عرض للطباعة
السلام عليكم ورحمه اللّه وبركاته
انا معايا كورولا 2012 وعايز اغير زيت علطول كنت بغير موبيل 1 5w-50 وبصراحه شوفت الزيت 0w-40 بس كتالوج العربيه محير كاتب درجات لزوجه كتير فقولت استشير[sor2]http://static2.insales.ru/images/products/1/110/9855086/Mobil_1_0w40.jpg[/sor2]
متابع مع حضرتك ................
شغال معايا في الهوندا السيفيك ٢٠١٠ و الكورولا ٢٠٠٦ زي الفل
شكرا استاذ هاني
هل في اختيارات افضل منه
طيب الكتالوج عندك كاتب ايه ؟
بالنسبه لمصر مش هتفرق ده من ده
لان ديه درجات لزوجة
سواء 5w-50 او 0W-40
كلاهما ملائم تماما لحاله الطقس في مصر
وانا افضل 5w-50 خاصة في الصيف
لو حضرتك تقدر تصورلنا صفحة الزيت علشان نقدر نفيدك أكتر
أو اكتب لنا إيه اللي موجود فيها... بالتفصيل
...
مكتوب ينصح ب 5w-20 و 0w-20 في الاول خالص
متابع
اقتباس:
المشاركة الأصلية كتبت بواسطة toyota4arab
مفيش أي توصيات تانية؟؟
يعني لو الجو حر مثلا تستخدم لزوجة 5w-30 أو أي لزوجة تانية؟؟
عموما... في جميع الأحوال... لازم تلتزم باللي مكتوب في الكتالوج
إذا كان الكتالوج مكتوب فيه لزوجة ممكن تبان لناس كتير إنها خفيفة... فده له أسبابه
واضح إن الخلوصات بتاعة الموتور ضيقة ودقيقة جدا... وده محتاج زيت خفيف علشان يزيت كويس وبسرعة... لإن الزيت التقيل مش هيقدر يوصل للأماكن الضيقة دي بسهولة... يعني كإنك بتشغل الموتور من غير زيت على الأقل لفترة من الزمن... والفترة دي ممكن تكون مدمرة للموتور وتقصر عمره جدا.
...
يعني حضرتك تقصد استخدم 5w-30 ولا 5w-40 لا مش شوفت حاجه بالنسبه. للاماكن الحاره
متابع ............................
اقتباس:
المشاركة الأصلية كتبت بواسطة toyota4arab
لا ده ولا ده
حاول تلتزم باللي مكتوب في الكتالوج
وياريت فعلا تصور لنا صفحة الزيت في كتالوج العربية عشان نقدر نفيدك أكتر... لإن ساعات بيبقى فيه ملاحظات صغيرة بتفرق كتير في اتخاذ القرار الصح.
الصور اللي تحت دي واخدها من كتالوج سيراتو 2014 (شمال أمريكا)
http://nileup.com/up/uploads/nilemotors_13932318231.png
http://nileup.com/up/uploads/nilemotors_13932318242.png
http://nileup.com/up/uploads/nilemotors_13932318243.png
لو أخدت بالك... أحيانا بيبقى فيه ملاحظات بأرقام صغيرة جنب الكلام... الحاجات دي لو قريتها وفهمتها كويس ممكن تخليك بدل ما تمشي يمين تروح شمال
على فكرة... أنا كتالوج عربيتي بالنسبة لصفحة الزيوت مختلف عن ده عشان عاملين تفاصيل زيادة للزيوت اللي تستعملها في منطقة الشرق الأوسط
(الشرق الأوسط حسب تعريفهم يشمل: دول الخليج.. العراق.. دول الشام.. مصر.. دول المغرب)
عشان كده بقول لحضرتك محتاجين صفحة الزيوت...
وعشان كده بردو بنقول نلتزم باللي مكتوب فيه
...
مفيش في مصر زيوت 0w-20
وده زيت للاجواء البارده جدا وغير ملائم بمصر
الملائم للاجواء المصريه من 0الى 50 بكل درجاته
يعنى 5w-40
5w-50
15w-40
20w-50
0w-40
يعنى في الشتاء ملائم من 0:20 ده البارد
ومن 40 : 50 في الصيف
اكتر من 20 في الادنى مش هيكون ملائم شتاءا
واقل من 40 في الاقصى مش هيكون ملائم صيفا
ونصيحه مني بالنسبه للزيت التخليقي مفيش احسن من شل الترا وعن تجريه تحفه
اقتباس:
المشاركة الأصلية كتبت بواسطة tameem2010
حضرتك بتحكم بناءاً على إيه بالظبط إن الأرقام دي مناسبة للأجواء المصرية؟؟؟
عايز أقول لحضرتك... إحنا هنا في السعودية.. وفي جو بيوصل 45- 50 في الصيف.. وبنحط زيت تخليقي 5w-30
يبقى الكلام ده معناه إيه؟؟
...
فعلا يا استاذي لما قرأت الكتالوج بشكل اكبر وبتركيز اكتشفت ان افضل زيت احطه من حيث الاداء واقل استهلاك للوقود 5w-30 ويكون api sae
فكده احط موبيل ام شيل ايهم افضل كزيت بشكل عام وكجوده
كلامك صح ..............................اقتباس:
المشاركة الأصلية كتبت بواسطة tameem2010
اقتباس:
المشاركة الأصلية كتبت بواسطة toyota4arab
فيه حاجة صغننة :)
الـAPI حاجة.. والـSAE حاجة تانية خالص
كود الـAPI بيعبر عن مستوى الأداء أو الخدمة بتاع الزيت... والكود ده له مستويات.. كل ما الكود يعلى.. مدة بقاء الزيت وخدمته في الموتور بتزيد وبالتالي يديك حماية أفضل
إنما كود الـSAE ده بيعبر عن اللزوجة، وده هو اللي بنتكلم عليه زي الـ5W-30 والـ10W-40 ...
لو عايز تعرف معلومات أكتر عن الموضوع ده ادخل على اللينك دي:
http://www.nilemotors.net/Nile/341680-a.html
بالنسبة للمقارنة بين شيل وموبيل... فالمقارنة أساسا بتبقى عن طريق المفاضلة بين كود الـAPI أولا... وبعدين درجة اللزوجة.
ولو الاتنين زي بعض.. شوف أنهي فيهم التخليقي
ولو الاتنين زي بعض... شوف انهي فيهم اللي تقدر تشتريه من مكان موثوق فيه (مش مغشوش)
ولو الاتنين زي بعض... شوف أنهي فيهم الأرخص
ولو الاتنين زي بعض... اختار اللي ترتاحله نفسيا، لإن فعليا... مفيش فروق محسوسة بين ماركات الزيوت
...