تغيير نص او ربع لصاج العربية

**ViLMoS** · 23-02-2014 08:58 AM

السلام عليكم ورحمة الله وبركاته
ممكن حد يفيدني في السؤال ده
لو غيرت نص امامي للعربية ايه هيكون التاثير
ولو غيرت ربع امامي هيكون تاثيره ايه برضه

**SYD** · 24-02-2014 07:15 AM

انت عايز تقص وتلحم ؟
ولا ايه قصدك؟

**ViLMoS** · 24-02-2014 01:13 PM

المشاركة الأصلية كتبت بواسطة syd

انت عايز تقص وتلحم ؟
ولا ايه قصدك؟

ايوة بالظبط كدة
هيبقي ايه اثره

**SYD** · 25-02-2014 12:21 PM

يعني انت عربيتك مش معيوبة وانت عايز تعيبها ؟؟
لا طبعا - مانصحكش تعمل كدة - واللي بيعمل كدة بيبقي مضطر مش بمزاجه - يعني لاقدر الله بيبقي عمل حادثة
عايز تفضي نص في عربيتك مفيش مشاكل زي كريم لما عمل في عربيته - لكن تقص وتلحم دة مش تعديل بالعكس دة بيعيب العربية وله تأثير علي السلامة وكفاءة العربية

تحياتي

**Ahmed_Gallant** · 26-02-2014 11:20 PM

المشاركة الأصلية كتبت بواسطة vilmos

مشكور علي الرد
انا بسال بس علشان انا قدامي عربية 98 كاملة وصاحبها قاللي ان مغيرلها ربع امامي بس بعيد عن القوايم والشاسيه ( انا مش فاهم ازاي ) بس فانا كنت عاوز افهم بس يعني ايه عشان انا مليش خبرة بالعربيات اوي كل اللي انا عارفه ان ده عيب ( طبعا انا رفضت العربية اول ما قاللي كده علي التليفون ماشوفتهاش هتي )

السلام عليكم
المقصود بتغيير الربع اللى قدام انه اشترى قطعيه اللى هى وش العربيه ونقله فى عربيته يعنى نقل الكبوت والرفرفين ودول على مسامير ومفصلات ونقل الستاره اللى قدام كلها يعنى الشبكه بالكشافات بالفوانيس بالاكصدام وده طبعا لا يعيب العربيه بالعكس بيرفع من تمنها لان الصاج اللى جى من بره بيبقى عمره ما اترش ولو نفس لون العربيه هيبقى فبريكه ولو لون مختلف هيبقى مرشوش بدون معجون يعنى برضه ممتاز واكتر حاجه بيفرقها الربع انه بيعدل وش العربيه للشكل الاصلى وبيشدها شدها حلوه وعلى فكره زى ما المهندس محمد سيد قال اللى بيقطع ويلحم هو المضطر وده اللى عربيته اتعجنت من قدام ومها حاول يزرجنها مش هتظبط معاه فالاقل ضررا انه يلحم وده بيظبط الشكل بس بيبقى معرض لدخول الصدا تحت مكان اللحام او لا قدر الله تقطم منه على سرعه بعد رزعه من مطب
ولو حسبنا حسبه بسيطه نلاقى ان تمن العربيه كلها كمثال وليس السعر الواقعى مثلا 15 الف تلاقى النص اللى قدام بالموتور بيبقى ب9 او 10 الالف مع انه متشال منه الصالون والاربع ابواب والشنطه والسقف ونلاقى الربع اللى قدام ممكن 4 الاف فدائما الربع الامامى اغلى حاجه تشتريها على بعض واللى بيشترى ربع بيبقى عارف انه بيضحى مقابل انه بيشد العربيه من قدام شده محترمه
نصيحه اتفرج على العربيه وشوف من تحت الكرتريرات فى قطوع او لحامات وشوف الصوابع اللى على فخده المساعد من جوه سليمه ولا مخبوطه او معوجه يبقى تتوكل على الله وتتفرج على باقى العربيه عجبتك شيل وربنا يباركلك ولو فى اى استفسار انا فى الخدمه :)

