| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 10 1 2 3 4 5 6 ... الأخيرةالأخيرة
النتائج 1 إلى 10 من 97

  1. #1

    الصورة الرمزية abofandy

    رقم العضوية : 60964

    تاريخ التسجيل : 04Feb2010

    المشاركات : 1,725

    النوع : ذكر

    الاقامة : المنصورة

    السيارة: ........................

    السيارة[2]: كورولا 2014 F.O AT

    الحالة : abofandy غير متواجد حالياً

    Exclamation ..:: تقرير تركيب زينون على الفوج لايت للكورولا 2014 ::.. - Facebook Twitter whatsapp انشر الموضوع فى :

    بسم الله الرحمن الرحيم
    تحيه من القلب عاما لكل مرتادى قسم تويوتا
    وتحيه من القلب خاصه لمالكى الوحش اليابانى
    ((( كورولا 2014 )))
    اليوم الجمعة الموافق 12 / 2 / 2014
    وهذا يوم مع كورولتى الحبيبه
    وطبعا انا مبخبيش عليكما حاجة بينى وبينها وده مزعلها منى انى بطلع اسرارنا الشخصية للمجتمع والناس بس فداكوا
    طبعا الكورولا 2014 تفاصيل الاضائة فيها كالاتى :
    الفوج لايت .. H16 19W
    النور الواطى .. H11 55W
    النور العالى .. HB3 60W
    من القائمة الى فوق تلاحظ ان فية مشكلة فى الفوج لايت وهو انا القدرة بتاعته ضعيفة شوية للطريق مقارنه حتى بالموديلات السابقه للكورولا ..
    لذلك كان فية اجتهادات مننا كلنا ان نعدل الاضاءة مبدئيا فى الفوج لايت باضائة اقوى وكانت كما فعل معظم زملائنا منهم فى التوكيل ومنهم عملها بره التوكيل ..
    وكان الاستبدال الفوج لايت .. H16 19W باخرى H11 55W
    وفى الاورجينال كانت Osram وفى التغيير كانت Osram.night breaker plus وكانت النتيجة مرضية تمام اللجميع ولمبات المانى معمره ..
    واليوم لابد ان ناتى بالجديد وهو
    تركيب لمبات زينون بالاجهزة بتاعتها على الفوج لايت
    خارج التوكيل بشغلى ايدى
    ..:: نبدا الحكاية ::..
    1 - اختيار اللمبات : السوق مليان لمبات الزينون ومتنوعة وللاسف كلها صينى والى يجتهد ويقول كورى وفى الاخر بتطلع صينى وعن تجارب كتير قبل كدة .. لكن ما لا يوجد خلاف عليه ان لازم نجيب لمبه H11
    ملحوظة : فية لمبات مكتوب عليها 35 وات واخرى 55 وات .. اية الفرق ؟
    مفيش فرق بينهم الى هيحدد قدرة اللمبة هو الجهاز الى هيركب للمبه وجربت الاتنين على جهاز 55 وات ونفس النتيجة على اللمبتين
    سعر اللمبات 95 جنيه 8000K 55W H11
    ودى الصورة للايضاح
    2 - اختيار الجهاز : نفس الكلام السوق مليان اجهزة كتير جدا ومنها الى مكتوب عليها made in Germany وهو صينى لان سعره 550 جنيه للجهزين بس صينى محترم شوية ودة الى انا جبته بعد كتر الاسئلة واللف والدوران لحد ما رجلى دابت
    ودة صورة للايضاح
    3 - الخطوة التالته بقى انك تجمد قلبك شوية وتنزل معايا تحت العربية علشان نفك
    - فك بطانة الرفرف عباره عن مسمارين 10 وكليبس
    - هنبدا الاول بالصور مع بعض واحدة واحدة بفك المسامير ببيبه 10 زى ما انا ماسكه فى الصورة كدة
    العربية مليانه طين من تحت معلش اعذرونى لان الوقت ضيق انا يدوب غسلت الكاوتش بس الطين الى فيها ناشف محدش يخاف مش هيتعك
    - نبدا نفك المسامر التانى بنفس الطريقة بالضبط وبرضة الصورة الجاية هتوضح اكتر
    - لو لاحظتوا فى الصورة السابقة ان فكيت المسمار وسبته ماسك على حاجة بسيطة بس علشان اوضحها اكتر وبدات افك فى التانى
    - يبقى لينا حاجة واحدة بس وهو الكليبس ويتم فكه عن طريق مفك عادى او مبطط ويتحك فى حافه الكليبس والضغط لاسفل والصورة هتوضح لينا اكتر بس محتاجة تركيز شوية مكان راس المفك علشان تشوفه هو داخل فين بالضبط
