عرض للطباعة
يا جماعه ساعدونى عشان محتار
عايز اجيب عربية لمراتى فى حدود 50 الف
مش عارف اجيب جديد ولا مستعمل
فكرت فى التيريوس 2000
والبيكانتو مونيوال 2007
الماروتى الهندى 800 سىسى
الشيرى كيوكيو
والماتييز 2004
ممكن حد يفيدنى بخبرته انا عايز عربية صغيرة وسعرها فى حدود 50 شكرا
مبدئيا حضرتك ابعد عن الشيرى QQ و الماتيز و التيريوس لأن مشاكل العربيات دى كتير
اما بالنسبة للبيكانتو مانيوال فهى بتبدأ من 58 الف للهاف اوبشن زيرو
الماروتى ب 36 الف زيرو
الانوس اختيار حلو, او ممكن جوليت عربية قطع غيارها رخيصة, و سهل جدا تلاقيها فى اى حتة و صيانتها سهلة
يبقى لو جبت عربية استعمال نظيف, ان شاء الله مش هتتعبك خالص
الماروتى حلوة على فكرة
و البيكانتو طبعا مفيش غبار عليها, بس هى سعرها معدى الرينج بتاعك
لو عرفت تلاقى بيكانتو استعمال نظيف مو 2005-2006 هتلاقيها فى حدود 45-48 توكل على الله
شكرا يامعاذ
انا ميال للبيكانتو بس بقول بدل ماجيبها اجيب الفيرنا السعر قريب من بعض
سوال هو المارونى بيركب لها تكييف !!
ممكن تستحمل مشوار الاسكندرية انا خايف من موتورها عشان صغير
ياترى سعر البيكانتو مانويل واتوماتيك كام
وهاف اتوماتيك يعنى ايه
شكرا ياباشا
لو ناوي علي جديد فكر في البيكانتو اوالشاريد او برودوا كليسا وفعلا العربيات دي اثبتت كفائتها
انا راى زى رأى الاخ معاذ لانوس او جوليت حتى اكبر من الماروتى و البيكانتو و صيانتهم سهلة
العفو حضرتك, لا شكر على واجباقتباس:
المشاركة الأصلية كتبت بواسطة hiwael
و الله هى مسألة اذواق و احتياجات, بما ان العربية لمراتك, عربية صغيرة زى البيكانتو تبقى ممتازة و موفرة جدا فى البنزين, اما الفيرنا فقطع غيارها ارخص لكن حجم اكبر
انا عامة بميل اكتر للعربيات الهاتشباك, لأنها سهلى القيادة, سواء فى الطرق الزحمة او السريعة
الماروتى بيركب لها تكييف, بس منصحكش تعمل الجريمة دى :lol: , العربية 800 سىسى و لو ركب عليها تكييف, هيكتف العربية جامد. موضوع انها تستحمل مشوار الاسكندرية, تستحمله طبعا
انا لى ابن خالتى معاه ماروتى مو94, كانوا جايبنها زيرو, العربية دى كانت بتروح العاشر يوميا من مدينة نصر على سرعة 120 على الاقل
هو سافر بها اسكندرية كتير, و كان بيركب فيها عدد, و الصراحة العربية كانت مستحملة ما شاء الله
البيكانتو اسعارها اتغيرت اليومين دول, فأنت اتصل بالوكيل, و اعرف اخر الاسعار
تليفون الوكيل: 5222222(مش عارف المفروض تضيف كام قبلها)
طب البيكانتو ولا الشاريد لان سعر قريب
مقارنة بين العربيتن
الضمان: شاريد 100الف او 3 سنين / بيكانتو 60الف او 3 سنين
موتور (قوة) : بيكانتو تكسب
شكل: بيكانتو تكسب
قطع غيار: قريبة من بعض اوى, و ان كانت البيكانتو ارخص حاجة بسيطة
الوسع الداخلى: الشاريد تكسب
استهلاك البنزين: الشاريد تكسب
الوكلاءبتوع الماركتين ممتازين
الثبات: تقريبا متقاربين
اعادة البيع: اسهل للبيكانتو بسبب انتشارها
شوف انت عاوز ايه من العربية و حدد اختيارك
الشاريد موجود منها عدد محدود حاليا بفرع الوكيل بالمعادى, اما البيكانتو فهى متوفرة حاليا جميع الموديلات
الشاريد الموديل الجديد منها احتمال يتأخر و يبقى اغلى من الحالى
حاليا هما الاتنين قريبين من بعض فى السعر
مفيش تقسيط للبيكانتو على عكس الشاريد فى تقسيط
