-
تيل الفرامل الخلفي v5
السلام عليكم يا شباب
انا عاوز احكيلكم علي موقف حصل معايا يمكن يفيد حد عنده نفس الموقف
انا معايا v5 هاي لاين وعاملة حوالي 11000 كم لما رجت اعمل صيانة الـ 10000 الاسبوع اللي فات لقيت المهندس بيكلمني ويقولي ان تيل الفرامل الخلفي متاكل خالص ولازم يتغير والا هياكل في الطنابير
سالت المهندس هو التيل مش في الضمان . قالي لا ولازم يتغير علي حسابك وكانت التكلفة حوالي 530 جنيه بالضريبة والمصنعيات
المهم انا رفضت اركبه لان من الواضح ان التيل الاصلي اللي بيركب فيه مشكلة لانه خلص معايا علي 10000 بس . المهم انا سالت وعرفت ان تيل الفرامل الخلفي لاوكتافيا a5 ممكن يركب عندي
وفعلا رحت اشتريت الاصلي بتاع الاوكتافيا وركبته الحمد لله والتكلفة كلها كانت حوالي 480 جنيه
وطبعا كفائة التيل الايطالي بتاع الاوكتافيا هيكون احسن بكتير من الصيني
-
بس يخلص في 10000 بس؟
ده المفروض علي 60000 مثلا
-
غريبه ده الخلفي ساعات بيوصل 100 ألف !
-
فيه انواع من التيل بتنتهى بسرعه جدا ومتكملش 15000 كم ودى بيقولوا عليها تيل صديق للبيئه .... زى اللى راكب في التويوتا الكرولا من موديلات 2013 وطالع ......... وده السبب .
-
كده مش صديق للبيئه ..ده صديق لاصحاب التوكيل
-
بيئه ايه واحنا في مصر ده فيه عربيات شكمانها بيطلع دخان ولا مداخن أفران الطوب!
-
التيل الخلفي بيقعد في حدود 20000 الي 30000 لان تيل الـ v5 ديسكات زي التيل الامامي بالظبط وده موجود في معظم العربيات الاتوماتيك
بس فعلا التيل فيه عيب عشان يخلص في 10000 بس عشان كده منصحش حد يغير التيل الاصلي ويركب بتاع الاوكتافيا احسن واوفر من التوكيل
-
السلام عليكم ورحمة الله وبركاته
اخي الفاضل صاحب الموضوع حدث معي الموضوع مثلك تمام واستغربت بس مع فرق قالي في التوكيل هغير بعد3000 كيلو قلت اسال زملائي في العمل معاهم نفس السياره قالو ليا محدش قلهم اي شيء علي التيل المهم رحت عند المهندس شريف في الحي السابع بمدينة نصر اشتريت التيل بتاع الجالينا بببب 100فقط لاغير وتركيب عند ميكانيكي بريليانس في التوكيل ب 50 جنيه والحمد لله
وفيه كمان مشكله في علبة الدركسيون ومنتظر ربنا يكرمهم وتيجي العلب من بره لان العلبه نازله بعيب صناعة
وربنا يرحمنا
-
معاي نفس المشلكة علي صيانة 10 الاف كيلةو لبريليانس v5
تم الشراء للاسف لاني مشغول جدا الفترة دي
التكلفة 387 جنيه + 100 جنيه مصنيعة
حرق ونار في جتتهم .......
السبب بيقول انها عشان الفرامل ديسكات امامي زي الخلفي
شكررا
-
تيل الفرامل
ممكن حصل انك كنت شادد الفرامل اليد شدة بسيطة هى تسبب تاكل للفرامل الخلفية
Content Relevant URLs by
vBSEO 3.6.0 PL2