تجربتى فى جوان وش السلندر ورأيكم فيها .

السلام عليكم
من كام يوم كانت عربيتى بتاكل مية من غير تسريب واضح المهم طلع الجوان متأكل خالص وهو السبب
روحت للمىكانيكى وفكيت وش السلندر والمانفولد طلعت الماسورة بتاعت المية فيه متآكلة واتقطمت
المهم وديت الوش يتمسح فى المخرطة ويعمل الماسورة اللى اتقطمت
عملهم وركبنا الوش والمانفولد والتوصيلات ( سيور وخراطيم مياه وفيش وخلافه )
وزودنا مية وقولنا بسم الله وشغلنا العربية وكله تمام الحمد لله
وفجأة لقيت الماسورة بتاعت المية اللى احنا مركبنهافى المانفولد الجديدى (فى المخرطة ) بتجيب مية نقط لما العربية تشتغل و تسخن
الموضوع دا تاعبنى جدا مش عارف أعمل ايه ؟و دا سؤالى لأصدقائنا والتكلفة
التكاليف :
جوان ب25
جوان مانفولد 10
مخرطة 70
ميكانيكى 150
طقم بيض دريكسيون ctr 115
أعمل ايه ؟ تانى لأن المية بتنقص من ماسور المية فى المانفولد

نقلت تجربتى لإفادة الجميع

اسحب الماسوره مره اخرى من المانافوليد وضع معها سيليكون انا عامل كده

أكيد الخراط معملش الماسورة تمام..خلي الميكانيكي يفك لك المانافول بس ووديه للخراط تاني.

شكرا لحضراتكم على الرد والاهتمام بس عازين المزيد من الردود والمشاركات لتبادل الآراء .

بص يا باشا الماسوره دى كده مش محكومه كويس انا كنت عاملها عندى تخانه اكبر والخراط عملها قلوظ فى الوش وحط عليها لحام زى السليكون بس بتاع الحديد وبقالها سنه ونص زى الفل

لو مش عاوز تفك فى مانع تسريب مياه الرادياتير انواعه كتير جرب تحطه ممكن يملى مكان التسريب و يخلص الموضوع على كده

بس هات نوع مستورد زى جنك او ستب علشان تبقى كفاءته عالية و هتلاقيه تقريبا فى حدود 25 جنيه

الموضوع مش عايز سؤال ترجع للميكانيكى وتقوله ان المشكلة متحلتش ويفكلك المانفولد وتاخده معاك للخراط وترويه ان الماسورة اللى عملها بايظة ويعمل واخده جديدة وبلاش لحام وتقوله مش مشكلتى ومتدفعش جنيه لا للخراط ولا الميكانيكى

شكرا لا هتمامكم
فهذا المنتدى العظيم قد استفدت منه الكثير من الأعضاء الكرام جعلكم الله عونا لكل من يحتاج مشورة أو مساعدة
فعلا أنا عملت كدة وروحت للميكانيكى وخليته سحب الماسورة ووضع عليها معجون حديد وركبها شحط فى مكانها وجارى الاختبار والله الموفق والمستعان .
شكرا لكم جميعا .
دعواتكم