ربنا يوفق حضرتك فى الاختيار
سؤال اخير
ايه الفرق بين الماروتى والالتو 800 سىسى
"معاذ الشرباصى" كتب
ضيف (4)اقتباس:
تليفون الوكيل: 5222222(مش عارف المفروض تضيف كام قبلها)
45222222
معاذ قال :
(((( موتور (قوة) : بيكانتو تكسب )))
أختلف معاك يا معاذ حيث انا البيكانتو 1100 سي سي والشاريد 999 سي سي ولكن
البيكانتو القوة القصوى 64/5500
الشاريد القوة القصوى 58/6000
البيكانتو من 0 الى 100 فى 15.1 ثانية
الشاريد من 0 الى 100 في 12.2 ثانية
البيكانتو السرعة القصوى 96 ميل
الشاريد السرعة القصوي 99.4 ميل
الشاريد تكسب علشان ماتور اقل في السي سي وفيه فرق كده
فعلا الشاريد اسرع من السيريون و الكلام دة من موقع Whatcar
السلام عليكم
أنا رأى الشخصى خليك فى البيكانتو
فى الفئة دى احسن اتنين هما البيكانتو والشاريد سيبك من اى حاجة تانية وخليك فى المضمون والمتجرب
والهاتشباك افضل للسيدات بيبقى سهل اركنة والتحرك مش زى الفيرنا او الانوس حتتعبها فى السواقة
انا ارشح الشاريد لو مهتم بقوة الموتور وحاجة تعيش (انا عندى شاريد والحمد لله ادائها كويس وبروح اسكندرية وارجع فى نفس اليوم من غير اى مشاكل والحمد لله) ووسعها حلو وجميل جدا من جوا مش زى ميبان عليها من بره يعنى لو اسره معاها طقلين صغيرين حتبقى كويسة ليهم
لو بتهتم بالشكل اكتر يبقى البيكانتو طبعا او تستنى الشكل الجديد فى الشاريد بعد شهرين حينزل مصر وده شكله احسن من الشكل الحالى وحتبقى راكبة شكل جديد لسه مش منتشر
والاتنين سعرهم واحد حالياً واعتقد ان حيبقى سعر الشكل الجديد برده واحد لانه مش حيقدر يزود عن سعر البيكانتو علشان المنافسة بينهم
اى اسئلة عن الشاريد انا تحت امرك
والله اعلم
أحمد السيد
انا معايا البيكانتو و اقدر اقولك انها ممتازة، من ناحية هيا صغير و نعامة فى السواقة و بالتالى هتبقى سهلة فى سواقتها و ركنتها، و من ناحية تانية هيا جامدة انا مش رحت بيها للقاهرة انا رحت بيها من اسكندرية لشرم الشيخ فى 8 ساعات و الحمد لله رحت و رجعت على خير انا و المدام و الاولاد و الشنط كمان :wink: .
بس برضو هيا مسالة اذواق فاحسن حاجة شوف الاتنين و قرر و اتكل على الله، و ان كنت انا معترض على حته ان الشاريد موتور اقوى لان البيكانتو 64 حصان :!: و الشاريد 55 بس :idea: ، و كمان الكنبة اللى ورا فى الشاريد تاخد اتنين فقط لكن البيكانتو ركب معايا 3 ورا مرتاحين و الكرسى اللى قدام كان راجع لورا، فالبيكانتو بالتأكيد صالون اكبر، و موتور كويس، و انتشار بقى زياده عن اللازوم (بقيت حاسس ان كل مصر اشترتها) :wink: :x
على العموم الاتنين عربيات كويس و ارجع و اقول جرب تركب الاتنين و بعدها صلى و اتكل على الله، و مبروك مقدما. :lol:
و لو اى اسئلة عن البيكانتو انا تحت امرك
كنت عايز اعرف الفرق بين الالتو والماروتى
لان معاذ بيشكر فى الماروتى والفرق بينهم والبيكانتو او الشاريد حوالى عشرين الف
لو حد عنده فكرة عن الفرق بين الالتو 800 والماروتى ياريت يعرفنا
وشكرا ياشباب على اهتمامكم
انا اول مااشتريها لمراتى حدور على بوستر للموقع واحطه على العربيه وححط واحد كمان على عربيتى
انا حرد على موضوع الوسع بس
انا عندى الشاريد برده بتاخد تلاتة ورا عادى بالعكس انا طويل جدا 190 سم فبضطر ارجع الكرسى للاخر ومع ذلك اللى ورايا مكنوش متضايقين
