لو سمحتم انا الفتره الجايه دي ان شاء الله هجيب عربيه ولسه مارستش على حاجه بس من ساعه ماشوفت ال٣٠٠٨ بشكلها الجديد وانا موهوم بيها ومحتار بينها وبين القشقاي بس انا لحد دلوقتي ماعرفش امكانياتها وماشوفتلهاش اي تقرير .. فآتمنى تفيدوني في الحيره دي !! :)
عرض للطباعة
لو سمحتم انا الفتره الجايه دي ان شاء الله هجيب عربيه ولسه مارستش على حاجه بس من ساعه ماشوفت ال٣٠٠٨ بشكلها الجديد وانا موهوم بيها ومحتار بينها وبين القشقاي بس انا لحد دلوقتي ماعرفش امكانياتها وماشوفتلهاش اي تقرير .. فآتمنى تفيدوني في الحيره دي !! :)
ال 3008 فعلا بقت شيك جدا عن الاول وصفقه رائعه وتتفوق على القشقاي لأن القشقاي خلاص دي أخر سنه ليها انما ال 3008 لسه فيها 3 سنين على تغيير الشكل.
ربنا يوفقك وتجبها
ربنا يوفقك اولا و انا اؤيدك فى اختيار ال 3008
العربية 1600 سى سى 158 حصان و الموتور فيه تيربو شنطة 3 مستويات مشاء الله تشيل شنط اكتر من اى عربية فى الفئة دى الهاى لاين بتاعها الجديد Facelift و سقف بانوراما اوتوماتيك و ستيب ترونيك 6 نقلات هاند بريك اوتوماتيك يعنى الهاند بريك بيشتغل و يفضل مع حركة العربية او ثباتها طبعا كلها ازاز كهربا بس للاسف مافيش وحدات رفع بس معوضيتها بان فى وقت بعد القفل ممكن تقفل بيه الازاز حوالى 30 ثانية.
الكراسى حلوة جدا و 3 يقعدوا ورا مرتاحين بالاضافة لتكييف مزدوج و فتحة تكييف خلفية و فتحات مخارج كهربا حوالى 3 و فتحة AUX فى المسند و للاسف مافيش USB مع ان فيها 6 سماعات صوتهم نقى جدا اه صحيح المسند ممكن تحط فيه حوالى ازازتين مية كبار و ييجى 3 او 4 كانز و هيفضلوا ساقعين :)
الجنوط 17 ميشلان و الشنطة من غير زرار بتفتح مع السنتر و ليها حساس يتفتح منه و الفرش قماش. مساحات التخزين الداخلية ممتازة و فى درج كبير تخت الدركسيون.
طبعا باركنج سنسور و شاشة الكاسيت بتقلب عشان توضحلك ان كان فى عائق فى الرجوع و لا لا و كمان فى شاشة فوق قريبة من المراية يتحس بعدد الركاب و تبتدى تدى انذار انك ما ربطتش الحزام صحيح هىليها فترة و بتفصل بس لو الراكب اتحرك من على الكرسى الانذار هيشتغل تانى :)
العربية 6 ايرباج و APS و EBD و مانع انزلاق و شاشة Headup Display جميله جدا بتظهرلك السرعة و انت سايق كانك شايفها على الزجاج.
العربية اتزان تحسد عليه و شكلها جذاب جدا انا جبت بيها 190 كيلو مرتاح و كان ال RPM على 4 و اخدت طريق السخنة الجديد بتاع الجيش طول الطريق اقل سرعة كانت 150.
وتحت امرك فى اى سؤال تانى و اتمنى اكون افدتك.
تقرير وافى جدا وسياره ممتازه
طب والسعر
والبنزين ⁉