ايه اقل عربيه في استهلاك البنزين بغض النظر عن الفئه او عدد السيلندرات او الحجم او السعر؟
عرض للطباعة
ايه اقل عربيه في استهلاك البنزين بغض النظر عن الفئه او عدد السيلندرات او الحجم او السعر؟
أعتقد هي ال Daihatsu Charade .
هي فعلا الشاريد لانها بتعمل 450 في الصفيحة الـ 20 لتر
والتي تليها البوردا الكانشيل اللي هيا برضه الشاريد القديم ولكن مصنعه في اندونيسيا بأسم برودا كانشيل
الـ Spark اقل
الف شكر
انا معايا بولو 1999 بتعمل من 380 الي 400 في الصفيحه
انا معايا 128 كنت لسه مصلحلها الكربيراتير كانت بتعمل 220 اما حاليا بتعمل 180 في الصفيحه :cry:
الهوندا عموما والسيفيك خصوصا
في موتور نزلته شركة هوندا من مدة طويلة كان من أقل المحركات إستهلاك للبنزين في العالم
وكان إسمه محرك الشحنة الطباقية مش فاكر الترجمة
ال 128 اللي معايا 1300 أفضل إستهلاك ليها كان بعد طقم شنبر وكربراتير جديد وإسبراتير جديد وفي طريق سفر عملت 225 في الصفيحة
لكن بعد كده الإستهلاك بتهبر بنزين
لو بتدور على اقل مصاريف بنزين (او وقود يعنى) يبقى مافيش حاجة تكسب محركات الديزل لجديدة.
لأنها استهلاكها اقل حبه حلوين عن نظيرها اللى بالبنزين. ده غير فرق ثمن الديزل عن االبنزين عندنا (75 قرش لغاية دلوقت)
هى بس المشكله ان المستوردين هنا مش بيخاطروا ويجيبوا مودبلات بالديزل الا قلة منهم نظرا لقلة الاقبال هنا عليهم. مش عارف ليه :roll:
سبب عدم الإنتشار
مصر بتستورد الديزل ده أول سبب
رخص تمنه عشان دعم النقل يعني هو مكلف للدولة في دعمه أكتر من البنزين
كان فيه قانون أو لائحة في الجمارك تمنع إستيراد السيارات الملاكي الديزل
والكلام ده أنا متأكد منه لأن والدي حاول يدخل عربية ديزل مصر سنة 1993 وقالولو في الجمارك يشترط تكون بنزين إلا لو هتجبها نقل أو أوتوبيس أو ميكروباص
وأنا مستغرب الآن من خبر إن بيجو منزله عربية ديزل
ممكن يكونو غيروا القانون أو الائحة دي
اعتقد الكلام ده اتغير لأن من فتره كبيره كانت السيتروين الـ AX نازله ديزل
انتوا نايمين ياجماعه!!اقتباس:
المشاركة الأصلية كتبت بواسطة Ahmed Hassan
ماشفتوش اعلانات البيجو ال 407 الديزل اللى ب 198 الف ماليه الجرابد بقالها 3 اشهر!؟
القانون اتغير من كام سنه فعلآ
يبقى هو سبب عدم الانتشار هو القانون ده فعلا وبس!
لأن ستروين فعلا كانت منزله ال AX فى حدود سنة 97 وتبعتها سانج يونج وفيات بونتو ودلوقت البيجو.
اما سبب عدم الانتشار علشان بنستورد الديزل مالهاش دعوة طبعا. المستهلك ماله ومال الديزل جاى منين. المهم سعره كام. وده لوحده دافع لانتشار السيارات الديزل.
بس يبدو ان الناس متعوده على العربيات البنزين فمبتحاولش تغير. وخاصة بعد المحاولتين بتوع ستروين وفيات اللى مانجحوش.
نتمنى ان البيجو تغير الفكرة دى عند الناس وخاصة ان بديلها البنزين فارق فى السعر تمام لأنها اعلى من 1600!.
بصراحه هتكون نقله جديده في مصر لو الموضوع ده نجح. بس اللي مش قادر افهمه ازاي المحركات الديزل الـ HDI هتشتغل بالديزل اللي عندنا!! انا قعدت فتره في المغرب.. و هناك معظم العربيات ديزل.. بس الديزل هناك نوعه راقي جدا... دا حتى فيه منه سوبر و ده اللي بتشتغل بيه محركات الديزل الحديثه.
