ازاي افرق بين الانترا الخليجي والمصري

**mrx_79** · 29-09-2008 02:32 PM

سلام عليكم
ازيكم ياجماعه عندي سؤال لأني انشاء الله حشتري النترا بس عاوز اجيب تاعة الوكيل مش الخليجي وسألت في اكتر من معرض قالوا الفرق في الجنوط لأني ناوي اشتري الاوتماتيك الي فيها فتحه سقف بتاعة الوكيل مفيهاش جنوط والخليجي فيها ومعارض تانيه قالت مفيش فرق الا الضمان بتاع الوكيل بس وهل بتاعه الوكيل فيها لمبه ستوب ولا لأ؟؟؟ وجزاكم الله خير عني

**Hacker5** · 29-09-2008 08:17 PM

المواصفات المصرى مافيش فيها فانوس استوب الخلفى لكن الخليجى فيها

**mrx_79** · 30-09-2008 01:22 PM

شكرا علي الرد بتاعك ولكني لسه عاوز اعرف هل الانترا الاتوماتك من الوكيل الي فيها فتحه سقف فيها جنوط ولا لأ ياريت لو حد معاه العربيه يدلني وشكرا

**mohamed ellithy** · 30-09-2008 01:30 PM

كان زمان فى فئة من الالنترا بينزلها غبور فيها جنوط و ايرباج بس بطل ينزلها
و فى دلوقتى تلات فئات من اللى فيها فتحة سقف
1- مانيوال فتحة سقف
2- اوتوماتيك فتحة سقف
3- اوتوماتيك فتحة سقف كاملة تكييف تاتش
وكل الفئات دى من غير جنوط

**mohamed ellithy** · 30-09-2008 01:31 PM

**mohamed ellithy** · 30-09-2008 01:32 PM

**mrx_79** · 30-09-2008 01:44 PM

شكرا علي الرد بتاعك بس تنصحني بأيه مع المعرض الي انا حشتري منه إن شاء الله لأنه بيقول لي انها فيها جنوط؟؟

**mohamed ellithy** · 30-09-2008 03:41 PM

بس يا سيدى
الاستاذ غبور مابينزلش اى النترا دلوقتى بجنوط
ف اذا لقيت الالنترا بجنوط فاكيد دى خليجى
عموما لو عايز الخليجى مافيهاش مشكلة غير الضمان و ممكن تلاقى فالخليجى زيادة عن المصرى ABS و EBD
بس بينى و بينك رغم ان غبور متعب قوى فى ضمانه بس برضه احسن من مفيش

**smartman** · 01-10-2008 05:21 AM

انا بأيد رأيك يا استاذ محمد الليثى ...انا كمان بأفضل الوكيل عن الخليجى لأن فيه ناس جابوا الخليجى و اشتكوا هنا ع الموقع من ان عفشتها ناشفة فى المطبات و ده اشىء متوقع طبعا لآن بتاعة الخليج مواصفاتها تنطبق على شوارع الخليج و معروف طبعا للجميع شوارعنا المكسرة عاملة ازاى علشان كده مواصفات عفشة الوكيل تتلائم مع شوارعنا اكتر و أنا كمان كنت سمعت ان الخليكى تسحب بنزين اكتر من الوكيل علشان البنزين فى الخليج ارخص من عندنا بكتير كما هو معروف . ده رائى و كل عام و انتم بخير