تقرير بالصور عن شراء كاربراتير سويفت وتغييره

السلام عليكم ورحمه الله وبركاته
عندى مشكله كبيره فى الكاربراتير وقد قمت بسردها بالموضوع ده
http://www.nilemotors.net/Nile/406785-a.html
أضف ألى ذلك ذهابى لمكان تصليح الكاربراتيرات بمدينه المنصوره شارع الحسينيه وذلك لمعرفه سعر وتصليح الكاربراتير وبعد اتفاقات على سعر التصليح هيكون ب 350 غير بعض الحاجات هشتريها يعنى ممكن تدخل الحسبه فى 450 جنيه وطبعا هسيبله العربيه الصبح وهستلمها منه المغرب
وبصراحه معجبنيش النظام وقولت فى نفسى الأستيراد أحسن
وانا فى الحسينيه سألت عن الكاربراتير لقيت اسعاره هتدخل فى 700 جنيه
اتصلت على واحد فى بورسعيد لقيت سعره 700 جنيه أيضا
روحت دمياط أشتريته من على مكنه وفكيته بأيدى
وأخدته هو والمنافولد والعمه كمان والفلتر جديد فيها
وكل ده ب 600 فقط
وعلى التركييب كمان ومعايا فتره تجربه أسبوع
ودى بعض الصور ليه والفلتر

http://nileup.com/up/uploads/nilemotors_13930917221.jpg


http://nileup.com/up/uploads/nilemotors_13930917222.jpg


http://nileup.com/up/uploads/nilemotors_13930917223.jpg



بكره بأزن الله هروح أركبه واعدكم ببافى التقريير عن التركيب والتجربه

الف مبروك و العربيه ترجع افضل من الاول ان شاء الله

متالق كالعادة دائما ربنا يبارك فيك ويجزيك كل خير...
باذن الله تتظبط العربية وترجع احسن من الاول...
تحياتي

Sent from my Xperia Arc S using Forum Runner

مبروك مقدما وإبقى طمنا

مبروك وان شاء الله تبقى تمام

السلام عليكم ورحمه الله وبركاته
الحمد لله قمت اليوم بتركيب الكاربراتير الجديد والحمد لله أن ربنا ألهمنى بشراء الأستيراد لان بعد فك القديم اتضح أنه كان على أخره
ولكن حصلت شويه مشاكل بعد التركيب وهى أختلاف نظام الكهرباء أو يمكن من الزمن أو غيره أو أهمال المالك القديم الله يسامحه لضفيره الكهرباء وتوصيل كهرباءالسخان وأبره السلانسيه يدوى
فقولت أشتغل على نضافه
والى شجعنى على كده ضفيره الكهرباء الجميله جدا ألى جت مع الكاربراتير ودى تعد أجمل صفقه
والميكانيكى (عم محمد ) راجل محترم ظبطلى العمل لحين الزهاب لكهربائى نضيف بكره لتظبيط الضفيره
أترككم مع الصور

الكربراتير القديم قبل الفك

http://nileup.com/up/uploads/nilemotors_13931637721.jpg

http://nileup.com/up/uploads/nilemotors_13931637722.jpg


الكاربراتير الجديد وهو لسه على الأرض

http://nileup.com/up/uploads/nilemotors_13931637723.jpg

الفك والتنظيف

http://nileup.com/up/uploads/nilemotors_13931648671.jpg


http://nileup.com/up/uploads/nilemotors_13931648673.jpg


http://nileup.com/up/uploads/nilemotors_13931649672.jpg


http://nileup.com/up/uploads/nilemotors_13931649673.jpg


أثناء وبعد التركييب

http://nileup.com/up/uploads/nilemotors_13931650241.jpg



http://nileup.com/up/uploads/nilemotors_13931650242.jpg


ودى صوره للميكانيكى المحترم ألى أشتغل فى العربيه وف
ام بتنظيف حجره الموتور بالبنزين وافضل ما فى الأامر أنه أشتغل بأيده مش صنعييه عنده
وكمان نضف وش المانفولد ومكانه فى وش السلندر بأستخدام فرشه حديد راكبه فى الشنيور ودى مش بلقيها عند ميكانيكيه كتير


http://nileup.com/up/uploads/nilemotors_13931650253.jpg

قمت بتجرييب السياره ومع بعد التظبيطات بقت تمام والحمد لله

المفارقه بقى أن بعد ده كله لقييت ظهور ريحه الدخنه تانى وده بيفسرها الميكانيكى لحاجتيين أما سقوط بعض الزيت على الشكمان وبدوره بحرق الزيت أو ان ديل الشكمان قصير عايز يطول
وده ممكن يكون الحل لأن الريحه دى مش بتظهر ألا مع الجرى الجامد ومع سخونه المكنه وكمان مش بشمها ألا لما أبتدى أهدى
بجد نفسى أرتاج من الريحه دى

بس ده مش معناه أنى محستش بأى تغيير بالعكس حسييت بالفلوس ألى صرفتها وأحتلاف دوسه البنزين وأختلاف صوت الموتور

بصفه عامه العربيه حاسسها جديده والحمد لله

أعدكم بباقى التقريير عن تغيير الضفيره وتنضيفها بكره بأزن الله

اقتباس:

---

المشاركة الأصلية كتبت بواسطة mesaharaty

مبروك مقدما وإبقى طمنا

---

اقتباس:

---

المشاركة الأصلية كتبت بواسطة j a g u a r

مبروك وان شاء الله تبقى تمام

---

اقتباس:

---

المشاركة الأصلية كتبت بواسطة silent~dream

الف مبروك و العربيه ترجع افضل من الاول ان شاء الله

---

الله يبارك فيكم

اقتباس:

---

المشاركة الأصلية كتبت بواسطة dr.hazem

متالق كالعادة دائما ربنا يبارك فيك ويجزيك كل خير...
باذن الله تتظبط العربية وترجع احسن من الاول...
تحياتي

sent from my xperia arc s using forum runner

---

ربنا يخليك يادكتور
وأن شاء الله أكون عند حسن ظن الجميع

الف مبروووك

هو الموتور عندك نص انجيكشن وده مختلف جدا عن اللي عندنا