تجربه سيراتو ٢٠١٤ جنط ١٧ و جنط ١٦

**esam_ayad** · 23-02-2014 10:02 PM

المشاركة الأصلية كتبت بواسطة devil_storm

انا عايز اقولكم التجربه تمت اذاي ... بدات بالسيراتو جنط ١٧ سوقتها لمسافه حوالي ٥ كم و عديت علي المطبات و انا مركز جدا في احساس المطبات بعدها نزلت من الجنط ١٧ ركبت اللي بجنط ١٦ و مشيت في نفس الشوارع و عديت علي نفس المطبات و بنفس السرعه و انا مركز جدا في احساس المطبات ... انا كنت فاكر ححس بفرق بقي و العربيه حتبقي ملبن بالجنط ١٦ لكن النتيجه اني من الصعب جدا اني احدد الجنط اللي انا سايقه ١٧ ولا ١٦ و العربيتن تقريبا احساسهم واحد في نفس المطبات

انا بقول التجربه علشان محدش يفكر انه ينعم العفشه زياده عن طريق تغير الجنط من ١٧ الي ١٦ لانه حيرمي فلوسه في الارض و حيبوظ شكل العربيه علي الفاضي

انت فكرتني ياباشا بأيام ماكنت لسه بفكر أشتريها وكنت بقول للمندوب هو ينفع أبدل الجنوط الـ17 بجنوط 16 علشان العفشه تبقي ناعمه وهو يضحك ويقولي مافيش فرق ياباشا وثانيا هو في حد يسيب الجنط السبور وياخد جنط عادي
ولما جربت العربيه حجزتها علي طووووووووووووووووول أول مانزلت من التست درايف

**devil_storm** · 23-02-2014 10:45 PM

المشاركة الأصلية كتبت بواسطة esam_ayad

انت فكرتني ياباشا بأيام ماكنت لسه بفكر أشتريها وكنت بقول للمندوب هو ينفع أبدل الجنوط الـ17 بجنوط 16 علشان العفشه تبقي ناعمه وهو يضحك ويقولي مافيش فرق ياباشا وثانيا هو في حد يسيب الجنط السبور وياخد جنط عادي
ولما جربت العربيه حجزتها علي طووووووووووووووووول أول مانزلت من التست درايف

الغريبه بقي ان السيراتو بالجنط ١٧ لما تحطها علي كمفورت مود تديك احساس انها انعم من سيراتو جنط ١٦ نتيجه لنعومه الباور جدا علي الكمفورت مود ... يعني انا نزلت بعد كده ركبت الالنترا الفولي لودد اللي معايا بالجنط ١٦ حسيت ان السيراتو انعم لكن لما ركزت لقيت ان العفشه واحد و السيراتو مش انعم لكن الباور بس هو اللي انعم في السيراتو علي الكمفورت ... لاول مره في حياتي احس ان باور الالنترا تقيل هاهاها

**abokoko** · 23-02-2014 10:59 PM

بعيد عن مضمون الموضوع

العربيه جميله جدا وشكلها ملفت وحاجه تانيه خالص عن الشكل السابق ( من ناحيه الشكل )

ربنا يبارك فيها لكل ملاكها

**devil_storm** · 23-02-2014 11:00 PM

المشاركة الأصلية كتبت بواسطة amgomaa

مشكور علي نقل التجربة وبالفعل السيراتو الجديده مختلفة تماما عن سابقتها للافضل بس هل العربيه بدأت تنتشر لانى ابتديت اشوفها كتير عن الاول السؤال طبعا عن القاهرة لانى غير مقيم بها الان

sent from my gt-s5282 using forum runner

هي العربيه حاليا نازله بقلها سنه و انتشرت شويه فعلا في القاهره بس طبعا مش بنفس معدل انتشار الالنترا او سيراتو الشكل القديم في اول سنه ...

