا تانى حاجة لازم احدد الزيت جى منين فى الفىتيس يبق نغسيل الجوض كويس اوى و منخليش و لا نقطة زيت وتحدد الزيت ى منين بعد ماتمشى بالعربية يوم او يومين تالت حاجة متحولش تخلى ميت صنايعى يمدوا اديهم فى العربية خلى ليك ميكاتيكى ابن حلال هو بس الى يمد ايدوا فى العربية و لو عايز اى حاجة او استشارة كلمنى 01000978887

**ضى القمر** · 22-02-2014 06:54 PM

حضرتك تحاول تروح لميكانيكى متخصص وعنده امانة عشان كده شكلها اشتغالات ميكانيكات يسدورا حجاة ويفتحوا فى حاجة تانية

**HanyManssy** · 22-02-2014 06:56 PM

شكرا يا جماعه على الرد
اليوم طلعت على البنزينه الساعه 9 صباحا و غسلت الموتور كويس بالجاز و الصابون
ثم نزلت التوفيقيه و اشتريت كارتيره و 2 لتر زيت موبيل 90 من بنزينه بالدوران شبرا
و رحت لميكانيكى رابع و غيرت الكارتيره و الفتيس كا فاضى زيت زيرو زيت
و فضلت قاعد حوالى نصف ساعه و اجرب العربيه و الدنيا زى الفل
ركنت العربيه عند البيت و نزلت بعدها بساعتين لاقيت بقعه على الارض و الفتيس غرقان زيت من فوق
الحمد لله
انا تعبت من العربيه خلاص
حد يعرف حد بتاع فتيس كويس يدلنى عليه احسن خلاص

**hany essa** · 22-02-2014 07:44 PM

المشاركة الأصلية كتبت بواسطة hanymanssy

شكرا يا جماعه على الرد
اليوم طلعت على البنزينه الساعه 9 صباحا و غسلت الموتور كويس بالجاز و الصابون
ثم نزلت التوفيقيه و اشتريت كارتيره و 2 لتر زيت موبيل 90 من بنزينه بالدوران شبرا
و رحت لميكانيكى رابع و غيرت الكارتيره و الفتيس كا فاضى زيت زيرو زيت
و فضلت قاعد حوالى نصف ساعه و اجرب العربيه و الدنيا زى الفل
ركنت العربيه عند البيت و نزلت بعدها بساعتين لاقيت بقعه على الارض و الفتيس غرقان زيت من فوق
الحمد لله
انا تعبت من العربيه خلاص
حد يعرف حد بتاع فتيس كويس يدلنى عليه احسن خلاص

الزيت اللى مغرق الفتيس من فوق احتمال كبير يكون من الفايص وده مفيش منه قلق