    - اعتقد الموضوع سهل خالص .. كدة بطانه الرفرف اتفكت بس متشالتش من مكانه وماسكه من فوق وبدات تتحرك معاك عادى خالص ومتاحة ليك انك تبدا تمد ايدك وتفك اللمبة الاورجينال الى راكبه ودى صورة توضح اكتر
    - نبدا نفك اللمبة الاورجينال كالاتى : تفك الكهرباء الاول منها بالضغط على لسان او ريشة الفيشة والسحب لاسفل .. ثم حركه اللمبة عكس عقارب الساعة .. كدة اللمبة اتحررت من مكانها شيلها وعينها فى مكان اامن علشان متكسرش ودى صورتها
    4 - تركيب لمبات الزينون والجهاز
    طبعا الجهاز للامان ليس اكتر ولا اقل لفه بحته فيل او الورق الابيض الى هو بيجى فيه ولفه حوليه شكرتون علشان تعزله عن الميه وكدة وبيتثبت باى افييز بلاستيك علشان ميتحركش دة بالنسبة للجهاز
    بالنسبة للمبات الزينون هتركب مكان اللمبات العادية وتوصل بالجهاز والجهاز يتم توصيله بالفيشة الاساسية الى جاية من البطارية .
    حصل موقف ضايقنى شخصيا اثناء العمل
    - تم تركيب لمبة وجهاز وتم تقفيل بطانة الجنب اليمين وشغال وزى الفل وتم التجربه
    - ما فعلناه فى الجنب الايمين نعمله فى الجنب الايسر بالكربون وتم بالفعل وتم تجربة اللمبات الاول مباشره على البطارية مع الجهاز المخصص لها وزى الفل
    - تم تركيب الجنب الشمال وعند توصيل كبل اللمبة فى الجهاز والتشغيل تم توقف اللمبتين واقسموا بالله انهم مش شغاليييين تانى
    (((((( حصل مشكله )))))
    - نبدا تانى فك اللمبة الاخيرة والجهاز وتركيب اللمبة الاورجينال (( نور الفوج لا يعمل ))
    - جه فى دماغى على طول الفيوووز شييع وتم مراجعته وبالفعل الفييوز شيع
    - تم تركيب فيوز من الاحتياطى الى نازل مع العربية بعد فك اللمبة والجهاز اشتغل وبعد كدة وقف تانى وتم تشييع الفيوز التانى
    (((((( حصل مشكله )))))
    يبقى هنا فية مشكله او فية حاجة غلط انا عملتها وانا مش واخد بالى وبعد تشييع فيوزين اكيد مش هضحى بالتالت ابدا
    (((((( حل مشكله )))))
    الجهاز الزينون الى كان راكب فى الشمال كان فية قفلة داخله كان بيعكس الكهربا فبيطير الفيوووز ( يعنى العيب مش فيا ياعم الحج العيب فى الجهاز )
    - تم مراجعة البائع وتم التبديل بجهاز اخر والحمد لله الفيوز سليم والانوار شغاله
    ودى صورة للايضاح
    طبعا الصورة بالنهار فمش قادر تمييز اوى الاضاءة او قوتها او مدى انتشارها
    فقولنا علشان محدش يتكلم نستنى الليل يسدى ستائره وياتى الظلام بس الحقيقة الفرصة لن تسمح لى بالانتظار فجاء الرد من شركه الكهرباء بانقطاع التيار الكهربائى لمدة ساعة قولت والله حاسيين بيا انى عايز اجرب الزينون والتعب الى تعبته هههه
    ودى صورة للايضاح
    فى نهاية المساء بعد التعب قولنا نروح الجراج بقى نركن العربية وكفاية الفيوزين الى شيعوا دول نروح نشوف هنجيب فيوزات اصلية منين واخدنا صوره علشان نشوف النور بيفرق وفارش على الارض ولا لا
    كدة الامورة الشطورة دخلت الجراح بتاعها وبتمسى على الناس الحلوة بعد ما نشفت دمى وتعبتنى النهاردة كانت عملية ولادة مستعصية وانا نايم تحت العربية ولا بلية العجلاتى
    ودى اخر صورة اخدتها للكورولا من داخل الجراج وهى بتستغيظ باصحاب القلوب الرحيمه
    اى حد يقدر يوفرلها فيوزين مكان الى شيعوا وله الاجر والصواب على الله
    علشان كدة مكنتش عايزة تسبنى الا لما ارجعلها الى فوقد منها من فيوزات
    فى النهاية
    اتمنى يكون الموضوع خفيف ونال اعجابكم واى استفسارات انا تحت امركم
    تحياتى
    د . محمد أبو فندى


