كل عام و انتم جميعا بخير
اود ان اعبر عن امتناني و سعادتي من المشاركة بهذا المنتدي الرائع
و اود ان استشير حضراتكم بخصوص السيارة التويوتا الياريس , هل هي سيارة جيدة و ماهي مميزاتها و ماهي عيوبها
وشكرا
عرض للطباعة
كل عام و انتم جميعا بخير
اود ان اعبر عن امتناني و سعادتي من المشاركة بهذا المنتدي الرائع
و اود ان استشير حضراتكم بخصوص السيارة التويوتا الياريس , هل هي سيارة جيدة و ماهي مميزاتها و ماهي عيوبها
وشكرا
ممكن حضرتك تراجع اللينك دا حتلاقى كل اللى يفيدك فيه
http://www.nilemotors.net/Nile/showthread.php?t=39009
انا والله شايف ان الياريس عربية عملية جدا وجميلة جدا واقتصادية بس هية عيبها فى شكلها الخارجى لانها قصيرة جدا من قدام
يا عم يارس اية وبطيخ اية؟ دي نزلوها بدل الايكو وبصراحة العربيتين اي كلام وطحينة. التويوتا تبدأ من الكورولا وما فوق
بص يا سيدي انت عارف طبعاً ان الاختلاف في الاراء حول موضوع ما دة شئ طبيعي ولا يفسد للود قضية. انا شخصياً بكرة السيارة اللي تابلوها وعدادتها في الوسط زي الياريس والايكو.
ثانياَ: السيارة (سواء الياريس او الايكو) خفيفة جدا وسحبها ضعيف ولاحظت عدم الاقبال عليها سواء في مصر او في الخليج زي الاقبال علي الكورولا.
أنا معاك في النقطة دي و مش عارف ايه الحكمة من النقطة دياقتباس:
. انا شخصياً بكرة السيارة اللي تابلوها وعدادتها في الوسط زي الياريس والايكو
السيارة الياريس خفيفة ....... آه و ده مأثر على الثبات ماشي
إنما سحب العربية
بسم الله ما شاء الله و لا حول و لا قوة إلا بالله ( ربنا يبارك لأصحابها فيها و فيهم )
سحب أكثر من ممتاز لسيارة 1300
الموتور ناعم قوي .......... و هو هو موتور الكورولا ال 1300
و توفير للبنزين رائع بسبب ( موتور حلو و تكنولوجيا متقدمة و سيارة خفيفة )
يعني لو بنتكلم في السحب ......... يبقى الياريس ممتازة
أنا بس حبيت أقول كلمة حق علشان واضح أن حضرتك مجربتهاش
و بما أني كتبت في الموضوع
أنا لست من ملاك الياريس و لكني إذا أحب صاحب الموضوع سماع رأيي يتفضل إن شاء الله
أكثر ما يميز السيارة هو المحرك
محرك ناعم ........ سلس ...... موفر في البنزين ..... سحبه عالي قوي بجد لموتور 1300 ......... أعطاله قليله بشهادة أصحابه
خدمات ما بعد البيع لتويوتا ممتازة بشهاة أصحاب السيارة
و سعر اعادة بيع جيد جدا
أسوء ما فيها
الثبات ضعيف فوق 110 أو 120 ( العربية عالية عن الأرض و خفيفة و كاوتشات رفيعة) ......... صاج ضعيف ....... ثمن مبالغ فيه شوية ( بس أغلب عربيات مصر كدا ) ...... الشكل ( أذواق طبعا ) ........
و دي الأنطباعات الأولية لواحد من غير ملاك السيارة و لكني جربتها عدة مرات و لكن طبعا الرأي الأفضل سيكون ممن جربها لمدد طويلة و هو الأكثر دراية بها
و إن شاء الله ربنا يوفق
يبقى انت مركبتش الياريساقتباس:
يا عم يارس اية وبطيخ اية؟ دي نزلوها بدل الايكو وبصراحة العربيتين اي كلام وطحينة
يا جماعه الياريس عربيه عظيمه ومن أكتر العربيات مبيعاً حالياً في العالم كله، وبتبيع كويس في الدول الغنيه والفقيره، وعلى فكره دبي مليانه ياريس بس هاتشباك.
أنا شخصياً مش باحبها أوي بس مقتنع بيها جداً بعقلي، وبالنسبه لعيوبها فا طبعاً ما فيش عربيه خاليه من العيوب ولولا إختلاف اﻷذواق لبارت السلع.
بص بالاختصار
الياريس عربيه اقتصاديه جدا سواء فى استهلاكها للبنزين او استهلاكها لقطع الغيار وفى نفس الوقت فيها امان زى الاير باج 2 والفرامل الabs فى الاتوماتيك
وتقريبا عيوب التصينع فيها قليله جدا وبتجيب جزء كبير جدا من فلوسها لما تبيها تانى
بس الفكره انها عربيت مدينه اكتر يعنى ممكن تكون احسن عربيه فى فئتها للاستخدام داخل المدينه بس اقل عربيه فى فئتها للاستخدام خارج المدينه نظرا لانها اقل ثبات من العربيات فئتها وكمان متورها الصغير ال1300
حته الشكل والعداد الى فى النصف افضل متكلمش فيها لانها اذواق فى الاول والاخر
السلام عليكم..
أود ان اشكر كل من شارك في هذا الموضوع علي افاداتهم و معلوماتهم القيمة التي استفدت منها كثيرا, و اسمحوا لي ان اعلن لكم السبب الحقيقي وراء طرحي لهذا الموضوع و هو ان الشركة التي اعمل بها تستخدم هذه النوعية من السيارات و من المفترض ان اتسلم واحدة منها - جديدة طبعا- و اوتوماتيك لذا اردت ان اعرف كل المعلومات المتاحة عنها رغم تحفظي الشديد علي شكلها الخارجي و التابلوه الذي في الوسط
اسف علي الاطالة و شكرا لكم جميعا