انا جربت البيكانتو والشاريد ومش عايز اقول الشاريد اوسع سنة بسيطة علشان مبقاش متحيز لعربيتى
لكن حقول الاتنين وسع واحد تماما
بالنسبة للالتو او الماروتى كلاهما تقفيل هندى معرفش عنهم غير كده وده قلقنى ساعتها لان الحكاية مش ناقصة تجارب
لكن اعتقد محتاجين وقت علشان نحكم على كفائتهم يعنى منقدش نقارن الماروتى دى بالماروتى القديمة لانه نفس الشكل لكن التقفيل بيفرق
والله اعلم
أحمد السيد
انا بسيت على الانترنت و دى مواصفات الالتو و هدور على مواصفات الماروتى بس مبدئيا الماروتى ماكنتش انجكشين و الالتو MPFI بس اتاكد و ارجعلك
ا/ احمد السيد حضرتكك اطول منى اكيد، انا مركبتش الشاريد الا فى المعرض بتاع ديهاتسو فمش هناقش حضرتك، لكن انا لقيتهم فى المعرض مرجعين كرسى السواق جامد علشان يدى وسع و كان مضايق اللى يركب ورا فده هو اللى خلانى شايف انها اضيق و على العموم هقتبص منك كلمتك : الله اعلم
WEIGHT
Kerb weight ALTO 720 kg
ALTO LX/ALTO LXi 735 kg
Gross vehicle weight 1165 kg
ENGINE
Swept volume 796cc
Engine type FC engine, 4 valves
Per cylinder MPFI
No. of cylinders 3
--------------------------------------------------------------------------------
Engine control 32 bit computer
Maximum power 47 ps @ 6200 rpm
Maximum torque 62 Nm @ 3000 rpm
Transmission 5 speed, all
synchromesh, manual
SUSPENSION SYSTEM
Front McPherson Strut with torsion type roll control device
Rear Coil spring gas filled shock absorbers with three link rigid axle and isolated trailing arms
SEATING
Capacity 5 persons
TYRES
Tyre size 145 / 80 R12
DIMENSIONS
Overall length 3495 mm
Overall width 1475 mm
Overall height 1460 mm
Wheelbase 2360 mm
Tread Front 1295 mm
Rear 1290 mm
Minimum turning radius 4.6 m
Ground clearance 160 mm
مفكرتش ليه في البرايد السايبا الإيراني
سعرها 50 ألف مكيفة 1300 CC حجمها معقول
الغريبه ان جرنال النهارده مافيهوش ولا معرض بيبع الكيا بيكانتو حتي المصريه للسيارات
هو في مشكله في توكيلها !!
http://www4.0zz0.com/2007/07/03/17/11142863.gifيانهااااااااااااااااار أبيااااااااااااااضhttp://www4.0zz0.com/2007/07/03/17/11142863.gif
موضوعك ده رشق في قلبي رشقhttp://www4.0zz0.com/2007/06/20/04/67572238.gifوطلع من نافوخي
أنت عارف والله الـعـظـيـم أنا بقالي أسبوع حيران حيرة الهربان من السجن وخرج لقى نفسه في الصحراء http://www3.0zz0.com/2007/06/20/04/71671217.gif(وده طبعا لأني بشتري عربيه للمدام مش ليا لأنه لو كان ليا كنت حسمت أمري من زمااااااااااااااااااان لكن نقول أيه بقى ربنا يهديhttp://www3.0zz0.com/2007/06/20/05/53519203.gif)
يا راجل دا انا بكلمك ومعايا إيصال الحجز بتاع العربيه شيفورليه أسبارك (لسه حاجزها الخميس العصر) ودلوقتي بفكر اني ألغي الحجز وأدور على حاجه تانيه http://www3.0zz0.com/2007/06/20/04/71671217.gif
ومحتار زيك بالظبط ومش عارف أعمل أيه ؟
لما أوصل لحاجه هاقولك (أنا رايح الصبح أتفرج على الـQQ وربنا يسهل) لو لقيتها حلوه هاقولك
اشمعني اختارت شيفورليه ديه تقفيل تركي
طمني رسيت علي ايه