**hossam_elwani** · 23-02-2014 11:49 PM

المشاركة الأصلية كتبت بواسطة esam_ayad

انت فكرتني ياباشا بأيام ماكنت لسه بفكر أشتريها وكنت بقول للمندوب هو ينفع أبدل الجنوط الـ17 بجنوط 16 علشان العفشه تبقي ناعمه وهو يضحك ويقولي مافيش فرق ياباشا وثانيا هو في حد يسيب الجنط السبور وياخد جنط عادي
ولما جربت العربيه حجزتها علي طووووووووووووووووول أول مانزلت من التست درايف

بجد انت حاسس بفرق بينها وبين الالنترا على ارض الواقع فى السواقه وبنسبة كام فى الميه ؟؟

**spidars** · 24-02-2014 12:12 AM

المشاركة الأصلية كتبت بواسطة hossam_elwani

بجد انت حاسس بفرق بينها وبين الالنترا على ارض الواقع فى السواقه وبنسبة كام فى الميه ؟؟

اسمحلس ارد اولا انا جربت الالنترا وجبت السيراتو القديمه شهر وبعتها لانها معجبتنيش والاثنين اعلي فئه وحاليا معايا السيراتو شكل جديد الفئه الي قبل الاخيره من حوالي ثلاثه شهور اقدر اقلك ان لما تحب تقارن قارن بين السيراتو القديمه والالنترا لانهم زي بعض مع اختلاف البور لاكن السيراتو الجديده اختلاف 360 درجه تقدر تقارنها باي حاجه في فئه اعلي مع اليباني مش في فئه الكوري خالص عربيه بمعني الكلمه يوميا 180 ولا الهوا وطرق زي الزفت مع نظام السبورت مود باخد خرز اوسخ من الي كنت باخدها بالانسر السوبر اكشن وحاسس بثبات اكتر وعمرها مخزلتني ابدا والجنط مفهوش اي مشاكل هو 17 حاسس ان العربيه مفهاش جنوط هو المشكله ان الواحد لازم يخلي باله من الحفر والبلاعات غير كده مفهوش اي مشاكل

**devil_storm** · 24-02-2014 07:36 AM

المشاركة الأصلية كتبت بواسطة hossam_elwani

بجد انت حاسس بفرق بينها وبين الالنترا على ارض الواقع فى السواقه وبنسبة كام فى الميه ؟؟

بص يا حسام انا عن نفسي مش شايف اي فرق بين الالنترا الجديده و السيراتو الجديده غير في الباور ذي ما قلت و الاوبشن و التقفيل والكلام ده من اول فئه sx فقط ... باور السيراتو احلي بكتير علي السرعات الواطيا و العاليا و لما مشيت بيها علي ١٤٠ حطيته علس سبورت مود و كانت التاره تقيله جدا و ممكن اسيبها خالص و انا مطمن في فئه sx فقط... الالنترا بقي الباور بتعها يخوف شويه بعد ١٤٠ و يخليك تفضل ماسك التاره ... بص احياسي في السيراتو كان احلي

كمان الاوبشن و فرق التقفيل افضل لصالح السيراتو بس في فئه sx او هاي لاين فقط

خلاف كده العربيتين واحد ... نفس العفشه و نفس احساس المطبات و نفس الماتور و نفس التسارع و نفس الشاسيه و نفس وسع الصالون

خد مني الخلاصه ... لو حتجيب سيراتو اي فئه لحد ex full option مش حتلاقي اي فرق عن الالنترا حتي نفس الباور و نفس الخامات و الفرق شكل فقط فختار الشكل اللي يعجبك و مفيش اي فرق بينهم نهائي ... اما لو حتجيب سيراتو sx او هاي لاين حيكون الفرق بينهم في الباور و خامات الصالون و الاوبشن و التقفيل لصالح السيراتو

في كلمتين سيراتو لحد ex full option يعني النترا ... سيراتو sx او هاي لاين يعني متعه سواقه و رفاهيا بزياده