  2. #2

    الصورة الرمزية Abdulrahman M

    رقم العضوية : 149075

    تاريخ التسجيل : 24Sep2013

    المشاركات : 316

    النوع : ذكر

    الاقامة : القاهرة

    السيارة: Toyota

    السيارة[2]: Toyota

    الحالة : Abdulrahman M غير متواجد حالياً

    افتراضي -

    والله انت برنس من دكتور أتحولت لميكانيكي ! هههههههههههـ

    بس قلبك جامد بجد , مبروك النور الجديد وربنا يعوض عليك الفيوزات الطارت

    بس ممكن بدل اللفه دي كنت تركبهم في التوكيل ؟!

    اللهم أغفر وارحم وثبت من إشتاقت عيني لرؤيتها،ويدي لمصافحتها،واذني لسماع صوتها اللهم اجعل الجنة دار ومستقر لها.
    اللهم إرحم أمي رحمة واسعة وأسكنها فسيح جناتك


  3. #3

    الصورة الرمزية برنس الليالي

    رقم العضوية : 144748

    تاريخ التسجيل : 03Jun2013

    المشاركات : 1,213

    النوع : ذكر

    الاقامة : الإسكندرية

    السيارة: جآية في السكة قول يا رب

    السيارة[2]: BMW 320i 2013

    دراجة بخارية: I Don't like it

    الحالة : برنس الليالي غير متواجد حالياً

    افتراضي -

    الزينون جامد جداً وربنا يعوض عليك يا برنس بالفيوزات وسليمة إن شاء الله

    - بس المهم ايه حكاية النمر الاجنبية اللي ركبة تحت نمر العربية دي؟ :)))


  4. #4

    الصورة الرمزية J A G U A R

    رقم العضوية : 149487

    تاريخ التسجيل : 02Oct2013

    المشاركات : 10,979

    النوع : ذكر

    الاقامة : DAMANHOUR , ALEX

    السيارة: ♥-♥-♥-♥-♥-♥-♥-♥

    السيارة[2]: O---P---T---R---A

    دراجة بخارية: ♥♥♥-._.-♥♥♥

    الحالة : J A G U A R غير متواجد حالياً

    افتراضي -

    الف مبروك .. بس متعاكسش بيهم خلق الله



  5. #5

    الصورة الرمزية Hesham Alaa

    رقم العضوية : 154111

    تاريخ التسجيل : 04Jan2014

    المشاركات : 36

    النوع : ذكر

    الاقامة : Cairo - Doha

    السيارة: -

    السيارة[2]: -

    الحالة : Hesham Alaa غير متواجد حالياً

    افتراضي -

    هل حضرتك متاكد مليون فى المية انى الواطى مقاس h11 ولا لا ؟؟؟


  6. #6

    الصورة الرمزية bassem.naguib

    رقم العضوية : 5577

    تاريخ التسجيل : 12Feb2008

    المشاركات : 4,439

    النوع : ذكر

    الاقامة : cairo

    السيارة: يا رب

    السيارة[2]: Fiat One twenty eight M/T

    دراجة بخارية: لا يوجد

    الحالة : bassem.naguib غير متواجد حالياً

    افتراضي -

    يا أبو فندي يا جامد .. لا استنى شوية متفرحش كدة ده مش أنت اللي جامد .. قلبك بس هو اللي جامد