انا بقارن بين الماروتي والبيكانتو بس الفرق في السعر جامد
مراتي شافت دايهاتسو تيريوس موديل 2000 وطالعه من عنيها
الشيفورليه تقفيل كوري سواء الأفيو والأبترا والسباركاقتباس:
المشاركة الأصلية كتبت بواسطة hiwael
إلا إذا كنت إنت متأكد من إنها تقفيل تركي :?:
يا هاني بلاش ولا كيو كيو ولا بتاع
انت برضه لو سبارك اهه انت تحت راية جنرال موتورز ومش معنى تحت راية جنرال موتورز انهم هيدولك فلوس ولا يعني العربيه ميت فل وعشرة ولكن على الأقل هيبقى فيها امان في صناعتها لأن جنرال موتورز برضه مش بتهزر
اما عن الماروتي فالعربيه شكلها قديم والدركسيون بتاعها صعب ومش عارف دايما اشفها في الشارع سايبه من بعضها ومش ماسكه نفسها يعني تلاقيها مفككة من بعضها كده
معلش يا ابو عبداللهاقتباس:
المشاركة الأصلية كتبت بواسطة أبو عبدالله
احب اعقب على حتة الماروتى
العربية دى ميعرفش قيمتها الا اللى جربها
العربية دى مع خالتى من سنة 94 زيرو حتى يومنا هذا, العربية كانت بتروح يوميا العاشر من مدينة نصر (شغل جوز خالتى) بسرعة لا تقل عن 100 و ساعات كتير ازيد
لسه من سنة واحدة مغير لها طقم شامبر, و الموتور بتاعها عامل اكتر من 150 الف
العربية قطع غيارها رخيصة و متوفرة و صيانتها سهلة جدا, و فعلا بتستحمل جامد جدا عكس شكلها اللى لا يوحى بذلك
كمان خالتى التانية لسه جايبة واحدة من اكتر من سنة
الموديل الجديد فى شوية حاجات خفيفة مختلفة, الدركسيون انعم من الموديل القديم و العربية فعلا سعرها اكتر من ممتاز بالنسبة للسوق
بايو هل انت مصمم على عربية زيرو؟
يعنى لو بتكلم فى الرينج بتاع الخمسن ده
ليه متفكرش فى بولو او ابيزا مو 2001 و انت طالع؟
الموديلات دى فيها باور و تكييف و سنتر و زجاج كهرباء
ده غير الصاج الممتاز و الثبات العالى جدا
قدر الله وما شاء فعل
أنا خلاص يا جماعه جبت الشيري QQ أنهارده (لسه راجع من عند الوكيل)
بالرغم أني لسه معايا في جيبي إيصال الحجز بتاع الشيفورليه سبارك لكن هارجعه وأخد الفلوس إن شاء الله أخر الأسبوع
الف مبرووك يا بايو و ان شاء الله طلع عربية كويسة و عايزينك تقولينا رأيك فيها
انا حجزت الالتو 800 تكييف وكاسيت لاقيتها اوسع وشكلها احلى وتقفيلها من جوه انضف من الماروتى صحيح الفرق 12 الف لانها ب 46 الف , بس ارحم شوية
انا دورت على بيكانتو مستعمل 2005 بس مالقيتش واللى لاقيتها سعرها عالى وقريب من الزيرو
أنا عن نفسي هاقولكم أول بأول التفاصيل الممله عن السياره في ساحة "الصيني" وتقييمي لهاhttp://www3.0zz0.com/2007/06/20/04/23498877.gif بعد الـ1000كم الأولى
وبالنسبه لأخونا hiwael يا ريت برضه يقولنا على تجربته مع الألتو في ساحة "سوزوكي"
محدش فكر في البرودوا كاليسا ؟
هي في رينج ال 50 زيرو برده
الماروتي 800 cc الالتو 1000 ccاقتباس:
المشاركة الأصلية كتبت بواسطة hiwael
العربيتين تقفيل هندي الماروتي 34000 الالتو 42000
بالنسبه للمستعمل ال 50000 تجيب عربيات كتير محترمه
لو عاوز هاتش باك ممكن تجيب بولو 2001 لو عاوز سيدان ممكن تجيب اكسنت او كيا سيفيا او لانوس
نصيحه هات جوليت تجمع مميزات الهاتش باك والسيدان وهي هي اللانوس
انا اعتقداقتباس:
المشاركة الأصلية كتبت بواسطة mido_honda
الماروتي 800
الالتو في منها اتنين .. واحدة 800 برده و واحدة 1100 مش 1000