الموضوع: حالتى ملخبطة

والله يا استاذ فادى انا فعلا بقيت بحس ان الموضوع دا بيحصلى من بعد اللى بقى بيحصل فى البلد وكمية العنف والقتل اللى بقينا بنشوفه يوميا...طيب هل السكر كدة بعد ساعتين من الاكل 81 كويس ولا لا ...??

الاعراض ديه من كميه الضغوط اللى احنا بتعرض لها و عدم الشعور بالامان و الخوف من المستقبل و الخوف من عدم القدرة بالوفاء بالاتزامات اللى علينا
انا كنت بحس بجد بس رميت الدنيا وراء ضهرى بعد ما دفنت خالى عرفت ان كده كده الواحد مصيره الموت و ان الدنيا ديه محطة و هتعدى زى ما ربنا كاتب
حاولو ما تشيلوش هم الدنيا كله بيعدى و كله بيخلص

المشاركة الأصلية كتبت بواسطة ghost2

المشكلة دي ظهرت عند ناس كتير .. العملية اولا و اخيرا عبارة عن اضطراب نفسي يتطور ليصبح نوبات هلع غير منتظمة .. الحلول يا سيدي بسيطة و اهيف من الهيافة
اول حاجة ممكن تاخد زولام ربع مللي جرام و ده كويس و هتاخد حباية واحدة قبل النوم فقط يوميا . الشريط فيه 10 جرعات . ده مهدئ الي حد ما و هيديك احساس كويس بس تاخد الربع مللي مش النص .... و لو انت هتاخده يبقى شريط واحد فقط و تعمل حسابك على كده .. خلال الفترة اللي هتاخده فيها هترتاح جدا . انما بعد كده انت اللي لازم تخرج نفسك من الازمة النفسية .. و هي ببتلخص في احساس انك غير متزن و ضربات قلب سريعه و احيانا الضغط يبقى عالي شوية و عند بعض الناس يبقى واطي على حسب .. نصيحتي ليك الشخصية .. قرب من ربنا شوية و صلي و اقرا قراّن و مش هتحتاج لا ادوية ولا غيره

الحمد لله انا ملتزم بالصلاة وقراءة القران والاذكار يوميا ...بس عايز اعرف حاجتين هل زولام دا لازم يتصرف بروشتة?? وهل ينفع موتيفال بديلا ليه??? وهل السكر كدة 81 بعد ساعتين واطى ولا كويس لان قبل كدة كان بيبقى اعلى من كدة شوية ...وشكرا

المشاركة الأصلية كتبت بواسطة abdelrahmaaan

السلام عليكم... انا بقالى حوالى 4 شهور بيجيلى حالة عصبية وتوتر وخوف غير مبرر يعنى من حاجات تافهة كانت الاول مبخوفنيش او تعصبنى الاقينى خوفت لدرجة الهلع زى ماتش كورة صوت عالى فى فرح الصيام عمل تحليل دم...ياترى دا مرض نفسى ولا عضوى لانى ضغطى بيرتفع جدا فى حالة القلق دى وبيوصل ل 200 على 100 ياتر اكشف على ايه وممكن تكون الحالة الفجائية بسبب ايه مع العلم انى روحت لدكتور قلب عشان ارتفاع الضغط المفاجىىء قاللى عندك ارتخاء بسيط فى الصمام الميترالى ودا عادى وعند كل الناس ومخدتش اى علاج للموضوع دا وبرضو عملت تحليل سكر فى الصيدلية بعد ساعتين طلع 81 هل كدة واطى،... بصراحة انا حاسس انى بقيت ملخبط وكل يوم بحس انى بموت ودا فجأة من شهور قليلة...شكرا

الف سلامة على حضرتك
الضغط بيعلى كدة كام مرة في اليوم أو في الاسبوع، والموضوع ده مصاحب له عرق وسرعة في ضربات القلب ولا ﻷ؟
الضغط كام في الطبيعي؟

المشاركة الأصلية كتبت بواسطة د.هشام

الف سلامة على حضرتك
الضغط بيعلى كدة كام مرة في اليوم أو في الاسبوع، والموضوع ده مصاحب له عرق وسرعة في ضربات القلب ولا ﻷ؟
الضغط كام في الطبيعي؟

الف شكر لاهتمامك...اما القلق المصاحب لارتفاع الضغط مالوش مواعيد حسب حالتى النفسية يعنى ممكن يحصل كذا مرة فى اليوم وممكن يحصل مرة فى الشهر حسب النفسية وهو فعلا بيبقى فى سرعة ضربات قلب بس مفيش عرق وانا فى الطبيعى ضغطى فى الرينج من 110على 65 لحد 125 على 75 فى الراحة ولو نزلت و عملت مجهود ما بيزيدش عن 135 على 85 فى المجهود دا بو نفسيتى متزبطة والسكر ساعات بقيسه فى الصيدلية بيطلع بين 126 لحد 116 بس المرة دى طلع 81 مش عارف ليه???