عن السيريون

**mnegypt** · 11-07-2007 05:54 PM

السلام عليكم
أن معجب جدا بالدايهتسو سيريون
بس في نقطتين قالقيني
1- أرتفاع السيارة عن الأرض و المطبات في مصر (خصوصا لو السيارة فيها 4 أو 5 أفراد)
2-سعر أعادة البيع

أنا بقارن بينها و بين اللنسر الخليجي 1.3 مانيول و الماتريكس

أرجو الأفادة

**معاذ الشرباصى** · 11-07-2007 06:10 PM

ربنا يوفق حضرتك فى اختيارك

اما بالنسبة للنقطتين اللى حضرتك ذكرتهم

1- الارتفاع بتاع العربية مثل باقى العربيات تقريبا, مش زى ما حضرتك متخيل

2- سعر اعادة البيع بالنسبة للموديل ده معرفش, بس الموديلات السابقة كانت ماسكة نفسها فى السعر, و ده متوقع للموديل ده

ابو عبدالله يفيدك اكتر فى النقطة اعادة البيع

**أبو عبدالله** · 11-07-2007 09:38 PM

شكرا لك يا معاذ

وعالعموم هيا عامله في الأرتفاع زي الكورولا كده يعني والله انا من كام اسبوع كنت محملها لعينها وكانت المساعديم مفهمشي نفس خالص يعني على الأخر والحمد لله مكنش اي مطب يجبني يعني العربيه اعلى من العادي يعني لو بقارنها بينها وبين النوبيرا فهيا اعلى بكتير

اما اعادة البيع فأنا لا اعرف لأن مشفتش حد بيبيع
ولكن هيا مش هتبقى زي اللانسر في اعادة البيع وعموما الهاتشباك في مصر مش زي السيدان حيث ان الناس هنا لها نظرة تانيه بشأن ان العربيه لها طول وعرض حتى لو امكانياتها ايه ولكن هيا في الآخر هتفرق كام الف لو مش هتفرق معاك يبقى توكل على الله وعلى ضمنتي ولو هتفرق يبقى خليك في اللانسر طبعا أحسن

وربنا يوفقك وعرفنا انت عملت ايه

**mnegypt** · 12-07-2007 11:09 AM

شكرا علي الرد
بس لو قارنا بين السيريون و اللنسر 1.3 خليجي مين فيهم هيكون أحسن؟

**معاذ الشرباصى** · 12-07-2007 08:30 PM

لو انت متقبل فكرة الهاتشباك يبقى اكيد السيريون احسن

كفاية الضمان, ده اقل حاجة تخليك تفكر فيها

لانسر خليجى بتبقى من غير ضمان, او ضمان قليل . اما السريون, فالضمان 100 الف او 3 سنين

الوسع واحد, الكماليات فى السريون كتير

توكل على الله, و مش هتندم

**h_hezzah** · 12-07-2007 08:53 PM

ضيف للكلام ده ان اللانسر 1300 الاوتوماتيك ممله ممله ممله!
انا جربت السيريون بتاعة ابوعبدالله. بصراحة ممتعة فى السواقة ومن افضل العربيات الاوتوماتيك اللى سوقتها فى الفئة دى. هى عيبها الوحيد صغر الشنطة لو بتحتاج شنطة كبيرة. بس ده حال الهاتشباك كله واللى مش محتاج شنطة كبيرة بيفضل الهاتشباك لقصرها فبتكون اسهل فى المناورات وايجاد اماكن ركن ....الخ.

وبعدين اللى بيشترى عربية جديدة لو من الاول بيفكر فى اعادة البيع ومركز عليها يبقى مش هايشترى غير لانسر او كورولا.
بس هى مش هاتفرق كتير وخاصة لو ناوى تقعد بالعربية كام سنة

**Ahmed Hassan** · 12-07-2007 09:02 PM

المشاركة الأصلية كتبت بواسطة h_hezzah

ضيف للكلام ده ان اللانسر 1300 الاوتوماتيك ممله ممله ممله!

بلاش موضوع ان الـ 1300 سحبه ممل ده لحسن حد يقولك ان اللي انته بتقوله ده "فتاوي القهاوي"زي ما حصلي :lol:

**h_hezzah** · 12-07-2007 11:31 PM

المشاركة الأصلية كتبت بواسطة Ahmed Hassan

بلاش موضوع ان الـ 1300 سحبه ممل ده لحسن حد يقولك ان اللي انته بتقوله ده "فتاوي القهاوي"زي ما حصلي :lol:

انا ما جمعتش

وحددت اللانسر خاصة.
ودى بالذات كل الناس اجمعت انها فى الاوتوماتيك مملة جدا واللى بيدافع عنها رأيه: لو انت مش مستعجل وسواقتك هادية مش هاتفرق معاك :roll:

**Ahmed Hassan** · 13-07-2007 04:24 AM

المشكله اني كنت بتكلم على لانسر بردو :shock:

**Nile Heart** · 13-07-2007 08:58 AM

المشاركة الأصلية كتبت بواسطة Ahmed Hassan

المشكله اني كنت بتكلم على لانسر بردو :shock:

لآ معلش كنت بتتكلم عن الكورولا!

وقلت بالحرف "الكورولا ال 1300 سحبها ضعيف عليها" !!

يعنى ياريتك قلت سحبها ضعيف بالمقارنه بكذا أو كذا !! لآ حددت انه ضعيف عليها

الصراحه انا نفسى اشوف سحب عربيتك شكله ايه ولما تيجى تبيعها هاتجبلك كام فى الميه من تمنها ألأصلى

ياعم الحاج ده موتور الباسات ال 1600 بيطلع 10 حصان بس اعلى من الكورولا على كل حجمها ده! وادى بعض الأمثله التانيه

جيتا: 1600 و 102 حصان (نفس موتور الباسات)
فولفو S40 برضه 1600 و 101 حصان
فيكترا 1600 و 106 حصان
اوكتافيا 1600 و 110 حصان

وكل دول اوزانهم ييجى مرتين الكورولا ال 1300 اللى موتورها بيطلع 92 حصان

اما اذا كنت مقتنع ان الالنترا (الهيونداى) دى فعلآ 121 حصان , يبقى الف مبروك عليك وأحلام سعيده مع غبور اللى بيبيع شركته اليومين دول :)

الموضوع: عن السيريون

LinkBack

أدوات الموضوع

عرض

-

-

-

-

-

المواضيع المتشابهه

صوت غريب فى السيريون :(

صوت تزييق في السيريون

يا ملاك السيريون و خبراء السيريون

تكييف السيريون

السيريون شبه ال Gen 2

الكلمات الدلالية لهذا الموضوع

المفضلات

المفضلات

ضوابط المشاركة