على فكرهاقتباس:
المشاركة الأصلية كتبت بواسطة h_hezzah
البيجو ال 407 الديزل هى كمان 1600 سىسى :)
لآن الجمرك لا يفرق فى السعه اللتريه بين البنزين والديزل
هما نزلوها ديزل عشان يغروا الناس برخص سعره
ايه حكايه البونتو الديزل دي؟انا اول مره اسمع عنها
هى ال407 اقل حاجة فيها فى البنزين 1800 وعلشان كده جمركها عالى. وهما لقوها فرصة ان نزل منها موتور ديزل 1600 علشان يفرق فى الجمرك وجابوها. هى مشكلتهم بس انهم يقنعوا الناس بالديزل، لأنه واضح ان فكره الناس عن الديزل من ايام العربيات المرسيدس الجاز (اللى هى كانت ديزل برضه بس من جيل قديم)اقتباس:
المشاركة الأصلية كتبت بواسطة Nile Heart
المحركات الديزل فى ال10 سنين اللى فاتو اتطورت لدرجة انها سبقت البنزين، وخاصة ان عزمها اقوى من نظيرها البنزين بالضعف مثلا وعمرها برضه اطول من البنزبن. لدرجه ان كذا عربية من المصنفة سيارات سبور بينزل منها موتور ديزل
ال407 ال 2000 سىسى بنزين سعرها يبدأ ب 350 الف للمانيوال
وال 1600 الديزل الفول اوبشن ب 198 الف. واضح طبعا فرق الجمرك الجميلهى كانت نزلت من سنتين ثلاثة كده لما نزلوا الموديل الحالى (مش الجراند بوتوبتاع المعرض) وكانت نازلة ب3 محركاتاقتباس:
المشاركة الأصلية كتبت بواسطة م/محمد
منهم واحد 1300 ديزل. بس واضح انها ماحدش اقتنع بانه يجربها وخاصة انها كانت اغلى من البنزين بحوالى 8000 جنيه.
المهم وانا براجع محركات البونتو دلوقت اخدت بالى من حاجة: :roll:
فيه سيارات كتير دلوقت بتنزل من المصنع علشان تشتغل بالغاز الطبيعى اساسا وبيكون فيها تنك بنزين احتياطى حوالى 10 لتر.
ليه مافيش شركة تفكر تجيبهم بدل ماللى عايز يستخدم الغاز يجيب عربية بنزين ويحولها غاز فى ورشة والموال ده.
اظن ان موضوع زى ده كان الاوقع انهم يفكروا فيه ايام اختيار تاكسى العاصمة!
مش بيجيبو العربيه مجهزه من الأول لأن محطات الغاز عندنا بترفض تمون العربيات بالغاز إلا اذاكانت هي من اجرى عمليه التحويل من بنزين لغاز!!اقتباس:
المهم وانا براجع محركات البونتو دلوقت اخدت بالى من حاجة: :roll:
فيه سيارات كتير دلوقت بتنزل من المصنع علشان تشتغل بالغاز الطبيعى اساسا وبيكون فيها تنك بنزين احتياطى حوالى 10 لتر.
ليه مافيش شركة تفكر تجيبهم بدل ماللى عايز يستخدم الغاز يجيب عربية بنزين ويحولها غاز فى ورشة والموال ده.
اظن ان موضوع زى ده كان الاوقع انهم يفكروا فيه ايام اختيار تاكسى العاصمه
ده ايه التخلف ده :twisted:اقتباس:
المشاركة الأصلية كتبت بواسطة Ahmed Hassan
يعنى هما حايحولوها احسن من لما المصنع اصلا ينزلها غاز :?: :shock: :roll:
لأ طبعا مش احسن.. بس هما اللي يهمهم يخدوا فلوس التحويلاقتباس:
يعنى هما حايحولوها احسن من لما المصنع اصلا ينزلها غاز
يعني لو الواحد إستورد عربية غاز طبيعي من برة مش هيقدر يمون غاز هنااقتباس:
لأن محطات الغاز عندنا بترفض تمون العربيات بالغاز إلا اذاكانت هي من اجرى عمليه التحويل من بنزين لغاز!!
إزاي الكلام ده هل هو رسمي ولا بلطجة حكومة
معنى كده إن بلدنا الفساد وصل فيها للودان يعني عدى الركب من زمان :lol:
والله الواحد لما بيسمع كلام من ده أعصابه بتتعب وبعدين يقول خسارة فيهم الزعل
proton wira 1.3l
5.3l /100km
Daihatsu Charade
أنا مش عارف أنت قصدك عالميا يعني لأن أقل عربية استهلاك للبنزين هي تويوتا بريوس ودي طبعا لا تنزل مصر
يا جماعة السؤال كان
أقل عربيه في استهلاك البنزين ولم يقل في استهلاك الطاقة ؟
ايه اللي دخل التويوتا البريوس في الموضوع العربيه بتشتغل بالهيدروجين
فية كمان تيوتا برادو وبيجو 407 الجديدة، بس الهيشتري العربيات دي هيشتريها عشان يوفر مصاريف الوقود :?: ؟؟؟؟؟؟؟؟!!!اقتباس:
اعتقد الكلام ده اتغير لأن من فتره كبيره كانت السيتروين الـ AX نازله ديزل
يابو عبداللهاقتباس:
المشاركة الأصلية كتبت بواسطة أبو عبدالله
انت غالبا تقصد حاجة تانية غير البريوس
البريوس دى بتشتغل بالبنزين على السرعات العالية وبالكهرباء على السرعات البطيئة.
