| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية ابوحبيبة2010

    رقم العضوية : 135721

    تاريخ التسجيل : 27Feb2013

    المشاركات : 535

    النوع : ذكر

    الاقامة : القاهر _ دبى

    السيارة: ربنا يسهل الحااال

    السيارة[2]: BMW X6m 2012

    دراجة بخارية: vspa eg 2011

    الحالة : ابوحبيبة2010 غير متواجد حالياً

    افتراضي بعض النصائح الهامة للتعامل مع البطارية السائلة - Facebook Twitter whatsapp انشر الموضوع فى :

    hasad">

    [OVERLINE]
    بعض النصائح الهامة للتعامل مع البطارية السائلة
    ممنوع تغير ميية البطارية نهائى دى فتاوى غير صحيحة بالمرة الا فى حالة واحدة بس لو البطارية لسة مكملتش شهر ممكن تفضيها و تقلبها و تغسلها و تتخزن - انما بطارية بقالها شهور شغالة ممنوع منعا باتا انك تقلبها لان مع الاستعمال بيحصل تفاعل و تاكل للوحات الداخلية مما يسبب رواسب ف القاع و لما تيجى تقلبها تيجى الطوبة ف المعطوبة و الرواسب تدخل بين البلكات تبوظ الربع مع ان البطارية كانت شغالة قبل متعمل حاجة
    الصح اللى تعملة تجيب من التوفيقية جهاز زجاجى ب 5ج او 8ج للكشف على كثافة مية البطارية لو البطارية مشحونة كويس المقاس بيديك قراية كثافة 28 او 29 و على الموشر الاخضر لو فاضية شحن هتلاقية على 15 او 20 و هتلاقى المؤشر على الاحمر ف الحالة دى تتحط ع الشحن مع فتح الغطيان مع تزويدها مياة مقطرة للعلامة ماكسmax فقط مش ميية نار زى ناس ما بتقول لانة برضوا غلط و بيسبب تاكل للوحات القريبة للتلف و تسبب تلف للبطارية اسرع --
    كلامى دا عن ثقة و خبرة 35 سنة ف حكاية البطاريات و تغيرها و كمان لانى اشتغلت فى مركز لتوزيع بطاريات كلورايد فترة طبعا ببلاش لانة كان واحد معرفة بس حبيت اتعلم و افهم و الخلاصة انا بقولهالكم اهو ممنوع تقلب البطارية نهائى لو كانت مستعملة شهور و اللى عمل كدة و محصلش حاجة دا مجرد حظ انما فى الغالب بيسبب تلف للبطارية بصورة اسرع ان لم يكن فورية --
    يجب دائما مراجعة ماء البطارية و مستواها للعلامات و فى حالة النقصان تزود مياة مقطرة و يفضل فى حالة التزويد انك بعدها تعمل مشوار --
    خطأ تانى مهم بيحصل لما تروح تشحن البطارية عند كهربائى طبعا لانك مستعجل فيقولك هحطهالك ع الشحن السريع هههه طبعا تفرح كام ساعة و تاخد البطارية بس دا غلط الشحن السريع بيسبب تلف نتيجة السخونة اللى بتحصل من الشحن و احيانا انبعاج للبلاكات ف الافضل شحن بطئ لاطالة عمر البطارية و انت قول للكهربائى عاوزها تتشحن شحن بطئ --
    فى بعض الحالات بتحتاج انك تزود شوية ميية نار بس بطريقة معينة انك بتسحب ميية البطارية بسرنجة او اى حاجة لحد مستوى البلاكات بس طبعا بدون ما تقلبها و تزود ميية نار بس دى حالات نادرة و سببها ان المية اللى اتحطت فيها من الاول كانت ضعيفة بس ف الحالة دى اما تعمل مشوار او تحطها ع الشحن لظبط كثافة مية البطارية --
    طبعا لو عندك افوميتر ممكن تراجع ع الشحن من وقت للتانى للتاكد من قيام الدينامو بعمل الشحن بالفولت المطلوب للبطارية و ممكن اى افوميتر حتى ابو 7 جنية الصينى تجرب بية و تتابع بتظبط المؤشر علىDC اعلى من 12 فولت و توصل السلك الاحمر من الافوميتر لموجب البطارية و السلك الاسود لسالب البطارية و تدور الموتوسيكل و تزود براحة المفروض الشحن لا يزيد عن 14 فولت يبقى كدة تمام -- طبعا بعض الاخوة بيروشوا المكن بانوار و عدد صوت النصيحة هنا بس هى انك لازم تخرج الصبح زى متخرج بالليل لانك بالليل بتشغل الانوار و دا طبيعى بيضعف الشحن اللى بيوصل للبطارية يعنى وازن الامور

    عموما انا بفضل البطارية الجافة لقلة مشاكلها و صيانتها يعنى بتركبها و تكبر دماغك المهم نوع كويس -- عيب البطارية الجافة حاجة واحدة بس و دا على حد السواء للموتوسيكل او العربية انها ملهاش بوادر بتظهر لما تبتدى تبوظ يعنى فجأة تلاقيها قطعت و انتهت متحطش منطق فجأة

    سؤال من احد الاعضاء :
    طيب كده لو عملنا اللى فات ده والبطاريه حصل لها حاجه او باظت مافيش حل ليها يا ريس والا خلاص تترمى
    شكرا لردك مقدما

    الاجابة : شوف يا اخى الفاضل غالبا تترمى خلاص بس قبل مترميها فى احتمال 50% لو اتحطت ع الشحن انها تحرق سبب قفلة الربع بس احتمالة ضعيف بس التجربة مش هتخسر - اللى بيحصل ان كل ربع ف البطارية بيطلع 2 فولت فى 6 عيون يبقى 12 فولت لما ربع بيبوظ بتكون المحصلة 10 فولت بس - الطبيعى لما بتكون 12 و تدور مارش البطارية بتسقط ل 10 فولت تقريبا مع التحميل انما لما تكون اساسا قوتها 10 فولت لما بيكون فى ربع قافل بتسقط ل 8 فولت و دا طبعا السبب اللى بيخللى المارش مش قادر يقوم على 8 فولت

    سؤال من احد الاعضاء : طيب ليه حاطين علامه على البطاريه اللى هيه فايدتها انها ممكن تعاد تصنيعها ؟؟؟؟
    والربع اللى بيضرب ده مش ممكن يتغير
    ارجو الرد

    الاجابة : مفيش دلوقت الكلام دا - دا كان زمان ايام البطاريات السودة النسر كان ممكن تفك ربع و تغيرة
    منقول
    [/OVERLINE]


  2. #2

    الصورة الرمزية amirosagan

    رقم العضوية : 157369

    تاريخ التسجيل : 14Mar2014

    المشاركات : 11

    النوع : ذكر

    الاقامة : طنطا

    السيارة: 31

    السيارة[2]: 31

    الحالة : amirosagan غير متواجد حالياً

    افتراضي -

    hasad">

    مشكووووووووووووور جدا جدا



 

المواضيع المتشابهه

  1. الطريقة السليمة و الصحيحة للتعامل مع البطارية السائلة
    بواسطة karembob في المنتدى مختــلف أنواع الدراجات النارية
    مشاركات: 17
    آخر مشاركة: 01-12-2017, 09:19 PM
  2. مشاركات: 26
    آخر مشاركة: 20-01-2016, 05:19 PM
  3. النصائح الجهبزية في شراء البطارية
    بواسطة DONYO في المنتدى فــــيات
    مشاركات: 5
    آخر مشاركة: 22-04-2013, 10:46 AM
  4. البطارية السائلة
    بواسطة خالد عادل في المنتدى نيـــــــــسان
    مشاركات: 5
    آخر مشاركة: 11-10-2012, 08:09 PM
  5. عندي سؤالين بخصوص البطارية السائلة
    بواسطة thegoodhacker في المنتدى بطاريات
    مشاركات: 2
    آخر مشاركة: 04-02-2010, 09:15 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2