    تسلم أيدك ومواضيعك هايلة ماشاء الله .. عارف لو كان حصل معايا نفس اللي حصل معاك .. كان ضرسي وقع في ركبي .

    أنا فكرت في الموضوع ده وخرجت بنتيجة أنه فعلاً النور في الفوج لازم يبقى أبيض (مش شرط يكون زينون) علشان بيدي شياكة لوش العربية مع نور الليدات وأنت طافي نور الفوانيس .

    بس ليا سؤالين .. (أجب عما يلي) :

    1) هل كل التوصيلات بجهاز الزينون بتقتصر على أنك توصل الكابل اللي جاي من ضفيرة العربية بيه وحتوصل الجهاز باللمبة ازاي ؟ معلش أصل خبرتي قليلة جداً بالزينون والكهربا والحاجات دي .

    2) فين مكان الفيوزات الاحتياطي في العربية ؟ .. وهل شاملة كل أنواع الفيوزات .. ويا ريت تكون راعيت موضوع الأمبير في التغيير .






    Life's too Short for the Wrong Job

    ziabassem سابقا


  7. #7

    الصورة الرمزية Mohamed.Hany

    رقم العضوية : 149816

    تاريخ التسجيل : 09Oct2013

    المشاركات : 2,755

    النوع : ذكر

    الاقامة : مصر

    السيارة: Cruze 11, Accent RB 12, Getz 08

    السيارة[2]: Corolla 14, 11, Yaris HB 12

    الحالة : Mohamed.Hany غير متواجد حالياً

    افتراضي -

    تقرير ميخرش المية.
    ايه الجمال و الحلاوة دي يبني. و برافو بجد علي انك مجمد قلبك و داخل فالعربية شمال كدة.
    عندي ليك كام سؤال بما انك حبيبي :
    ١.ليه مركبتش الزينون في الفانوس الواطي بدل الفوج و كنت ركبت لمبة عادية زي منا عملت ؟ كانت هتدي نتيجة متاقربة و كنت استفدت بالزينون في الفانوس الاكبر؟
    ٢.هو مش الزينون ده اللي في التوكيل ب٦٦٠ جنيه؟
    ٣.درجة لون الزينون ايه،اصفر ابيض ازرق فاتح ولا غامق.
    ٤.انت بتقول لمض ٣٥ و٥٥ لكن المتحكم الوحدة ،هل فعلا زي بعض ولا عشان هما قريبين فمش واخد بالك؟ اصل فرق ٢٠ حلوين بردو.
    وربنا يعوض علبك في الفيوزات ،روح رازيو شاك هاتلك كام واحد

    psycholain سابقا


  8. #8

    الصورة الرمزية محمد بدر

    رقم العضوية : 41935

    تاريخ التسجيل : 06Jun2009

    المشاركات : 1,533

    النوع : ذكر

    الاقامة : suez

    السيارة: KIA SPORTAGE

    السيارة[2]: Honda Civic 2010

    دراجة بخارية: لايوجد

    الحالة : محمد بدر غير متواجد حالياً

    افتراضي -

    إيه الحلاوة ديه
    إيه الجمال ده
    والله برنس


  9. #9

    الصورة الرمزية abofandy

    رقم العضوية : 60964

    تاريخ التسجيل : 04Feb2010

    المشاركات : 1,725

    النوع : ذكر

    الاقامة : المنصورة

    السيارة: ........................