وبتشحن البطاريات بتاعتها وهى ماشية بالبنزين او عند استخدام الفرامل.
وبتوصل بكده لمتوسط استهلاك 4-5 لتر/100كم مع ان موتورها 1500 سىسى
مش عارف مش مقتنع بموضوع ان الغاز لازم يكون معمول محلى
لان افرض ان حولت تبع شركة معينة مينفعش امون الا من بنزينة تبعها؟
اللى اعرفه انهم بيعملوا تقسيط بس بنظام انك لو عليك خمسة الف جنيه مثلا تفضل تدفعهم وانت بتمون يعنى المتر المكعب تدفع فيه 90 قرش (45 قرش تمنه و45 قرش قسط التحويل) وبكده لازم تمون من تبعهم طبعا علشان تسدد اللى عليك
والله اعلم
بس علشان مخرجش اكتر من كده من الموضوع الرئيسى
الشاريد (عربيتى) هى تقريبا اقل عربية فى الاستهلاك
برده والله اعلم
وأنا معاك برضه في عدم الإقتناع لأن أي حد عايز يمون غاز في أي وقت بيمون من أي محطةاقتباس:
مش عارف مش مقتنع بموضوع ان الغاز لازم يكون معمول محلى
لان افرض ان حولت تبع شركة معينة مينفعش امون الا من بنزينة تبعها؟
مينفعش غير كده
إلا لو بيدفع قسط على الغاز بس
بالنسبة لأقل سياره في أستهلاك البنزين هي الشاريد بدون منازع ويليها الـQQ ثم باقي الماركات في فئة الـ800cc إلى الـ1100cc
أما بالنسبة لموضوع تموين السيارات الغاز فقد قمت بالأتصال بابن عمي وهو مدير لأحدى محطات تموين السيارات بالغاز الطبيعي وسألته عن مدى صحة عدم تموين السيارات التي لم تقم الشركة بتحويلها إلى غاز أفاد بأن هذه المعلومه بها خطأ وأن أي سياره يمكن تموينها بالغاز وإنما اليارات التي تم تحويلها بالغاز بالقسط يتم دفع ثمن مضاعف لثمن التموين (عن طريق كارت ألكتروني) لحين أنتهاء القسط وبعد ذلك يكون لمالك السياره الحريه في أختيار المحطة التي يريدها
وهذا الأمر فقط لمن قام بالتقسيط عند التحويل إلى غاز
امال مابيستوردوش عربيات بالغاز من المصنع اصلا ليه؟
داحنا لو فى اى بلد تانية فى العالم، المفروض الحكومة تدعم العربيات دى بأى طريقة (خفض جمرك، او رسوم تسجيل.....الخ) لأانها بتساهم بشكل كبير فى خفض التلوث.
امال لو مكناش من اكبر الدول المنتجة للغاز كان حصل ايه؟
الغاز هيتصدر كله لأوروبا بإذن الله
ونستورد بفلوسه وقود ملوث من اللي مبيستخدموهوش في أوروبا منعا للتلوث هناك
يجماعة متفرحوش اوى بموضوع الغاز الكتير ده
ده كلها ثلاثين اربعين سنة ويخلص هو كمان
علشان كده بدا الكلام على المحطات النووية
ياعمىاقتباس:
المشاركة الأصلية كتبت بواسطة AhmedElsayed
لو هنتكلم عن المستقبل شويه احب اقولك ان كمان 80-100 سنه (مالم تحدث تغييرات جوهريه فى السياسات والسلوكيات) سوف تتصحر الدلتا بالكامل (بالكامل) بسبب السد العالى بنسبه رئيسيه
والبناء الخرافى على الآرض الزراعيه
وسوف تختفى الرقعه الزراعيه تماما وتتحول مصر الى السعوديه (بدون بترول طبعأ)
ونتيجه لذلك سوف تشح المحاصيل وتظهر مجاعات محدوده الى واسعه ومن الممكن تصور سيناريوهات عديده بعد ذلك بدءآ من غزو خارجى الى حرب اهليه ..الخ الخ
هذا ليس خيال علمى.. بل احتمالات وارده جدآ, وللتدليل اليكم الأتى
-فى عام 52 كنا 20 مليون والرقعه الزراعيه 3 مليون فدان
-نحن ألآن 75 مليون على 2.5 مليون فدان!
-سنة 2100 سوف نصبح 200 مليون على ..... كام مليون فدان؟؟
الملافظ سعد يا اخ نايل هيرت :wink: