تجربة قيادة جراند تيريوس 2013
السلام عليكم ورحمة الله وبركاته
اتحطيت في موقف اني أسوق العربية على طريق سفر مسافة حوالي ١٣٠ك
العربية ما شاء الله تبارك الله عالية عن الأرض وصوت العزل فيها ممتاز جدا وتكيفها كنت مشغله على اول درجة وما شاء الله ممتاز
سحب العربية ضعيف جدا جدا وهي مش بتاعت جرى خااالص ولا شد
كنت طول الطريق ماشي ٩٠ لي ١١٠ وجبت ١٢٠ مرة واحدة
ثبات العربية كويس
عفشتها ما شاء الله ممتازة فراملها حاسس أنها عايز تتظبط بس كويسة
الإضاءة بتاعتها ما شاء الله تبارك الله ممتازة جدا جدا وبالذات كمان لما أنور العالي بيكشف مسافة كبيرة قدامي
الباوور بتاعها ممتاز وقاعدتها كويسة والزراير سهلة المنال
البلاستيك موجود بالتابلو بلون فضي وخامات كويسة وقعدت العربية مريحة
اسف ع الإطالة
ودي أول مرة أكتب تجربة قيادة
واتمنى اكون افادتكم