ظهر عندى صوت بسمعة من جوة العربية بالذات لو فاتح الازاز صوت زى تجميع ديفل بس اوطى وتحس انو جاى من بعيد يلخبط تحس انو من عربية ماشية جمبك الصوت بيكون اعلى حاجة وانا على الرابع او فوق 60 يعنى من 60 ل 80 دة سببة اية؟
عرض للطباعة
ظهر عندى صوت بسمعة من جوة العربية بالذات لو فاتح الازاز صوت زى تجميع ديفل بس اوطى وتحس انو جاى من بعيد يلخبط تحس انو من عربية ماشية جمبك الصوت بيكون اعلى حاجة وانا على الرابع او فوق 60 يعنى من 60 ل 80 دة سببة اية؟
ممكن يكون خرم فى علبة الشكمان
هتلاقى الشكمان مخروم او ممكن تكون بتقرص على العربيه فبتعمل الصوت ده
اخبار علبة البيئة ايه؟
يعنى اروح لبتاع شكمانات ولا ميكانيكى؟
ممكن كمان يكون بلي العجل
شكمان مخروم
يجماعة ساعات بدوس بنزين والصوت ميظهرش ودوسات تانية الصوت يظهر لو خرم شكمان بيعمل كدة ولا بيكون مسموع دايما
يا باشا انا عندي الصوت ده بس لسبب ... شوفت مكان العلبة اللي فيها فلتر الهوا المفروض يبقي فيه واحدة تاني تحتها يعني ورا الرفرف بتاع العربية في الجنب اليمين بتبقي راكبة فيها انا بقي معنديش النص التحتاني ده راكب العربية فلما بقرص علي العربية بيطلع الصوت اللي انت بتقول عليه ده بس مش لدرجة ديفل يعني .....
انا عندي الصوت ده وبيروح وييجي لوحده
وفضلت وراه لحد ما تاكدت من انه من علبه فلتر الهوا فقلت ممكن تكون مسامير اللي بتثبت يكون الجلد اللي تحتها تاكل وبيوصل صوت الزنه ف جسم العربيه لكن الصوت ما راحش ياريت تقولي شكل باقي العلبه(الجزء التاني) من فلتر الهوا عامل ازاي
ياريت حد يفيدنا
متابع
يا باشا هية شبه العلبه اللي فيها فلتر الهوا من فوق بالضبط و واصلة بخرطوم عريض بين اللي فوق واللي تحت والعلبة مقفولة زي اللي فوق علشان ما تدخلش تراب من تحت ... لو عايز تعرف هية موجودة ولا لأ فك المسامير اللي حوالين علبة فلتر الهوا هما 3 مسامير وارفعها لو بصيت ولقيت الكارتيرة اللي حوالين الكاوتش في وشك يبقي مش موجودة اما لو لقيتها هتبقي باينة علبة في وشك شبه العلبة اللي فكيتها بالضبط بس علي صغير شوية طالع منها خرطوم بيلبس في باقي العلبة بتاعت الفلتر اللي فوق ....
للعلم لو مش موجودة عندك هتلاقيها استيراد وعاملة 50 جنيه بس ... بس اللي يركبهالك السمكري مش الميكانيكي علي فكرة لأنه بيفك الرفرف علشان تركب ...
العيب مش من العلبة دى لانو مكنش موجود وبعدين ظهر فأكيد العلبة مختفتش لوحدها انا دلوقتى محتار بين حاجتين الشكمان او بلى العجل ياريت حد يفرقلى بين الصوتين والصوت عندى بيظهر بس وانا بدوس بنزين على الرابععععععععععععع
يا باشا يعني وانت رجلك دايسة علي الاكسراتير بس بيظهر الصوت ولا وانت شايل رجلك بردو ... لو وانت دايس بنزين بس يبقي ده كده شكمان مفيش كلام ...
لكن لو ظهر الصوت وانت شايل رجلك بردو وعلي السرعات العالية بس يبقي بلي العجل لأني اتهريت فيه البلي ده
دلوقتى الموجود تحت العلبة اللى فيها فلتر الهوا عبارة عن جوان كاوتش بيبات فى زور بلاستيك نازل لتحت لما مسكتو لاقيتو بيتحرك دلوقتى انا متاكد ان الصوت من المكان دة بس مش عارف يكون العيب اية يعنى فى كسر مثلا فى اخر الزور دة من تحت ولا فية تنفيس هوا ولا اية ياريت اللى واجة المشكلة دى يساعدنا
فك كارتيرة العجلة اليمين و بص على المكملة بتاعت العمة... يمكن تكون مكسورة او مفكوكة من مكانها
MMamdouh
حد يعرف بتتفك ازاى؟؟
لا مش هتحتاج تفك الرفرف خالص
MMamdouh
انا هاحكيلكم حليت مشكله الصوت ده ازاي حتي تعم الفائده
انا بدات افكر ان العلبه المكمله اللي هي بتبقي تحت كارتيره الرفرف اليمين مفكوكه فقمت بحل العجله اليمين وبعدها الكارتيره الفبر ونضفت العلبه وربطت ع اجزائها وبالمناسبه هي 3 اجزاء عباره عن علبه كبيره ومتفرعه لفرعين فرع منهم متوصل بخرطوم حوالي 2 بوصه متركب بافيز تحت الرفرف تماما بس سهل توصله باليد من خلال الكارتيره ... والفرع التاني بيدخل من خلال فتحه ف الكبوت وده بيتوصل ف علبه الفلتر...
المهم راجعت ع تربيط كل ده والصوت خف لكن ما اختفاش:untitled:
ولاحظت ان لما ابقي واقف والعربيه دايره واسحب بكره الاكسراتير (ازود بنزين يعني)الاقي علبه الفلتر بتطلع الصوت اللي شبه صوت الديفل ده
وفي يوم كنت عند الميكانيكي بتاعي وهو صاحبي ع فكره وشرحتله ملاحظاتي وقلتله ع اللي عملته
قالي هات شريط شيكرتون وجبناه ولفناه 3 او 4 لفات حوالين براوز الفلتر نفسه(الفريم يعني...)
وركبناه فبقي محبوك جوا علبه الفلتر وجربت العربيه والصوت اختفي...
الخلاصه ان فلتر الهوا ممكن يكون اصغر 1مم ومع سحب الهوا الشديد من خلاله فبيتحرك جوا العلبه من خلال الخلوص ده اللي هو 1 مم فيعمل صوت الديفل...
اي استفسار انا تحت امركم:36_1_1[1]: