يا ريت تفيدوني يا جماعة البريليانس كروس 2014 ام جيلي ايمجراند2014 أفضل من حيث
-1- التوكيل والصيانة وقطع الغيار
-2- الإمكانيات والعيوب
عرض للطباعة
يا ريت تفيدوني يا جماعة البريليانس كروس 2014 ام جيلي ايمجراند2014 أفضل من حيث
-1- التوكيل والصيانة وقطع الغيار
-2- الإمكانيات والعيوب
الامجراند تتفوق في كل حاجة عدا التقفيل ومشاكل التقفيل بحكم ان البرليانس مستوردة بس في المجمل الانتشار هوة دليل النجاح وشوف الشاراع مليان باية و انت تعرف مين افضل
باشا ... انا معايا العربيتيين و من الأخر
عايز تركب عربية شبابى قوى و دلع و برستيج "البريليانس"
عايز عربية عائلية موفرة و قطع غيارها هتبقى فى كل حتة و هاتبقى عاملة زى الفيرنا فالشارع تبقى "الإميجراند"
التوكيل:
البريليانس محترمين جدآ و عمليين جدآ و نضاف جدآ جدآ
غبور من وجهة نظرى و مقارنة بالبافارية ردئ للغاية
البريليانس تقفيلها ممتاز يشوبة حاجات ماحدش ياخد بالة منها
الإميجراند تقفيلها جيد
الإميجراند موتورها اقوى و موفر جدآ فالوقود "الحمد لله"
البريليانس موفرة اكتر فالوقود بس كتسارع و إعتمادية فالسفر لأوقات طويلة اكيد الإميجراند افضل
الأوبشنز:
الإميجراند تكسب
البريليانس مجهزة لإضافة اى كماليات
الثبات البريليانس افضل
الأمان الإتنين واحد تقريبآ
الراحة: صالون البريليانس افضل بكتييير لدرجة انى بفكر اجيب كراسى frv اركبها فالإميجراند
و شوف انت مايل لأنهى واحدة اكتر و إركبهم الإتنين و مبروك مقدمآ
صديقي العزيز انا معايا frv مانيوال 2009 وكمان شغال محاسب في غبور ف أعتقد انى هقدر أفيدك ولو قليلا
كل صيانات عربيتى في التوكيل ويوم الاحد 23 فبراير حاجز صيانه ال 40 الف في فرع ابو رواش بإذن الله
العربيه اقدر اقولك ان قطع غيارها مش غاليه بالمعنى اللى الناس بتصوره او اللى انت متخيله وخلينى اشرحلك ازاى
لو انت من الناس اللى شايفه الفيرنا انظف عشان بليه الميكانيكي هيصلح اى حاجه فيها ويأخد 20 جنيه او لو الفانوس اتكسر هشتريه ب 50 جنيه من اى محل يبقي قطع غيارها هتبقي غاليه
لكن لو انت من الناس اللى بتحافظ على العربيه زيي وهتعمل صيانات في التوكيل وتركب كل حاجه اصلي يبقي سعرها مش هيكون غالي اوى لا هيكون عادى بالنسبه لأسعار التوكيلات
هي اسعار قطع غيارها ومصنعياتها ارخص من صينى وكوري كتير وبحكم عملي في غبور هما حاجتهم ارخص من غبور بجميع موديلاته
في المجمل هي ارخص من اغلب الكوري ومتقاربه مع الصينى ترخص في حاجات وتغلي في حاجات ( ولو عايز تعرف في صيانه ال 40 الف انا عملت ايه ودفعت كام استنى وهبقي اقولك )
بالنسبه للتوكيل فهو جيد جدا يرتقي الى الممتاز وتقييمه عندى 8.5/10 وهحكيلك على موقفين حصلوا معايا شخصيا بنفسي عشان تديلك صوره عن الوضع