    السيارة[2]: كورولا 2014 F.O AT

    الحالة : abofandy غير متواجد حالياً

    افتراضي -

    والله انت برنس من دكتور أتحولت لميكانيكي ! هههههههههههـ

    بس قلبك جامد بجد , مبروك النور الجديد وربنا يعوض عليك الفيوزات الطارت

    بس ممكن بدل اللفه دي كنت تركبهم في التوكيل ؟!
    امممممممممممم ميكانيكى ( أخص عليك )
    طيب قولت اتحولت من دكتور لفنان مثلا .. متقلقش مش زعلان انا بهزر
    بالنسبة لية مرحتش التوكيل
    التوكيل اولا بعيد عليا زى ما قولت قبل كدة مسافة 150 كيلو ودة حرام اقطع المسافة دى
    التوكيل ثانيا غالى شوية ومستحرم المبلغ الجامد دة 660 جنية والجهاز صينى صينى يعنى والالمانى 2200
    بالنسبة للفيوزات مش هتفرق بيتباعوا فى المحلات الكبيره بس ان اعايز اجيب الاصلييين بتوع العربية وكلمت التوكيل وهجيب منه الفيوزين الى طاروا ان شاء الله


  10. #10

    الصورة الرمزية abofandy

    رقم العضوية : 60964

    تاريخ التسجيل : 04Feb2010

    المشاركات : 1,725

    النوع : ذكر

    الاقامة : المنصورة

    السيارة: ........................

    السيارة[2]: كورولا 2014 F.O AT

    الحالة : abofandy غير متواجد حالياً

    افتراضي -

    الزينون جامد جداً وربنا يعوض عليك يا برنس بالفيوزات وسليمة إن شاء الله

    - بس المهم ايه حكاية النمر الاجنبية اللي ركبة تحت نمر العربية دي؟ :)))
    مرسيى ربنا يخليك يارب عقبال انت كمان لما تركبهم هتفرق كتير فى الاضارة بتاعة العربية
    الفيوزات سهلة باذن الله الحمد لله انها جت على قد كدة
    بالنسبة للنمر الاجنية بصراحة شوفت ريفوهات كتير او على النت بيبقى العربية بالنمر الاجنية بس وكان شكلها حلو اوى خرافة على العربية فرحت اشتريت نمرتين اجنبى قدام وورا استيراد ... هتقولى اية الفرق بين الاستيراد والعادى الى موجودة الفرق اولا
    الاستيراد تمنها 25 او 30 جنية الواحدة بس مهما غسلت العربية او النمر عمر الكتابة او البوهية بتاعه النمرة ما تروح ابدا لانها بتبقى استيراد فبتعيش كتير اوى بدون ما تتلمس او البوهية بتاعتها يجرالها حاجة

    العادية او الصينى الموجودة تمنها 5 جنية الواحدة بس مع اول غسلة او اتنين ادعك النمره بفوته كدة هتلاقى البوهية بتاعة النمره بتقع منك وممكن تصدى كمان ويبيقى شكلها وحش للغاية



 
صفحة 1 من 10 1 2 3 4 5 6 ... الأخيرةالأخيرة

المواضيع المتشابهه

  1. تقرير تركيب فوج لايت للنيو أكسنت
    بواسطة Amro_ON في المنتدى هيــونــداى
    مشاركات: 49
    آخر مشاركة: 06-01-2018, 02:55 AM
  2. ..:: تقرير عمل دواسة جلد وفرش جلد للكورولا 2014 ::..
    بواسطة abofandy في المنتدى تـويوتـــا
    مشاركات: 43
    آخر مشاركة: 09-12-2014, 03:10 AM
  3. رحله تركيب الفوج لايت فى الحرفيين
    بواسطة Hesham.H في المنتدى أوبـــــل
    مشاركات: 15
    آخر مشاركة: 20-02-2013, 01:26 AM
  4. الفوج لايت فصل
    بواسطة aaet1 في المنتدى كـــــيا
    مشاركات: 6
    آخر مشاركة: 07-02-2013, 06:00 PM
  5. تركيب زينون فوج لايت فيات بونتو 2003
    بواسطة charming في المنتدى كــماليــات السيـــارات و الإكسسوارات
    مشاركات: 5
    آخر مشاركة: 02-05-2009, 07:59 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2