**ViLMoS** · 27-02-2014 09:29 AM

المشاركة الأصلية كتبت بواسطة ahmed_gallant

السلام عليكم
المقصود بتغيير الربع اللى قدام انه اشترى قطعيه اللى هى وش العربيه ونقله فى عربيته يعنى نقل الكبوت والرفرفين ودول على مسامير ومفصلات ونقل الستاره اللى قدام كلها يعنى الشبكه بالكشافات بالفوانيس بالاكصدام وده طبعا لا يعيب العربيه بالعكس بيرفع من تمنها لان الصاج اللى جى من بره بيبقى عمره ما اترش ولو نفس لون العربيه هيبقى فبريكه ولو لون مختلف هيبقى مرشوش بدون معجون يعنى برضه ممتاز واكتر حاجه بيفرقها الربع انه بيعدل وش العربيه للشكل الاصلى وبيشدها شدها حلوه وعلى فكره زى ما المهندس محمد سيد قال اللى بيقطع ويلحم هو المضطر وده اللى عربيته اتعجنت من قدام ومها حاول يزرجنها مش هتظبط معاه فالاقل ضررا انه يلحم وده بيظبط الشكل بس بيبقى معرض لدخول الصدا تحت مكان اللحام او لا قدر الله تقطم منه على سرعه بعد رزعه من مطب
ولو حسبنا حسبه بسيطه نلاقى ان تمن العربيه كلها كمثال وليس السعر الواقعى مثلا 15 الف تلاقى النص اللى قدام بالموتور بيبقى ب9 او 10 الالف مع انه متشال منه الصالون والاربع ابواب والشنطه والسقف ونلاقى الربع اللى قدام ممكن 4 الاف فدائما الربع الامامى اغلى حاجه تشتريها على بعض واللى بيشترى ربع بيبقى عارف انه بيضحى مقابل انه بيشد العربيه من قدام شده محترمه
نصيحه اتفرج على العربيه وشوف من تحت الكرتريرات فى قطوع او لحامات وشوف الصوابع اللى على فخده المساعد من جوه سليمه ولا مخبوطه او معوجه يبقى تتوكل على الله وتتفرج على باقى العربيه عجبتك شيل وربنا يباركلك ولو فى اى استفسار انا فى الخدمه :)

مشكور علي الرد
انت قصدك لو لقيت لحامات ما اخدهاش
علي العموم انا هتفرج علي العربية وربنا يسهل

**يوسف الطويل** · 08-11-2017 07:38 PM

المشاركة الأصلية كتبت بواسطة ViLMoS

مشكور علي الرد
انت قصدك لو لقيت لحامات ما اخدهاش
علي العموم انا هتفرج علي العربية وربنا يسهل

ماذا افعل دخلت المرور افحص قلي احرق منطقه الترقيم حرقت وبعدها قلي احرق قبل البطاحتين ولقوا لحام بيدل علي تركيب تلت للسياره امامي قبل الرقم ما هو الاجراء المتبع مع العلم ان رقم الشاسيه مظبوط وان التركيب من قبل الرقم ماهو المتبع في الحاله دي عشان هتعرض لجنه بهيا بكره في ادارتها

**يوسف الطويل** · 08-11-2017 07:39 PM

المشاركة الأصلية كتبت بواسطة SYD

انت عايز تقص وتلحم ؟
ولا ايه قصدك؟

ماذا افعل دخلت المرور افحص قلي احرق منطقه الترقيم حرقت وبعدها قلي احرق قبل البطاحتين ولقوا لحام بيدل علي تركيب تلت للسياره امامي قبل الرقم ما هو الاجراء المتبع مع العلم ان رقم الشاسيه مظبوط وان التركيب من قبل الرقم ماهو المتبع في الحاله دي عشان هتعرض لجنه بهيا بكره في ادارتها