الموضوع: ..:: تقرير تركيب زينون على الفوج لايت للكورولا 2014 ::..

الف مبروك يا دكتور على فوجات الزينون و عقبال الكشافات الأمامية فى القريب
بالنسبة للفيوز لو كان 7.5 امبير هو اللى شايل لمبتين 55 وات فده طبعاً قليل عليهم و وجب تغيره ل 12 امبير مش 10 بس

الله يبارك فيك يا بش مهندس يا محترم وان شاء الله عقبالك بالجميلة الفلوانس
بالنسبة للفيوز اعتقد مفيش فيوز 12 موجود يا صاحبى ... ولو تم تعلية الفيوز هيبقى 10 امبير لان الى هيبقى بعده هو 15 امبير واعتقد دة كبير جدا ... واللمبتين الزينون 55 وات زيهم زى الهالوجين نفس فكره العمل باستتثناء الموديول وهو الى بيولد ليها فولت او امبير اعلى
وعلى فكره انا لما شيع معايا فيوز 7.5 لو يمكن من التحميل ولكن كان من عيب فى الموديول نفسة ولما ضرب معايا الفيوزات الاصلية الى نازله مع العربية جربت بالفيوزات الى بتباع فى المحلات وهى كبيره فى الحجم عن الاصلية وجربت على فيوز اقل 5 امبير واشتغلت اللمبات دون المساس بالفيوز مع العلم انه اقل قيمه من الى كان راكب اصلا ..

فكرة عمل الزينون مختلفة عن فكرة عمل اللمض الهالوجين....و بتحتاج فولت و امبير عالى فى الاول علشان تعمل الشرارة داخل اللمض الزينون و علشان كده بقولك تعلى الفيوز شوية علشان ميضربش معاك فى بداية التشغيل

كلام حضرتك صح قوة الاضاءة تختلف فى الاتنين ولكن
فى الهالوجين قوة التحميل على سلك الضغيرة مباشره والوسيط بينهم هو الفيوز يعنى لو حصل مشكله بيضرب الفيوز
فى الزينون قوة التحميل بتبقى على الموديول وهو بدورة على الفيوز وبالتبعية على سلك الضغيره والبطارية
فالتحميل او الاشعال او الفولت والامبير الاعلى بيبقى دة شغل الموديول نفسه تحت سيطره وهيمنه القيمة المعطاه للفيوز للتحمل ..

يا ريت حضرتك تشيك على مدى قدرة استحمال دويان اللمض و ده رقم بالوات بيبقى مكتوب عليهم....يعنى لو لقيت مكتوب عليهم 22w ده معناه ان اقصى قدرة لمض يستحملوها هو 22w و لو حطينالهم لمض بقدرة اعلى هيحمصوا بعد فترة من التشغيل لان الخامة بتاعتهم مش مصممة تستحمل كمية الحرارة الناتجة من لمض اعلى من 22w ....لذا وجب التحقق من هذه النقطة

دى بقى مش فاهمه او مش راكبه معايا او مش فاهم قصدك كويس
انا هرد على قد ما وصلتنى المعلومه من حضرتك
انت حضرتك تقصد دويان اللمبات وهو قاعدة الفانوس نفسه ولا حضرتك تقصد اية .. اذا كان كدة فهى تستحمل 55 وات لان تم التركيب 55 وات لمبات هالوجين فى التوكيل ومعنى انهم يركبوها يعنى قاعدة الفانوس تسمح بالحراره دى وتتحملها دون مشاكل
اتمنى اكون فهمت النقطه دى صح من حضرتك

مرة اخرى بالغ تحياتى للشغل اللى عملته و دقته و جرأتك و مبروك عليك و على الكورولا الجميلة
معروف ان كل دكاترة الاسنان مهره فى استخدام ايديهم و حضرتك مكسرتش القاعدة....

كالعادة كلام جميل من انسان محترم
فعلا دايما بيقولوا كدة ان دكاتره الاسنان بيحبوا بيتشغلوا الحاجة بايدهم لان عندهم حساسية فى اصابعك بفضل شغلهم ومهنتهم فى اللمسات الاخيره ودة لحظتها خصوصا لو كانت الحاجة بتاعتك هتحافظ عليها اكتر من اى انسان فى الدنيا
اشكرك اخى الكريم على مرورك الكريم دة وان شاء الله نشوفك عما قريب بجراه فى الفلوانس بلمسات حضرتك الجميلة