انا جيبت العربيه وقعدت اكتر من 3 سنين مغيرتش البطاريه ولا شحنتها ولا اى حاجه وماشي بالفابريكه المهم فجأه طبعا لقيت العربيه وقفت منى في وسط الطريق اول تصرف جالي اتصلت على نمره الانقاذ والطواري على الطريق بتاعتهم واحد رد عليا خد بيانات العربيه وخد وصفي للمشكله وحدد مكانى فين وقالي هنبعتلك حد شويه ولقيت حد بيتصل بيا طلع الفنى او المهندس اللى هيجي سألنى تانى عن اللى حصل وايه منور وايه مش منور وكده وقالي انا جايلك ووصفتله بالظبط وفعلا لقيته جيه بعربيه ماهيندرا ومعاه ادواته وطلع انى هريت البطاريه اكتر من 3 سنين لحد ما دخلت على الدينامو وغيرهولي وانا واقف وقبل ما يمشي عمل تشيك واتاكد انه تمام مفيش مشاكل تانى ودفعت وخدت فاتوره وسلام بس كنت خرجت من الضمان وفي النهايه هي غلطتى
تانى موقف من فتره قريبه وصلنا رساله على الموبايل انا وقريبي اللى معاه fsv ان في فرع جديد فتح في جسر السويس وبالمناسبه دى في اسبوع مجاني للكشف على الاعطال وتغيير زيت وفلاتر وروحنا مركز القطاميه وعملولنا كل حاجه وكشفوا .. الحلو بقا ان انا قولت للمهندسه انى لسه في ال 30 الف مغير زيت وفلاتر قالتلي طالما لسه مغيرهم خلاص بس وانا ماشي اتفاجأت انها بتدينى شنطه شيك فيها جركن الزيت وعليه الفلتر وقالتلي دول بتوع حضرتك كده كده كانوا هيركبوا بس طالما انت لسه مغير ف خليهم معاك للصيانه الجايه والله العظيم ده حصل والمهندسه اسمها ساره ,, واحب اقولك بحب خبرتى ان ده مبيحصلش في 90 % من توكيلات مصر ومش عايز اقول 100 % واولهم غبور هيقولك احسن وفرت
دول الموقفين ولك الحكم على التوكيل اللى بجد انا بفكر اجيب جريت وول بس لمجرد انها ضمان البافاريه من كتر الاحترام اللى شوفته وبما انى في غبور احب انصحك نصيحه اخويه متشريش حاجه من غبور ( تغور من وش غبور ) هو اه شاطر في التسويق لكن العربيات فيها مصايب ممكن اقولهالكم والخدمه والاسعار نار وده بحكم بقا انى محاسب
دى كانت إفادتى لحضرتك في استفسارك واى استفسار تانى اسأل وانا تحت أمرك
تحياتي : )
ميدو اشكرك جداً
فعلاً الايمجراند منتشرة بصورة كبيره وملحوظة عن البريليانس بكافة أنواعها
ولكني قرأت في العديد من المشاركات وفي عدة منتديات عن مشاكل للايمجراند (الكمبروسر والكاسيت ولمبة التشيك) ودول تقريباً اتحلت مشاكلهم ولكن مشكلة الباور ونقصان زيت الباور ومشكلة طلمبة البنزين لم يتم حلهم وكانت اخطرها بالنسبة لي هي مشكلة الصدأ التي أوقفتني عن الشراء بعدما كنت حددت الميعاد واللون وجهزت المبلغ المطلوب
ولذا بدأت ابحث عن بديل ومن وقتها وأنا في حيرة بين ايمجراند - بريليانس - انفي
برليانس وانفي لم اجد منهماي شكاوي ولكن غير منتشران بالمره
الايمجراند منتشرة مثل الفيرنا والانوس ولكن مشاكلها مؤلمه
مش عارف اعمل ايه دلوووووووووووني
</B>samakaerror
زي ما انت قولت فعلاً الايمجراند عربية منشرة وعاملة زي السرطان بتظهر بشكل سريع
وأوبشنز جامد وشكل جميل بس خايف من العيوب اللي الناس اشتكت منها
خصوصاً ان المشاكل دي ظاهرة من دلوقتي أمال لو العربية مستعملة سنتين وثلاثة إيه اللي حيحصل؟؟؟؟ وبعدين انا مش بشتري عربية كل يوم
فهل فعلاً المشاكل دي موجوده وبحجم كبير ولا في ناس عايزه تسوء سمعة العربية وخلاص ؟؟؟
</B>ahmed.ammar
ا/ احمد انا قرأت نفس الرد بتاع حضرتك ده في مشاركة تانية زي ما هو بالظبط بس حضرتك عرضت الموضوع من ناحية واحده وهي خاصة بالبافارية والبرليانس وفعلاً هو توكيل محترم بالرغم من شكاوي من بعض زملائي ولكنها كانت حالات فردية.
وعلى الجانب الأخر الناس اللي عندها مشاكل في الايمجراند كلها راحة التوكيل في ابو رواش وحلو المشاكل هناك ولو في قطع غيار كانت محتاجة التغيير تم تغييرها دون تكاليف لتبعيتها للضمان
وكل الناس شكرت جداً في المهندسين اللي هناك
ولكن قلة عدد مراكز الصيانة سببلي قلق
وايضاً اريد ان اعرف هل مشاكل الايمجراند مؤثرة على السيارة فيما بعد؟؟ وهل عمرها الافتراضي سيكون قصير؟؟؟
سيدّى ... المشاكل كلها تتحل و إلي حصل عندهم صدآ مابيردووش تانى فا يا إما المشكلة إتحلت او هوة شخص واحد و بيهّول و داير فى كل حتة يقول و يحكى ...و بصراحة العربية إلى الأن جيدة جدآ و بدون حيادية ال كروس افضل كخامة و منظر و تقفيل .. لكن الإميجراند افضل سوق و قطع غيار و اوبشنز و انتشاراقتباس:
المشاركة الأصلية كتبت بواسطة geley_cola
ممكن حضرتك تعرف معظم الحجات عن البرليانس افضل مني لانك كنت مالك ليها لاكن ازاي تقارن البرليانس بالجيلي في الامان .. واحدة خرجت من اختبار السلامة الاوروبية بفضيحة و واحدة واخدة 4 نجوم مفيش مقارنة اساسااقتباس:
المشاركة الأصلية كتبت بواسطة samakaerror
الشكر لله وحدة و للاسف رغم مشاكل الامجراند تظل هية الافضل في الفئة السعرية دي و المستقبل هيكون ليها خصوصا معا وقف انتاج الفيرنا السنة الجاية .. عموما صلي استخارة و الي فية الخير يقدمة ربنااقتباس:
المشاركة الأصلية كتبت بواسطة geley_cola
يا حاج ميدو ... العربية نزلت موديلات كتير و الحمد لله انا ركبت ال 2009 و ال 2011 و ال 2013اقتباس:
المشاركة الأصلية كتبت بواسطة m i d o
افضلهم كان ال 2011
انما ال 2009 الموتور مش تمام و الأمان صفر
من اول موديل 2010 العربية إتغيرت تمامآ و عملولها دعامات داخلية جديدة و نزّلها مصفحة تحت الموتور و الأبواب ركبوا فيها دعامات فولاذ و جابو موتور جديد حجمة اصغر و ركبوة في وسط الحوض بالظبط و تم زيادة الفتحات بالكبوت و تم تدعيم القوايم من الداخل و من الرفارف بتدعيمات فولاذية دة غير البار الأمامى إلي ورا الإكصدام إلي بقى 4 طبقات داخلية بدل طبقتين و مثبت بدعامات وراها كاوتش لإمتصاص اكبر للصدمات.
و دة كلة انا شفتوا بعينى فالورشة فالتوكيل لأنى بحب انزل انخور و اعرف اكتر فالعربية و اتكلمت كتير مع المهندسين و الفنيين.
دة غير ان ثبات ال frv افضل و دة بيديينى احساس امان اكتر...و معرفش لية ماعملوش إختبار جديد بعد الكلام الكتير إلي إتغير دة بس اظن إن فى قواعد للncap و مثلآ هما ماينفعش يدخلوا الإختبار تانى غير بعد فترة معينة .. او ممكن يكون إتعمل إختبار و إحنا كشعب مصرى بنحب نعيب فالبضاعة و نشتكى فقط فا محدش جاب سيرة الحاجة الحلوة ... و دمتم
بعد السلام عليكم .. احب اوضح لحضرتك ان الاجابه من داخل السؤال بمعنى ان حضرتك بتقول البرليانس والانفى لم أجد منهما شكاوى ولكن غير منتشران بالمره يبقى ده طبيعى لان بقدر انتشار العربيه بقدر تعدد الشكاوى مثلا شوف الفيرنا شكاااااااوى بالهبل وده من تعدد المستخدمين ولا ينفى كون العربيه جيده جدا انما عربيه مستخديميها قد لايتجاوز1000 سياره على مستوى مصر ( بقدر معلوماتى ) وطبعا مش كل المستخدمين بيدخلوا على النت فطبيعى ماتلاقيش مشاكلها منتشره اوى وانا شايف ان العبره فى احتياجك للسياره هل عائليه وصالون واسع ولا شيك وضيقه عادى وانا على فكره زيك محتااااار بين الاتنين علشان كده دخلت اتابع ... وشكرا:shyy:اقتباس:
المشاركة الأصلية كتبت بواسطة geley_cola
FSV Crash Test New
Brilliance FSV краш-тест - YouTube
دة التعديل إلي كان فال 2009 و اتعدل اكتر فالفيديو إلي فوق
Crash test Brilliance chineese car - YouTube
و دول الإختبارات بتاعت 2007 برضوا للجالينا و السبليندور و اكيد السبليندور افضل
Vehicule Crash Test Chinese Cars _Brillance BS4_-Extreme - YouTube
Crash Test Brilliance - YouTube
و هاقول تانى ان الكلام دة كلوا 2007 قديم الجديد تم تعزيزة و الأمان اعلى و دمتم
بريليانس افضل
بلا جدال
الكورس شبابي اكتر
الله المستعان انا صليت استخارة وحصلي تاني لاني لسه مستقرتش على حاجهاقتباس:
المشاركة الأصلية كتبت بواسطة m i d o
تمام يا باشااقتباس:
المشاركة الأصلية كتبت بواسطة samakaerror
أنا كنت مقتنع بالايمجراند قووووووووووووي وكنت رايح ادفع فلوسها خلاص بالرغم من الشكاوى اللي كنت بسمعها بس لما وصلت لحكاية الصدأ دي لقتني فرملت فجأة وعمال ادور في بدايل أو غبور افندي يعلن انه عمل عزل للعربية خصوصاً ان المشكلة مطلعتش في الأبواب بساقتباس:
المشاركة الأصلية كتبت بواسطة emad500
الكروس احسن
في رايي
لا مقارنه بين الرائعه بريليانس و ذات الكراسي المتحجره ايمجراند
كذلك فرق كبير في المستوي داخل مقصوره بريليانس فهي أعلي من ايمجراند بكثير .
السلام عليكم ,,,ما شاء الله عليكم فى الردود وفى امانة تامة فى اضافة المعلومة ,,,ده اللى انا حاسّه ,,وعليه قررت اشارك معاكم ,,,انا فى مرحلة الأختيار ودعواتكم ان ربنا يكرمنى بالاختيار الجيد ,,,الكلام اللى قريته طيب ومقنع جداً سواء اللى بيشّكر فى الامجراند7 او اللى بيشكّر فى البريليانس ,,,بس انا بطبيعة خبرتى الحياتية كمهندس ميكانيكا وليس كخبرة فى ميكانيكا السيارات عشان بس نبقى واضحين ,,خبرة فى مجالات تانى ,,المهم ,,توصلت ان البريليانس ال v مثلاً حكاية جامدة وتستاهل ثمنها من مواصفاتها ,,والكروس مواصفاتها حلوة جداً بالنسبة الى سعرها ,,وللأسف مش موجودة فى السوق حالياً وفى حجز واحتمال على منتصف ابريل القادم ان شاء الله توصل ,,اللى موجود حالياً من البريليانس ال FSV,,سؤالى لكم يا اصحاب الخبرة ,,فى مواصفاتها ال FSV انها تبعد عن الارض فى اوطى نقطة 120 مم يعنى 12 سم !!!!! الكروس من البريليانس ( اللى مش موجودة حالياً ) تبعد عن الارض 138 مم اى 13.8 سم ,,يعنى اعلى ( هبابة ) اسف للمصطلحات الهندسية دى ,,هههههه,,,والامجراند شفتها امس وزُهلت من امكانياتها اللى صاحب المعرض نفسه مايعرفش ان فيها الامكانيات دى,,,وصاحب المعرض ده نزّل من العربية دى عندنا هنا فى نجع حمادى - قنا ,,حوالى 48 عربية ,,هو مقتنع بها جداً ,,طيب اللى ساكنين فى القاهرة الكبرى عندهم اماكن كتير ( توكيلات ) اذا ظهر اى حاجة فى العربية طالما فى الضمان ,,طيب واحنا هنا نعمل ايه ؟؟؟فى توكيلات حوالينا اكيد ,,بس بتاع كله ,,,فالموضوع اللى انتوا بتقولوا عليه من ظهور عيوب فى الامجراند وان كنت متوقع مثل هذه العيوب ,,فتعتبر عيوب جامدة ,,لمّا اسمع ان زيت الباور بيقل وصدأ وطلمبة بنزين ,,فى خلال سنة من نزول الموديل ,,يبقى حاجة تخوف,,,والناس فى الحقيقة السعر واسم غبور همّا اللى خلّوا الناس ريقها يجرى ,,اخيراً ,,عايز اعرف رأيكم فى ال FSV ,,من ناحية ارتفاعها القليل عن سطح الارض ,,واحنا هنا المطبّات ,,مش حقولكم عاملة ازاى ,,,فى انتظار ردكم الكريم .:S_thum1[1]:
ال H530 واخده 5 نجوم في أحدث إختباراقتباس:
المشاركة الأصلية كتبت بواسطة M I D O
http://v.bitauto.com/vplay/112610.html