الموضوع: ..:: تقرير تركيب زينون على الفوج لايت للكورولا 2014 ::..

المشاركة الأصلية كتبت بواسطة bassem.naguib

وائل باشا .. ازيك الأول .

استمتعت بالنقاش بينك وبين أبو فندي وهاني .. وجاوب على معظم الأسئلة اللي كنت عاوز أسألها

كنت عاوز مزيد من التوضيح بخصوص الانذار الكوبرا اللي بيركبوه .. وهل هو فيه أوبشن يقفل سنتر العربية عند دوسة الفرامل أو بعد سرعة معينة .. أو بمعنى أخر توضيح عملوا معاك أيه أو اللي أنت فهمته أيه .

وهل ينفع أجيب نوع تاني زي spy 2 way ويركبوه .. أو فيه أماكن معتمدة لديهم تركب أجهزة أنذار أحسن من النوع اللي عندهم والفنيين بتوعهم بيفهموا عن الفنيين اللي في التوكيل لأن شكلهم كدة على قدهم .

ازيك يا باسم باشا واتمني تكون بخير

بالنسبة لموضوع الانذار :
1- سيبك من الانذار spy 2 way لانه بيشتغل من مسافة قريبة جدا بس

2- أنا ركبت الكوبرا في التوكيل وقالولي أنه احسن من الايطالي بس الكلام ده مدخلش دماغي لان ثمن الايطالي كان ضعف ثمن الكوبرا ، المهم ركبوا الكوبرا وقلت أختبر الانذار بأني أفتح العربية بالمفتاح مش بالريموت وكانت المفاجأه ان الانذار مضربش خالص فكتشفت أن الكوبرا بيركبوه علي ال central lock ,وبالتالي اي حد يفتح باب العربية بمفك بالقوة يبطل الانذار .

3- طبعا بعد التجربة قولتلهم يغيروه بالانذار الايطالي ماركة سيمفوني (وهو نفس الانذار الي بيركبوه في كلاريون) وبيركب علي الاشارات ويفصل فقط بالريموت ولكن عيبه الوحيد أنه مبيديش صوت مع فتح أو غلق السنتر لوك فقط يعطي صوت عند فتح السيارة بدون الريموت أو عند خبط السيارة وهو المطلوب.

4- الفنيين في التوكيل مبيعرفوش يظبطوا الانذار بحيث يقفل سنتر العربية عند دوسة الفرامل أو بعد سرعة معينة حتي لو الاوبشن ده موجود

نصيحتي ليك ركب الانذار الايطالي في التوكيل علشان محدش يتلككلك وبعد فترة الضمان نبقي نغير الوبشن اللي احنا عايزينها

المشاركة الأصلية كتبت بواسطة abofandy

الفكره يا وائل
ان الانذار التوكيل الى عامله وانت دافع فاتورة بيه وممكن يكون مثبوت فى كتيب الضمان
كلام سليم يا دكتور

انما الكلاكس زى ما انت قولت انه معمول ليك جدعنه ومش مثبوت فى كتيب الضمان

بالنسبالي لما تيجي مواعيد الصيانة هظبط مع المهندس اللي أنا عارفه. مهما عملت محدش هيثبتلك الكلاكس في كتيب الضمان فتوكل علي الله وسيبه راكب بعد مل تعدي صيانة ال 1000 كم

السوال انا لو رايح الضمان مثلا فى صيانه الالف هل وجب عليا افك فرده الكلاكس الى انا عامله لحد ما اخلص الصيانه واركبه تانى ولا عادى ؟ وكذلك الزينون ؟ ولا اية رايك

بالنسبة لأول صيانة وهي صيانة ال 1000 بيفعلوا الضمان بجد وعربيتك بتنزل علي النظام و بيشيكوا علي كل حاجه في العربية فأنصحك تفك الكلاكس والزينون . بعد كده بيعملوا المطلوب في الصيانة فقط فتقدر تسيبهم راكبين. أنا ركبت الكلاكس بعد صيانة الالف وعملتها بدري علي 600 كم.

ملحوظة لما تركب الكلاكس تاني استخدم سلك أسود.

سلامي وتحياتي