محتار ، عايز اشتري ستروين c5 الجديدة بس خايف من قطع الغيار وقلة مراكز الصيانة القليلة. عايز نصيحتكم اشتري ولا لا. وايه أفضل بديل لغاية سعر 215000
عرض للطباعة
محتار ، عايز اشتري ستروين c5 الجديدة بس خايف من قطع الغيار وقلة مراكز الصيانة القليلة. عايز نصيحتكم اشتري ولا لا. وايه أفضل بديل لغاية سعر 215000
العربية ممتازة من كل النواحى و انت كده كده عربية زى دى مش هتخلى صنايعى يمد ايده عليها و هتروح التوكيل ، و حاجتها كلها موجودة فى التوكيل عشان العربية بقالها فترة فى السوق ، لو مزاجك رايح للفرنساوى ممكن برضه تبص بصة على البيجو 508 تحفة فنية بس هتزود ميزانيتك 25000 ، و لو زودت الميزانية للمستوى ده عندك أوبل انسيجنيا و لو فى نفس الرينج اللى معاك و أوروبى و ممتاز برضه فى أوبل أسترا سيدان الكوزمو ، و فى فولكس فاجن جيتا و بالنسبة لليابانى حبيبة الملايين هوندا سيفيك فى ال budget range بتاعك....
متشكر جدا ، بس للأسف مش هاعرف ازود خالص، بس كنت بفكر في الكارينز أو سيراتو هاي لاين عشان ال options الكتير اللي فيها لو ماجبتش c5. وما جاش في بالي خالص ال civic. ارجو النصيحة
مع احترامي للكارينز و السيراتو انت بتتكلم في c5 عربية مفيهاش كلام
الكارينز عربية مش وحشة بس سعرها فوق قيمتها الحقيقية بكتير زى معظم الكورى ، عايز حاجة محترمة و أمان و تكنولوجيا عالية و من الاخر ركوبة نضيفة يبقى حاجة أوروبى من اللى قولنا عليهم ، و لو مهم أوى بالنسبة لك سعر اعادة البيع و سرعة البيع مع الأخذ فى الاعتبار جودة العربية برضه يبقى هوندا سيفيك...و كده كده أنصحك بالاستخارة...
باشا كل الياباني والكوري اللي موجود في مصر مع احترامي لا يقارن حتي بال-c4 وأنت بتكلم في c5 ....
الياباني والكوري اللي في نفس الشريحة دي هو كيا اوبتيما ، هوندا اكورد ، تويوتا كامري ...والكفة في رأيي برضه c5 بس لو حد غاوي ياباني يبقي هو داه اللي في نفس الفاه مش سيفيك ولا سيراتو ولا كارنز خالص ...
متشكر جدا يا جماعة. أن شاء الله اصلي استخارة وربنا يسهل
يا باشا انت بتتكلم في حاجة اعلى من الكارينز