التبليغ عن مخالفات المبانى

**amr011111** · 22-02-2014 03:10 PM

السلام عليكم ورحمة الله وبركاته

فى الفتره الأخيره فى المنطقه عند والدتى كل العمارات تتكون من خمسة أدوار ومبانى قديمه عمرها أكثر من 30 سنه وطبعاً مش متصممه تصميم انشائى على عدد أدوار أكتر من خمسه

فكل صاحب عماره دلوقتى بيزود دورين وطبعاً مش فارق معاه ان كانت العماره لا قدر الله تقع ولا لاء لانه هيستفيد وساعتها هيطلع برج 12 دور

فكنت عاوز اعرف ان كان فيه رقم تليفون للإبلاغ عن مخالفات المبانى لمكان غير الحى
لان اللى بيحصل ان اى صاحب عماره بيروح الحى وبيلاغى الناس اللى هناك وبيدوه النصيحه انه يبنى يوم خميس بالليل وجمعه على اساس ان الحى اجازه وبعد ما يخلص بناء يطرطش محاره على الواجهه وينشره غيارين على أساس ان الدورين دول مبنيين من زمان وساكنين كمان

ياريت لو حد يعرف الأماكن اللى ممكن ابلغ فيها

**hugan** · 22-02-2014 03:14 PM

ياباشا
انت في مصر
البلد كلها مخالفات

ولا في حد هايهتم غير لما المصيبه تقع
تلاقي قرار الازاله ظهر فجاء ه
وانه صادر ليه سنتين بس اصحاب العقار رفضوا التنفيذ

**mahamedaraby** · 22-02-2014 04:17 PM

اكبر بؤرة فساد فى مصر هى المحليات
وحسبى الله ونعم الوكيل

**A.Saad** · 23-02-2014 09:24 AM

بلغ الرقابة الادارية عن فساد الحى وياريت بالاسماء لو تعرفهم وعناوين المبانى بحيث تقول انه خد رشوة 4000 عن الدور وكدة

**ahmedwagdy03** · 23-02-2014 09:47 AM

الأماكن اللى إنت عايز تبلغ فيها عن مخالفات المبانى عبارة عن سبوبة يروحوا بيها لمكان البلاغ علشان يتظبطوا من اللى بيبنى . يعنى م الآخر باب رزق للأحياء و بدل ما ينزلوا يبحثوا عن الأماكن اللى فيها بناء مخالف الناس هى اللى بتدلهم عليها