الموضوع: وحدات رفع للزجاج امامي و خلفي و لمرايات ضم (كيا سيراتو)

بكام ؟؟؟

روحت لادريان المهندسين قالي مش عندي
روحت لكلاريون اللي في احمد عرابي قالي مش عندي
الاقي مين يركب وحدات الضم للمرايات

حضرتك عرفت حاجة بالنسبة لوحدات الرفع ؟

الحمد لله تم تركيب وحدات رفع الزجاج الأمامي و الخلفي في مكان و وحده ضم المرايات في مكان آخر
الأسعار لوحدتين الرفع التايواني(غريب) 180 جنيه
سعر وحده ضم المرايات 200 جنيه و تبين أنها مختلفه تماماً عن فكره وحده رفع الزجاج و تعبت لغاية ما لقيت حد نضيف يشتغل في العربيه
و الحمد لله كله شغال تمام

المشاركة الأصلية كتبت بواسطة karim_el_wa7sh

يا باشا ألف مبروك وربنا يباركلك فيها.. طب استأذنك ماتحكيلنا عن المرايات الضم.. عملتها فين وبكام بالمصنعية.. وشغالة عالريموت ولا إزاي ؟؟

الله يباركلك
المرايه الضم طبعا كماليه جميله و عمليه جدا و مفيده في اوقات كتيره جدا
و انا كانت عندي في سيراتو قبل دي و كنت مصمم اني اعملها في عربيتي الحاليه
المهم انا سألت كتير جدا و في اماكن كتير بردو علي تركيب وحدات الضم او اي طريقه لتشغيل ضم المرايات مع ريموت العربيه عند الغلق و الفتح و روحت لاكتر من مكان و اللي ركبت عنده وحدات الرفع حاول فيها بوحده ضم عنده و لم تنجح المحاوله
و روحت لكهربائي تاني مشهور و معروف في المنيل و قالي هاعملها بس الموضوع يتكلف من 200 ل 350 جنيه و سيبته و في الاخر بسأل واحد فاتح في الشارع اللي ساكن فيه عنده تركيب سنتر و كماليات قالي في واحد يعرفه بيركبهم ب 200 جنيه و الموضوع مش هياخد اكتر من ساعه و فعلا اتصل به و اتفقت معاه و جالي و اشتغل و الموضوع ما اخدش ساعه
و كمان كان الباب الشمال وحده الرفع في مش شغاله لانه تايمر و هو شغله
و قالي كمان انه عنده حل لموضوع ريستارت الفلاشه مع الزينون بس دي حاجه بتحتاج شغل نص يوم تقريبا
بصراحه هو راجل محترم و نضيف جدا في شغله و فاهم هو بيعمل ايه
و قبل ما يشتغل لقيته بيقولي في خدش هنا و هنا (بيستلم مني يعني)
الخلاصه تركيب وحدات ضم للمرايات و غلقها من الريموت الاصلي بتكلفه 200 جنيه و وقت شغل لا يتعدي ال40 دقيقه