مشكلة بعد تغيير تيل فرامل لانسر بومة .....ارجو الافاده

العربية كانت تمام و بدال الفرامل مظبوط المهم التيل خلص و احتاج انه يتغير
رحت للميكانيكى رفع العربيه و خلع الكاوتش و فك مسمار الكاليبر اللى بيبقى جواه التيل و غير التيل و قالى كاريك شويه على بدال الفرامل المهم فضلت ادوس و اشيل رجلى من على بدال الفرامل لحد لما الفرامل حجرت و بعدين دورت العربيه و مشيت لقيت البدال بتاع الفرامل بقى بينزل بتاع 1 سم او 2 سم عشان زياده عن زمان بعدين لو دوست مرتين ورا بعض على البدال بتاع الفرامل الاقيه اترفع لفوق سنه المهم رجعت للميكانيكى قالى التيل لسه مطبعش و اصبر يومين تكون خرجت بيها هتلاقيها رجعت زى الاول
مع العلم لما ركب التيل الزيت اللى فى القربه رجع لل full
هل كلامه صح و لا ايه؟

من وجهة نظرى ارجع له تانى
او شوف حد غيره
الفرامل حاجه مهمه

كلامة مظبوط متقلقش الفرامل هتعلى
وهتشد

كلامة صح متقلقش وممكن تاخد اسبوع كمان او اكتر حسب كفائة التيل وجودتة

كلامه انشاء الله مضبوط
سعات لما بتكون الطنابير بقالها كتير التيل بياخد فتره عالشان يطبع . وممكن بكره لو مظابتتش . اكشف عند حد تانى.

متشكر ليكو و على اهتمامكو