الى خبراء النوبيرا

**mfs** · 29-09-2008 02:23 PM

سلام عليكم
عندى كام مشكله كده فى النوبيرا 2001
1- فيه طرقعه كده بسمعها و انا ماشى على الرغم من ان المقصات تعتبر جيده و روحت لراجل بتاع عفشه كويس قلى عادى كل النوبيرا بتعمل الطرقعه دى عشان جلب النوبيرا بيبقى فيها بوش و قلى اغيرهم الـ 4 ب 80 ج و اجيب جلب المرسيدس يحطهم كمان عشان يعالج البوش 000 هل الكلام كده منطقى و لا ايه و هل فعلا تمن الجلب ده غالى ؟

2- الدركسيون مبيرجعش لوحده بعد الملف و سالته ليه قلى تغير الزيت و نفتح علبه الدركسيون و ننضفها عشان الزيت اللى فيها مترب هل ده صح و لا ايه ؟

3- المفتاح اللى فيه الريموت اللى بيقفل و يفتح العربيه مبقاش شغال ففى واحد قلى يمكن بطاريه المفتاح فضيت روحت مغيرها قلى يبقى المفتاح عايز يتشفر تانى عشان ممكن حد يكون شال كابل البطاريه فيتشفر تانى روحت لواحد بتاع التشفير اللى هو عزب اللى فى شارع السودان قالى لا يا باشا مش هينفع تجيب مفتاح من التوكيل و مش عارف ده صح و لا االموضوع محتاج محاوله مع حد تانى و سعر المفتاح ده فى التوكيل كام

معلش يا جماعه طولت عليكم اوى و برضه اتمنى من الاستاذ محمد ممدوح برضه يدينا رايه و يقولنا ايه الموضوع

**MMamdouh** · 29-09-2008 02:55 PM

المشاركة الأصلية كتبت بواسطة mfs

سلام عليكم
عندى كام مشكله كده فى النوبيرا 2001
1- فيه طرقعه كده بسمعها و انا ماشى على الرغم من ان المقصات تعتبر جيده و روحت لراجل بتاع عفشه كويس قلى عادى كل النوبيرا بتعمل الطرقعه دى عشان جلب النوبيرا بيبقى فيها بوش و قلى اغيرهم الـ 4 ب 80 ج و اجيب جلب المرسيدس يحطهم كمان عشان يعالج البوش 000 هل الكلام كده منطقى و لا ايه و هل فعلا تمن الجلب ده غالى ؟

جلب المقصات بتعمل مشاكل بالفعل... لما تغير اشترى مقصات على بعضها و تكون صناعة اسبانى عشان تحل المشكلة... انا معرفش حاجة عن موضوع الجلب بتاعت المرسيدس دى

2

- الدركسيون مبيرجعش لوحده بعد الملف و سالته ليه قلى تغير الزيت و نفتح علبه الدركسيون و ننضفها عشان الزيت اللى فيها مترب هل ده صح و لا ايه ؟

دى اما مشكلة زوايا و اما مشكلة صليبة الدركسيون... اتساخ زيت الباور ملوش علاقة و كمان لو زيت الباور فيه تراب كانت الطلمبة و السكترة ماتوا من زماااان

3

- المفتاح اللى فيه الريموت اللى بيقفل و يفتح العربيه مبقاش شغال ففى واحد قلى يمكن بطاريه المفتاح فضيت روحت مغيرها قلى يبقى المفتاح عايز يتشفر تانى عشان ممكن حد يكون شال كابل البطاريه فيتشفر تانى روحت لواحد بتاع التشفير اللى هو عزب اللى فى شارع السودان قالى لا يا باشا مش هينفع تجيب مفتاح من التوكيل و مش عارف ده صح و لا االموضوع محتاج محاوله مع حد تانى و سعر المفتاح ده فى التوكيل كام

no idea... sorry

MMamdouh

**kimo-nubira** · 29-09-2008 03:51 PM

المشاركة الأصلية كتبت بواسطة mfs

سلام عليكم
3- المفتاح اللى فيه الريموت اللى بيقفل و يفتح العربيه مبقاش شغال ففى واحد قلى يمكن بطاريه المفتاح فضيت روحت مغيرها قلى يبقى المفتاح عايز يتشفر تانى عشان ممكن حد يكون شال كابل البطاريه فيتشفر تانى روحت لواحد بتاع التشفير اللى هو عزب اللى فى شارع السودان قالى لا يا باشا مش هينفع تجيب مفتاح من التوكيل و مش عارف ده صح و لا االموضوع محتاج محاوله مع حد تانى و سعر المفتاح ده فى التوكيل كام

معلش يا جماعه طولت عليكم اوى و برضه اتمنى من الاستاذ محمد ممدوح برضه يدينا رايه و يقولنا ايه الموضوع

سعر المفتاح في التوكيل 400 جنيه انا كان عندي نفس المشكله وغيريت البطاريه

بتاعت المفتاح وبارضو مشتغالش وكنت سالت على المفتاح في التوكيل قالي 400

جنيه فا نصيحه من اخ اشتري جهاز انذار جديد يكون نوع كويس احسن وارخص من

المفتاح بتاع التوكيل .. وعلى فكره انا المفتاح عندي اشتغل لوحده من غير ما اعمل فيه اي حاجه

**mr_kenawy** · 29-09-2008 04:47 PM

يعنى ايه يا اخوانا الكلام ده خطير , يعنى كل ما بطارية المفتاح تفضى لازم اغير المفتاح ب 400 جنيه؟ , لو فيه حد غير البطارية و المفتاح اشتغل معاه ينصحنا و يقولنا عمل ايه؟

**Hany A Fattah** · 30-09-2008 11:12 AM

قناوى

انا غيرت البطاريه ومحصلش اى حاجه وزى الفل بس لازم تجيب نفس الرقم القديم

اما موضوع ان المفتاح متشفر ده انا مش مقتنع بيه لان مفتاح النوبيرا عادى مالوش شفره بدليل انك ممكن تطلع عليه ويشتغل عادى