مؤشر البنزين شويه يشتغل وشويه يفصل ومؤشر الحراره نفس الفكره وعداد الكيلومترات نوره ضعيف جدا وشويه يشتغل وشويه يضلم ولما بشغل النور الصغير بيضلم خالص وماقدرش اقراه يبقي المشكله فين وياتري حلها سهل العربيه فيكترا 97 شكرا لكل اعضاء الجروب
عرض للطباعة
مؤشر البنزين شويه يشتغل وشويه يفصل ومؤشر الحراره نفس الفكره وعداد الكيلومترات نوره ضعيف جدا وشويه يشتغل وشويه يضلم ولما بشغل النور الصغير بيضلم خالص وماقدرش اقراه يبقي المشكله فين وياتري حلها سهل العربيه فيكترا 97 شكرا لكل اعضاء الجروب
لازم تغير الفيوزات وتغير لمبات الاضاءة لان نفس الحكاية دي حصلت معايا الفيوز عامل 2 جنيه واللمبة الاوسرام الماني اصلي ب 10 جنيه
انا لاحظت اني لما بضغط علي زجاج التابلوه العدادات تشتغل والانوار تبقي كويسه وبعد شويه يفصلوا تاني واي فيوزات حضرتك تقصد لاني مغير كل الفيوزات اللي تحت الدركسيون
متابع
اكد على رباط العدادات " هما مسمارين يمين و شمال لان المشكله عندك تقريبا ان العدادات سليبة لان العدادات عندنا مش على فيشة بكلبس لكن العدادات نفسها هى اللى بتبات "عاى الpins بتاعت الضفيرة
انت فكيت العدادات قريب
اصل العيب ده لو مش ضفيرة تابلوه
هيبقى التابلوه مش راكب كويس
لأ انا مافكيتش التابلوه من ساعه ماجبت العربيه وكانت المشكله دي بتحصل علي فترات بعيده لكن حاليا الموضوع بيتكرر كتير
لو ليك فى الفك و التركيب موضوعها مش صعب لو مش عاوز توجع دماغك يبقى روح لكهربائى
انا حصل معايا الموضوع ده قبل كده كنت فكيت العدادات و بعد مركبت العدادات ابتدات تهيس و لمبة الكيلومتر مش شغاله قولت يبقى اتحرقت و موشر البنزين ابتدى يلعب و حاجات غريبة كدة
فكيت العدادات تانى لقيتها بتتهز حاجة لاتذكر و انا مكنتش مبيت اللمبه حلو ظبطت الدنيا و ركبت كله رجع زى الفل
شكرا علي رد حضرتك هشوف هعرف افكه ولا لا
متابع
بص يا معلم سمى الله
العدة المطلوبة :
1. مفك عادة
2. مفك صليبة
1.عندك 3 مسامير صليبة فى فبره الطارة من تحت و 2 تحت الطارة نفسها هتحلهم تمام و تطلع الفبريتين
2. الهوايتين اللى فى النص و بتاعت السواق بايتين كبس هنطلعهم بالمفك العادة بس بحرص علشان منكسرهمش "من الجنب فى كل واحدة و نسايسها بالراحة لحد ماتطلع
3.تحت الهوايتين اللى فى النص فى مسمارين صليبة و الهواية بتاعت السواق فى مسمار واحد حلهم
4. امشى مع اخر الفبرة اللى فيها الهوايات هتلاقى فى مسمار صليبة تحت العداد من ناحية الكونتكت و مسمار الناحية التانية حلهم وشيل الجزء ده خالص
5. كدة بقت العدادات قدامك و الدنيا فضيت :) هتلاقى العدادات ماسكة بمسمارين من اليمين و الشمال حلهم و خلى بالك و انت بتطلع المسامير علشان متقعش
6. العدادات ارفعها و اسحبها على يمنيك بشويش هتلاقى فى فيشة صفرا بمسوجر اسود ارفع المسوجر بشويش من النحيتين هتلاقى الفيشة طلعت معاك زى الفل
7. طلع العدادات يا معلم و اقفل عربيتك و دور على ترابيزة او مكتب نضيف و حط العدادات اعمل كوباية الشاى المتينة و اقعد
8. اقلب العدادات هتلاقى مش فاكر كانوا مسمارين او اربعة صليبة ماسكين الهاوسينج بتاع الشاشة حلهم و شيل الكففر الخلفى
9. بالمفك العادة و هتلاقى من تحت اربع حتت بلاستيك بيض زقهم بالمفك العادة واحدة واحدة و انت بترفع هتطلع معاك
10. الجزء بتاع تنظيف كبلات الداتا موجود فى صيانات الفيكترا فى ورشة اوبل
http://www.nilemotors.net/Nile/14544-a.html (طريقة اصلاح شاشة المعلومات في الفكترا)
11 . اعكس كل اللى فات
12. ملحوظة " وانت بتركب العدادات تانى شيل فيوز f22 علشان ضرب و انا بركب
http://www.nilemotors.net/Nile/199738-a.html (فيوزات الفيكترا بي ,ارقامها ودلالتها..)
هى دى طريقة فك شاشة البيانات اعتقد انت هتحتاج لغلية رقم 5 و اكد على العدادات مريحة ولا لا و المسماريين مربوطين ولا سايبين و لو حسيت ان العدادات مش مريحة مكنهم فكهم و بيتهم صح
لو تعرف تعدى عليا
ابصلك عليها
من عينى