انا معايا دايو لانوس 2007 ... مع كل اول دوارة سواء الصبح او لما اكون راكنها فترة واجي ادورها الاقي دخنة بيضا .. واحد قاللي ان ده كده رشاشات فمش عارف المعلومة صح ولا غلط ياريت الافادة ...
عرض للطباعة
انا معايا دايو لانوس 2007 ... مع كل اول دوارة سواء الصبح او لما اكون راكنها فترة واجي ادورها الاقي دخنة بيضا .. واحد قاللي ان ده كده رشاشات فمش عارف المعلومة صح ولا غلط ياريت الافادة ...
بص انا عندى نفش المشكلة و سمعت انها كاوتش صبابات و معملتهاش لانها مش بتاكل زيت اوى و مش عايو افك و اعمل لانى مش فاهم اوى و معرفش ميكانيكى شاطى و امين و مضمون
و بردو سمعت انها رشاشات بس انا كنت مغيرها فسايبها شوية و تتشد مرو واحدة ان شاء الله
الدخنه البيضاء فى الصباح أو بعد ما المكنه تبرد عادى مفيهاش أى مشكله و دليل إن المحرك يعمل بكفاءة (بتكون رطوبه أتكثفت فى دورة الحريق و العادم و بتخرج مع التسخين)
أدام منسوب الزيت لا يقل يبقى حضرتك تلاحظ حاجتين:
- سن البوجيهات جاف و لا عليه زيت
- فى دخنه بيضاء و المكنه ساخنه (يعنى بعد مشوار متوسط سيب العربيه دايرة و انزل بص عالشاكمان فيه دخنه و لا لأ)
الحوار ده بيحصل عندى لكن اول ما بتحرك او اروح مشوار مبيبقاش فيه دخنه
وسألت كذا ميكانيكى فيها قالى مافيهاش حاجة ولا تعنى ان فيه حاجة بايظة او محتاجة شغل فى المكنة اوى
الله يطمنكم يا جماعة يعني كده مفيش مشاكل عربيتي سليمة .... هية بعد الدوارة بس بدقيقة بالضبط الدخنة ده بتروح خاااالص
لو دخنة بيضا فيها سنة ازرق يبقى كاوتش صباب
بس لازم تتابع الدخنة
طيب وهوة كاوتش الصباب ده بيكلف كام يا استاذ ظريف ... مع العلم انه بقولك الدخنة ده في اول الدوارة بس لكن لما بمشي بيها عادي جدا ومفيهاش حاجة .... يعني قصدي هية حاجة مؤثرة جدا والحق اعملها وكده قبل ما تبوظ حاجة ولا عادي ؟؟؟؟
متشغلش بالك بيها دلوقتى طالما دخنة بسيطة... تغيير كاوتش الصباب يستدعى فك وش السلندر بالتالى متفكش الا لو المشكلة كبيرة و واضحة
MMamdouh