**devil_storm** · 24-02-2014 07:51 AM

المشاركة الأصلية كتبت بواسطة spidars

اسمحلس ارد اولا انا جربت الالنترا وجبت السيراتو القديمه شهر وبعتها لانها معجبتنيش والاثنين اعلي فئه وحاليا معايا السيراتو شكل جديد الفئه الي قبل الاخيره من حوالي ثلاثه شهور اقدر اقلك ان لما تحب تقارن قارن بين السيراتو القديمه والالنترا لانهم زي بعض مع اختلاف البور لاكن السيراتو الجديده اختلاف 360 درجه تقدر تقارنها باي حاجه في فئه اعلي مع اليباني مش في فئه الكوري خالص عربيه بمعني الكلمه يوميا 180 ولا الهوا وطرق زي الزفت مع نظام السبورت مود باخد خرز اوسخ من الي كنت باخدها بالانسر السوبر اكشن وحاسس بثبات اكتر وعمرها مخزلتني ابدا والجنط مفهوش اي مشاكل هو 17 حاسس ان العربيه مفهاش جنوط هو المشكله ان الواحد لازم يخلي باله من الحفر والبلاعات غير كده مفهوش اي مشاكل

معلش اسمحلي انا كمان اختلف مع حضرتك الالنترا الجديده مفيش اي تشابه بينها و بين السيراتو القديمه في اي حاجه ...
الشاسيه مختلف و اكبر في الالنترا
الماتور مختلف و احدث في الالنترا
العفشه مختلفه و انعم في الالنترا
وسع الصالون مختلف و اوسع في الانترا
الباور مختلف زيت في السيراتو و كهربا في الالنترا
حتي احساس القياده بينهم مختلف تماما

اما السيراتو الجديده فهي الالنترا تيبكال في كل الكلام اللي فوق ...

من الاخر العربيتين واحد لحد فئه ex full option ... السيراتو تتفوق من اول فئه sx فقط و بصراحه تتفوق علي اليباني فعلا احساسها مختلف تمام في الرفاهيا و الخامات العاليه و العزل و الباور و الشكل الجامد بالليدات ورا و قداما و تحس انك راكب عربيه محترمه جدا

**MB1986** · 24-02-2014 04:50 PM

عايز اعرف احساس عفشة السيراتو sx بالجنط ال 17 زى الالنترا بالجنط ال 16 زى ما قلتوا و لا لأ لانى جربت الالنترا كتيير جدا

انا معايا السيراتو ال 2010 بجنط 16 و الالنترا الجديدة انعم منها شويه فعلا

شكرا

**esam_ayad** · 24-02-2014 09:59 PM

المشاركة الأصلية كتبت بواسطة mb1986

عايز اعرف احساس عفشة السيراتو sx بالجنط ال 17 زى الالنترا بالجنط ال 16 زى ما قلتوا و لا لأ لانى جربت الالنترا كتيير جدا

انا معايا السيراتو ال 2010 بجنط 16 و الالنترا الجديدة انعم منها شويه فعلا

شكرا

ياباشا لو حضرتك قريت تعليقاتي كنت هاتلاقي اني كاتب ان واحد زميلي معاه النترا 2012 الشكل الجديد وفيها جنوط حديد اللي هي طاسات مقاس 15 وكان مستغرب ان العفشه ناعمه زي عنده بالظبط ومافيش فرق وأنا الجنط بتاعي 17

الموضوع: تجربه سيراتو ٢٠١٤ جنط ١٧ و جنط ١٦

LinkBack

أدوات الموضوع

عرض

-

-

-

-

-

-

-

المواضيع المتشابهه

كيا سيراتو ٢٠١٤ هاتشباك

سيراتو ٢٠١٤ وكيل ام خليجى

النترا ٢٠١٤ و لا سيراتو ٢٠١٤

النترا ٢٠١٤ و لا سيراتو ٢٠١٤

اسعار بعض قطع غيار سيراتو ٢٠١٤ من الوكيل

الكلمات الدلالية لهذا الموضوع

المفضلات

المفضلات

ضوابط المشاركة