85 الف يجيبو مازدا ايه ؟

**khaled_rafea** · 23-02-2014 10:39 PM

سلام عليكم, كما بالعنوان استقريت ان شاء الله على مازدا 3, هل 85 يجيبوا هاى لاين حاله جيده ام لا ؟ لقيت فى السوق عربيات بالسعر ده بس دايما كانت بتبقى ناقصه حاجة, النهارده مثلا العربية كان فيه واحده 2008 شكلها ممتاز و هاى لاين بس الرف الخلفى متغير بواحد خشب شكله سئ جدا, و العربية مع تاجر و ميعرفش فين الرف :( , محتاج مشورتكم, انا حابب العربية دى جدا و يا ريت تساعدونى الاقى حاجة كويسة, جزاكم الله خيرا

**monamize4** · 24-02-2014 02:36 AM

المشاركة الأصلية كتبت بواسطة khaled_rafea

بس الرف الخلفى متغير بواحد خشب شكله سئ جدا, و العربية مع تاجر و ميعرفش فين الرف :(

معاش يا باشا ,, انا مش فاهم قصدك

ممكن توضيح يعنى ايه (( الرف الخلفى خشب))

**Thebutcherr** · 24-02-2014 10:27 AM

يجيبوا حاجة نضيفة 2006-07 8 بيز او هاى
2009 هاي زود شوية
من الاخر 88-90 تجيبلك حتجة كويسة
و الكيلومتر في المازدا مش مقياس للحالة اهم حاجة الصيانة الدورية

**khaled_rafea** · 24-02-2014 11:07 AM

جزار باشا صباح الفل, جزاك الله خيرا, طيب انا طبعا اتمنى انى اجيب هاى لاين علشان نفسى فى فتحة السقف, ههههههه, و الأفضل بالنسبالى تكون 2007 فيما فوق, هل فيه فروق فى الموديلات بين 2007 و 2008 و 2009 ؟

**Thebutcherr** · 24-02-2014 12:20 PM

لا خالص بس الفرق بين الخليج و الامريكاني
الفروق عبيطة
الهاي لاين اساسه : حساسات مطر وحساسات اضائة, فوجات ,زينون, فتحة سقف , تكييف الكترونيك , جنوط 16, اسبويلر خلفي
االايرو الامريكاني زيادة عتب جانبي و ده بيركب عادي 500 جنيه استيراد و بصمة صباع اللي هي بتبوظ علي طول
الاهم في المازدا تاني الصيانات مش الكيلوميتر بس و هي عربية لا تقارن بالانسر و الكرولا و الالانترا و الصني كده لاني مش عارف انزل منها اركب غير جيتا هاي لاين او بي ام 2008 فيما فوق
انا جبت نيو صني هاي لاين لمراتي زيرو توقعت اني هتضايق من الفرق مع ان المازدا ماشية 125000 , عاوز اقولك اني حسيت اني راكب عربية بدائية
ثبات المازدا الرهيب و الاوبشنز و الخامات و الصالون و التابلوه و حتي شكل العربية اللي تحس انو موديل السنة مشكلة للي بيركبها انه مش هيعرف ينزل يركب غير الماني و ربنا يوفقك في الشراء

**khaled_rafea** · 24-02-2014 12:40 PM

مش عارف اشكر حضرتك ازاى, ربنا يباركلك و يزيدك, طيب انا لو حبيت اكشف على عربية اكشف عليها فين و اطمن ازاى انها سليمه ؟ و ايه رأى حضرتك فى العربية دى
[url=http://www.contactcars.com/usedcars_profile.asp?CarID=1594112]ContactCars |

**khaled_rafea** · 24-02-2014 12:41 PM

3 | 2008
أضيف منذ 17 ساعة | 27 مشاهدة 90,000 ج

1600 سى سى |91,000 كم
اللون فضي اعلى فئة ايرو بها رش بالجانبين فقط من الخارج دواخل فى حالة الزيرو ولايوجد بالسيارة اي ملحوظة جميع الكماليات تعمل بكفاءة صيانة كاملة المعاينة بالهرم امام سنترال الهرم من الساعة 12 ظهرا وحتى الساعة 11مساء الاتصال ا/عيد سمير

ناقل أوتوماتيك
تكييف
سنتر لوك
باور ستيرنج
4 باب
مثبت سرعة
نظام ebd
نظام abs
فتحة سقف
زجاج كهربائية
وسادة هوائية

دى كامله بالبصمة, هل ده يعيبها ؟

**Thebutcherr** · 24-02-2014 05:58 PM

مفيش ebd /مثبت سرعة في ال 1600 !!
, و انسي اسعار ال 80 نات دي لان السوق كله رفع و الانترا الشكل القديم بتتعرض ب 100-110 اللي هي اوتوماتيك واحد اير باج بس !!
سعرها بالنسبة لحالتها كويس ممكن تاخدها غبور ابو رواش يمين بنزينة الامارات و داندي مول الصحراوي الكشف شامل ب 300-400 جنية او سمارت كار المعادي الجديدة عند شركة جيبكو اسال عند تقاطع النصر مع الاسلكى و بعد ما تنزل دخلة المعادي للاوتستراد بس احقاقا للحق التوكيلات بتطلع قطط فطسانة في العربية و بتحسسك انا كساح

**khaled_rafea** · 24-02-2014 06:21 PM

انا كلمت الراجل يا باشا و قالى انها فيها مثبت سرعة و فيها كارت ( او بصمة) و هو طالب 90 و فيه تفاوض, طيب موضوع البصمة اللى حضرتك بتقول انها بتبوظ دى هل يخلينى اصرف نظر عنها و اشوف غيرها ؟ و ميرسى كتير لأهتمام حضرتك

الموضوع: 85 الف يجيبو مازدا ايه ؟

LinkBack

أدوات الموضوع

عرض

-

-

-

-

المواضيع المتشابهه

110 الف يجيبو ا ايه

75 الف يجيبو اية؟؟؟

25 الف يجيبو ايه

30 الف يجيبو ايه ؟؟؟؟؟؟؟؟؟؟؟؟؟؟؟

70 الف يجيبو اية؟

الكلمات الدلالية لهذا الموضوع

المفضلات

المفضلات

ضوابط المشاركة