عرض للطباعة
اخوانى الاعزاء نفسى اسمع راديو السيارة واضح بدون وششششش والسيارة واقفة الصوت واضح جدا اول ما ادور السيارة الوش يشتغل جبت قالوا عيب كاسيت رحت اشتريت واحد ميديا تك شغال عند واحد صاحبى زى الفل وروحت للكهربائى نفسالمشكلة قاللى روح هات اريال داخلى بيتلزق على الزجاج ابو20جنية حاضر وبردوا نفس المشكلة العربية تدور المشكلة تبتدى وهكذا اخيرا الكهربائى قاللى هات اسلاك بوجيهات مانعة ذبذبة قولتلة شكرا وسلام عليكم مش ناقص دفع على الفاضى انا عايز حد يقوللى على الحل السليم
هو ده الحل اسلاك البوجيهات عندك بتاثر ع الراديو هات واحده وركبها وشكرا علي كده
من ضمن اكبر الاحتمالات اسلاك البوجيهات لاكن الاول
انت بتعمل سلك محمل مباشر من طرفين البطاريه حتى الكاسيت(مع فيوز)وفى اقرب نقطه للكاسيت بتحط مكثف تنعيم10000mf25v
اعمل الاسلاك الاول وحتتظبط ان شاء الله
طيب الاخوة الاعزاء اية نوع الاسلاك الكويس
هناك دائرة توضع قبل الموجب الواصل للكاسيت وتكلفتها مش غاليه 7 جنية جربها وقولى وبردة كلام الكهربائى الأخير والزملاء هنا صحيح لأن سلام البوجيهات من أحد أسباب عمل تواترات وشورة بمحطات الراديوا.اقتباس:
المشاركة الأصلية كتبت بواسطة tamer1974
وأفضل انواع الأسلاك للبوجيهات الفحم ودى عن تجربة أو ممكن حد من الزملاء يفيدنا بأنواع أفضل
متابع
اخى العزيز اسمها اية الدائرة دى واجيبها منين
لو عايز حل جذري ونهائي لكل المشاكل دي
روح لأي حد بيصلح راديو قولله عايز عمود فيرايت بتاع ايريال راديو أو لو إنت عندك أي راديو قديم ممكن تجيبه منه هتلاقيه صابع زي الفحم بس جامد مش بيتكسر بسهولة زي الفحم وكمان الباور سبلاي بتاع الكومبيوتر فيه منه 6
هتجيبه وتروح لأي حد بيصلح مواتير كهربا تقولله يلفلك عليه سلك 30 معزول ( متورنش)
هتروح لأي حد بتاع قطع غيار الكترونيات وتقولله عايز مكثفين 10000uf/16v أو أعلى
دلوقتي عندك الملف والمكثفين
السلك اللي علي الملف بيكون معزول هتقشر طرفه بسكينة علشان التوصيل
المكثف هتلاقي رجل منه جنبها خط أسود هتوصل الرجل اللي جنبها خط أسود مع اللي زيها من المكثف التاني ودي هنسميها الأرضي لأنها هتوصل بسلك الأرضي بتاع الكاسيت اللي بيكون لونه أسود
الرجلين التانيين للمكثفين هنوصلهم ببعض ونوصلهم بسلك من الملف وهنسميهم الخرج وهنقطع سلك الكهرباء بتاع الكاسيت اللي بيكون لونه أحمر ونوصل باللي رايح الكاسيت
أما الطرف التاني بتاع الملف فده بيكون الدخل وهيتوصل بالطرف التاني للسلك الأحمر اللي جاي من كهرباء السيارة
وبكده هتنتهي مشاكل الراديو والتشويش عليه وعلى الكاسيت وكمان مش هيفصل لو العربيه بطلت ودورتها تاني
ممكن صور ، وما هو سلك 30 معزول ، 30مللي أم ماذا ؟ وما هي عدد اللفات المطلوبة ؟اقتباس:
المشاركة الأصلية كتبت بواسطة samaty